ابي اي شيء يقبلني لو جامعه كودو
كيف حالكم جميعا
الاسف وكماتعلمون ان الوزارة ابتعثت شباب كثير لايستحقون البعثه وانا اولهم بلا فخر باقي شهرين ويفصلوني من البعثه والتوفل وقعدت اقامز لين قلت بس وقفت على 380 والمعهد رايق يبني اتكي 7 شهور ولا انا ماعندي شيء بس ملحقيتنا الحبيبه ارسلو لي ايميل باقي لك شهرين وينتهي التمديد الموقر لاسف لي سنه و 4 شهور ولسى بالمستوى الخامس من ثمانية وكل مستوى شهرين ولاسف يعني بخلص المستوى الخامس وبنفصل يعني تحس انك غبي لو قعدت تدرس. علما اني والله ماني راجع للسعودية الى لين السفير يجرني مع اذني وهو والملحق
جينا امريكا دشرنا لاسف الشباب تفصلوا من البعثه والي اجل البعثه والي رجع والي يدورنه سفارتنا الموقرة المهم ياطولين العمر والسلامة باقي ثنين انا وشخص موقر مثلي لايستحق الابتعاث لاسف نبي جامعه تقبلنا لو ان شاء الله بقلعه امريكا لو بخط سفر مافي مانع ولا في مانع من ان تكون غير معترف بها اي مكان واي زمان لايهم ابي جامعه تقبلني فقط واتمنى من الله التوفيق والسداد لنا ولكم
رد: ابي اي شيء يقبلني لو جامعه كودو
أخوي معليش لكن سؤال بسيط
انت ماقدرت تعدي المعهد؟؟؟
ترى الجامعات اصعب من المعهد بمليون مرة
يعني نصيحة ,, افتح صفحة جديدة واشتغل بارت تايم الله لايهينك ,, والا دبر لك شويه فلوس من هنا ولا من هنا ,, وخلص المعهد ,, ترى مو صعب ,, والله مو صعب
هاذي نصيحتي لك ,, ونصيحة أقبل النصيحة
واذا تبغى جامعة من غير لغة ,, انصحك ترجع للسعوديه اريح لك
والله يوفقك ويعينك
رد: ابي اي شيء يقبلني لو جامعه كودو
والله موضوعك صعب وماادري وش اقول لك ياخوي.. الله يوفقك ويكتب لك اللي فيه الخير... ولايضيق صدرك لانها يمكن خيرة لك ..
رد: ابي اي شيء يقبلني لو جامعه كودو
ما اقدر الا اني ادعيلك بالتوفيق ان شاء الله
لان حالتك كذا صعبه ....
رد: ابي اي شيء يقبلني لو جامعه كودو
والله ما اتوقع فيه جامعه تقبل توفل 380
حتى جامعة كودو :) خخخخخخخخ
عموما حاول تدخل اختبار التوفل قد ماتقدر والملحقيه راح تدفع المصاريف
يعني يمكن ان شاء الله تجيب درجه حلوه
واذا انتهت مدة ابتعاثك يمكنها خيره لك .. يكفي انك فليتها الييين قلت بس :)
والله يوفقنا وياك يارب ..
مشاركة: ابي اي شيء يقبلني لو جامعه كودو
احسن شي عجبني فيك اخي الكريم انك اعترفت انك فليتها زيادة عن اللزوم وتأثرت دراستك
اللي اقدر اقوله لك انك تشد حيلك في المستوى اللي انت فيه وتذاكر بنفسك وتستفيد اكثر مايمكن من المعهد والتحدث مع الناس ومشاهدة التلفزيون وقراءة الصحف والمجلات .. وبعد كذا في جامعات ماتبي توفل بس تبي اختبار ميتشيقن .. الاختبار ماهو سهل بس نوعاً ما اسهل من التوفل .
من هذه الجامعات جامعة لورنس في ميتشيقن ..
اخوي اذا مانفعك اختبار ميتشيقن انصحك ترجع السعودية ولعلها خيرة لك ان شاء الله
رد: ابي اي شيء يقبلني لو جامعه كودو
في نظري ان الرد رقم #6 حكمة ,, راح يفيد كل الاخوان اللي يدرسون لغة مشكور أخوي لايفوتك ,, ولاتفوتنا نصايحك:) وأسال الله للجميع (الجميييع) التوفيق
رد: ابي اي شيء يقبلني لو جامعه كودو
لا حول ولا قوة الا بالله العي العظيم
اخي
الحل انك تدرس وتذاكر وتجيب توفل بدرجة عالية
مافي غير كدة
اشتري كتاب واتمرن كل يوم
وبطل فلة وخليك مجتهد
هذة هي الطريقة الوحيدة للنجاح
اما بالنسبة للعمل بارت تايم مستحيل لأنك لساعك في المعهد
والعمل مسموح لمن تنتظم في الدراسة الجامعية وليس قبل.
المهم ذاكر واحفظ واجتهد والله يعين
وراجع نفسك,
لو شايف انك منت قد البعثة
واكتفيت فلة وتمشية
تقدر ترجع بلدك أكرم لك وتعطي فرصة لمستحق وتكسب أجر طالب علم مجتهد
مشاركة: ابي اي شيء يقبلني لو جامعه كودو
اخي الكريم عندك شهرين تقدر تسوي فيها المعجزات صدقني لا نجاح مع اليأس ولا يأس مع النجاح بالتوفيق لك ولجميع اخواني المبتعثين
مشاركة: ابي اي شيء يقبلني لو جامعه كودو
الشي الحسن انك اعترفت بـ تفريطك بالبعثة وفرصتها والتي حرم منها طلاب يستحقونها
على حساب آخرين !!
على العموم
في هالشهرين هذول تقدر تطور لغتك بشكل كبير خاصة انك وصلت Level #5 يعني تحاول تقرأ مجلات وجرايد وتشاهد التلفزيون وغير هذا تمارس اللغة فـ اللغة هي الممارسة والتعود بما أنك وصلت لـ لفل 5 معناتها أنك تفهم 60-70% من اللي تقرآه أو أكثر يعني مجرد جهد مضاعف واجتهاد بإمكانك رفع درجة التوفل إلى 500 ويعدين تقدر نقدم على جامعات بهذي الدرجة ,,
صحيح في معهد أي جامعة تدرس ؟؟