أبغا رايكم ادرس بكالوريوس أو ماجستير !

السلام عليكم ورحمة الله"

بالبداية انا محتار بخصوص موضوع القبول باحد جامعات امريكا لدراسة الماجستير وابغا استشير لاني قدمت على اكثر من جامعه لدراسة وتم رفضي لمعدلي المنخفض "
وانا لي ست شهور ماعندي شغلة الا اقدم مافية مكتب بالرياض ماجيتة وبصراحة انا تعبت قلت الكلام هذا لصديق فهو قال لية ماتقدم علي الثانوية خاصة ان معدلك حلو وتحصل قبول لدرسة البكالوريوس بعدين اذا رحت هناك ابحث بنفسك عن قبول للماجستير وتضرب عصفورين بحجر تدرس لغة وماتضيع وقت وكمان تبحث عن الجامعة المناسبة لدراسة الماجستير والي تقبل بمعدل 2.15 من 5 او حسب المعادلة wes 2.26-4
وهذا معدلي مع العلم ان التخصص المطلوب لدراسة الماجستير ادارة اعمال او قانون مع العلم اني خريج جامعة الملك سعود قسم القانون...

وهل هناك صعوبات قد تواجهني بتحويل الابتعاث من بكالوريوس الى ماجستير..
وهل فية امكانية قبول لدراسة الماستر بهذا المعدل " طبعا ماراح اتشرط اي ولاية واي مدينة"

بالختام اتمنى ماحد يقصر وكل من عنده معلومة لو بسيطة يقولها "

وتقبلوا تحياتي...

بس الابتعاث لدراسة البكالوريوس صعب ......ماعدا التخصصات الطبيه
فكررررررررر زين قبل ماتسوي شي ....وعلى فكره انا معدلي (فلم هندي) وحصلت قبووول.

اقتباس:

---

المشاركة الأصلية كتبت بواسطة الـحـالـم

بس الابتعاث لدراسة البكالوريوس صعب ......ماعدا التخصصات الطبيه
فكررررررررر زين قبل ماتسوي شي ....وعلى فكره انا معدلي (فلم هندي) وحصلت قبووول.

---

اول شي يعطيك العافية وكلامك جميل لكن ابغا اقولك شي انا لو قدمت بكالوريوس راح اقدم على قانون وباذن الله بتضبط؟

لكن المشكلة الاساسية هي شرايك اطلب قبول بكالوريوس وبعدين اذا رحت اغير وارقي البعثة للماجستير هذا اذا لقيت جامعة تقبلني..

واكيد اني بكون بحاجة النصح من الجميع وبخاصة اصحاب المعدلات على قولتك "فلم هندي" انت بس وجهني باسم الجامعة الى تقبل هالمعدل واقدر ادرس ماستر فيها واكون لك شاكر ومقدر"


بانتظار كل من يملك معلومة مهما صغرت..

وشكرا..

انا في جامعة نورث الاباما في ولاية الاباما في مدينة فلورانس

بس مسالة انك تغير دراستك هناك من بكالويوس الى ماجستير مااقدر افيدك فيها

هلا والله

اخوي والله تقهر السالفه

لكن يمكن الماجستير اسهل بالبعثات

لكن بقولك شي اتصل فيني احد اصحابي

وقالي عن مكتب بالرياض يجيب قبول لي امريكا بي 3000

غااالي طبعاً لكن يقول انه متخصص بالمعدلات النازله

وهو مصري يقول اجيب لك القبول في ثلاث ايام؟

واذا ما جا قبولك خذ فلوسك

طبعاً الوضع مريب ويخوف وتحسه نصاب

لكن اذا انت لك طرقك تحجر للمكتب على شان ما يزرقك بالفلوووس كلمني على الملف الشخصي وابشر اجيب لك الرقم

واتمنى لك التوفيق ولي بنفس الوقت ولكل المسلمين

اخي سامي
الله يوفقك في البدايه
ثانيا اعتقد ان لو سويت حركه قبول البكالوريوس ولما تجي امريكا بتدرس ماجستير هذا مرفوض ثم مرفوض ثم مرفوض
لانه اذا جبت قبول بكالوريوس من اي جامعه حيرسلون لك ال I20 للبكالوريوس فقط مع تحديد المده مثلا 4 سنوات
وبكذا ماتقدر تدرس الماجستير لان ال I 20 حقك مش للماجستير
اتمنى لك الفائده من طرحي هذا

سبـحان الله..!

انا داخلة بنزل موضوع عن نفس المشكلة..

الان احنا خلصت امورنا انا ومرافقي طلعت الفيزا وكل شي ..

بما انه المرافق عشان يصرف عليه كمبتعث لازم يجيب قبول مشروط... فقلنا راح نحاول نجيب له قبول ..
بس المشكله انه مرافقي ماستر .. والمعدل منخفض ..
فانا فكرت نجيب له قبول بكالوريوس عشان نسرع من عملية التحاقه ..واثناء مرحلة الللغة .. نبحث له قبول ماجستير على رواقه ..
ما ادري هل هذا مقبول عند الملحقية او لا ..؟

هل بيدققوا على انهم الحقوه كطالب بكالوريوس وبعديين .. تغير القبول لماجستير؟