اسأل أحمد خياط

الله يوفقك اخووي احمد,,,,,,,,,,,,,,,,,,,,,,,,

رح نتعبك معانا ..................

ننتظر معلوماتك المفيده
ومشكورين مره ثانيه

السلام عليكم ورحمة الله وبركاته أخ أحمد
جزاك الله الف خير
وأعانك على فعل الخير وتقديم المساعدة للغير
اسئلتي
- زوجتي تريد اكمال الماستر تخصص تغذية علاجية Nutrition وتخصصها في البكالوريوس اقتصاد منزلي هل يحق لها أن تكمل الماستر في هذا التخصص معدلها 88%
_ اخترنا ولاية أوهايو جامعة Kent لأن الدراسة ستكون على حسابنا الخاص
_ واش الخطوة اللي لازم أسويها أجيب قبول من الجامعة ويكون مشروط ولا أجيب قبول من معهد؟
_ ودي أعرف كيف المعهد التابع للجامعة من حيث الدراسة وأسعار المعهد من غير أكل وشرب وسكن
_ السكن لعائلة مكونة من طفلين
هل ولاية اوهايو أرخص من ولاية مسوري؟
عند البحث على التخصص في موقع الوزارة وجدت أن جامعة كنت مكتوب فقط بكالوريوس بالرمز B ومو مكتوب ماستر بالرمز M
هل يعني هذا أن الجامعة غير معترف فيها بدراسة الماستر
على سبيل المثال جامعة Arizona عند البحث في موقع الوزارة مكتوب عند التخصص الرمز B والرمز M
ليتك تفيدني في هذا الموضوع
وكيف ولاية Arizona من ناحية الرخص
لأني أبي ولاية رخيييييصة لين ننظم بأسرع وقت بعد مشيئة الله
السؤال الأخير متى تبدأ دراسة الماستر في أمريكا

جزاك الله ألف خير أخوي ونفعك بما تتعلم

اللهم أصلح أحوال المسلمين والمسلمات
ويسر أمر الدارسين جميعا

السلام عليكم اخوي خياط
غفر الله لك ولوالديك ولجميع المسلمين
انا دارس بكالوريس محاسبة واريد اكمال ماستر ادارة اعمال مالية
فما هي الجامعات المعترف بها ولا تتطلب جيمات بحيث ادرس اللغة في المعهد التابع للجامعة ومن ثم ادخل الجامعة بمشيئة الله تعالى
ولك الشكر

بالنسبه لدراسة القانون:
اعتقد بنطبق عليها نفس قوانين باقي التخصصات.. لقيت هذا الموضوع اعتقد راح يكون فيه معلومات تفيدك ان شاء الله. اضغطي هنا.

بالنسبه للمستندات الاصل:
صحيح اعتقد انهم يحتاجوا الاصل.. لكن -اذا تقدري- حاولي تتواصلي مع اللي اخذتي منهم التوصيات يمكن يساعدوكي ويعطوكي نسخ اصليه اضافيه..وكذا للسجل الاكاديمي.. هذا الشئ راح يساعدك لو قررت بعدين انك تقدمي في اكتر من مكان...


المصدر:
-شخصي


الله يوفقك وجميع المسلمين...

وعليكم السلام ورحمة الله وبركاته:




بالنسبه لقبول الجامعه:
اعتقد اذا كان المعهد تابع للجامعه ، قد تستطيع الحصول على قبول مشروط من الجامعه نفسها انك تخلص اللغه او التوفل مثلا وتقبل قبول نهائيه..




طريقة القبول:
ان شاء الله القبول المشروط راح يكون ميسر لجامعتك ، اعتقد تقصد (Cleveland State University) . بحيث ان الجامعه توفر القبول المشروط للطلاب الاجانب ، وبما انك معاك قبول من المعهد .. بعني ان شاء الله راح يعطوك قبول مشروط (بشرط اللغه). هذا الموقع فيه كل الخطوات اللي تحتاج تسويها والابليكيشن اللي تحتاج تعبيه وترسله الكترونيا للحصول على قبول مشروط. اضغط هنا.



نصيحه:
صدقني الملحقيه ماعملت هذه الخطوه.. انهم ماقبلوا قبول المعهد .. الا لمصلحتك.. في طلاب طلعوا لغه وماقدروا يحصلوا على قبول في الجامعه وبحسب قانون الهجره الامريكيه اضطروا انهم يرجعو السعوديه.. وهذا كله عشان لا يحصل لك او لغير (لاقدر الله ) نفس الشئ.. لان ساعتها راح تكون الصدمه قويه شويه...





المصدر:
- www.csuohio.edu





الله يسهل لك قبولك في الدنيا والاخره ولجميع المسلمين .. اللهم امين..

اللي اقصده:
الان في شئ جديد وهو ان الشيك العادي يعامل معاملة بطاقة الفيزا مثلا..يعني لما تدخل معلومات الشيك في الموقع.. الموقع على طول يشيك حسابك ويحسم المبلغ.. هذا الشئ مااعتقد لسه موجود في السعوديه...
بمعنى اخر.. لما تكتب معلومات الشيك في الموقع.. كانك قاعد تسوي ايداع في البنك..بس زي ماقلتك هذا للشيكات البنوك الامريكيه...بحيث ان هذه البنوك اعتقد انها تسمح لموقع الجامعه وغيره انه ياخذ معلومات في وقتها عن الشيك المودع...





الله يسهلك امورك وللمسلمين اجميع ..يارب..

اولا : اسال الله ان يحفظ لك ابناءك وابناء المسلمين..





بالنسبه لدراسة الابناء:
طبعا اعتقد ان الدراسه راح تكون مجانيه لكل المراحل (مراحل ماقبل الجامعه او الكليه) وتسجيلهم جدا سهل ان شاء الله..بما انك راح توصل في بداية الفصل التاني هذا ان شاء الله ماراح يكون له تاثير كبير.. لان احيانا تكون اوقات الدراسه هنا مختلفه عن السعوديه...هذا من ناحيه.. من ناحية تانيه..المدارس هنا (اقصد امريكا) حريصا جدا على تعليم الاطفال.. وراح يقبولهم على طول ان شاء الله وهذا احتمال يحصل حتى لو كان في منتصف الدراسه -على مااعتقد-




معلومه اضافيه:
هذا جدول العام لاحد المدارس في المنطقه (لجميع المراحل) ممكن تتطلع عليه وتاخذ فكره عامه عن اوقات الدراسه والتسجيل وغيره. اضغط هنا. بعدين:
1- اختار Parents & Students
2- من القائمة اللي في اليمين.. اختار " Calendars"
3- اختار الملف التاني.





بالنسبه للمعادلة:
اعتقد في نظام معين في معادلة الشهادات (في السعوديه) وهنا في امريكا اعتقد يمشوا بحسب العمر..






المدارس في Pittsburg,KS:
هذا الموقع فيه جميع مدارس المدينه (جميع المراحل ، الخاصه والعامه) وكمان فيه ترتيب المدارس ومعلومات كويسه عن كل مدرسه...اضغط هنا.








المصادر:
- www.usd250.org
- www.greatschools.org







اتمنى لك التوفيق ولجميع المسملين .. يارب..

يعطيك العافية اخ احمد

انا ادرس حاليا في ارامكو سنة تحضيرية وو تخصصي هندسة بترول

والسنة الجاية دراستي راح تكون بأمريكا

ممكن تعطيني افضل الجامعات للتخصصي

وو نبذة عن الولاية وو الحياة فيها وو اسعار السكن

وو مرة اخرى يعطيك العافية على المجهود الرائع

وعليكم السلام ورحمة الله وبركاته...



تصميم ازياء او نسيج؟
اولا ممتاز جدا انك محتاره بين تخصصين فقط..وصراحة انتي اهم شخص يحدد التخصص المناسب لكي..انا فاهم انك تحتاجي معلومات فقط.. لكن خلي في بالك في الاخير ارجعي للي تميل له نفسك..احيانا حتى لو كان التخصص صعب او شئ.. لكن لكي رغبه فيه (حتى من اسمه) صدقيني راح تجتهدي فيه وراح تمشي ان شاء الله.. هذا شئ.. الشئ التاني.. اول ماتختاري تخصص معين انسي الاخر على طول..عشان لا تندمي وتبدائي تتراخي في التخصص اللي انتي فيه...




نصائح لاختيار التخصص:

1- افهمي نفسك كويس.. حاولي تعرفي (بجد) ايش الاشياء اللي تحبيها واللي ماتحبيها.. بعيد عن تأثير الاخرين..

2- حاولي تاخذي نظره عامه عن اي تخصص تبي تدرسي .. وادرسي التخصص دراسه نظريه عامه.. كيف؟ لنفرض مثلا انك اخترتي "تصميم ازياء" .. افضل شئ تسويه..هو انك تشوفي الجامعه المناسبه .. طبعا سويتي دي الحاجه.. بعد كدا.. دوري على المواد اللي راح تدرسيها في هذا التخصص وشوفي هل هذه المواد راح تكون مناسبه لكي..(اشياء تعجبك ونفسك تتعلمي عنها؟) اذا كان كذلك اتوكلي على الله وادخلي التخصص..

ملاحظه:
خلي في بالك اي تخصص مهما كان.. لازم يكون في مواد ماراح تعجبك!.. لذلك لما تقارني تخصصين شوفي ايش التخصص اللي فيه المواد الاكثر من اللي ماتعجبك وابعدي عنه..

3- ابدائي الاستشاره.. شوفي ناس درسوا التخصص..يدسوا في التخصص.. الخ..

4- اخيرا.. شوفي طبيعة العمل بعد ماتتخرجي ان شاء الله .. هل هذه الطبيعه راح تكون مناسبه لكي؟





بالنسبه ل Philadelphia, PA:
الامان؟ طبعا الامان بيد الله مهما كان ... لو كنتي ساكنه في اخطر مدينه..لكن هذه احصائيه جديده عن نسبة الجرائم في المدينه..اضغطي هنا..

لاتشيلي هم وقارنيها بالمدن الاخرى (استخدمي نفس الموقع) ..




المكافأه ماتكفي؟
اختي اعتقد المكافأه تكفي في اي مكان.. وهذا يعود للشخص واسلوبه في الصرف..لكن شخصيا اعتقد ان المكافأه فعلا تكفي لاي شخص معتدل في اصرافه في اي مكان في امريكا!..





بالنسبه ل Drexel University:
الجامعه تعتبر من جامعات الفئة الاولى ، وترتيبها ال 86 على مستوى جامعات امريكا...





بالنسبه للاعتراف بها من وزارة التعليم العالي:
نعم الجامعه معترف بيها من الوزاره. اضغطي هنا. وبناءا عليه .. اعتقد كمان المعهد راح يكون معتمد...







المصادر:
- www.cityrating.com
- www.usnews.com
- www.mohe.gov.sa






الله يختارلك اللي فيه الخير ولجميع المسلمين... يارب...