والله الواحد سار كاره حكايه حجز السفارة دا ؟؟؟؟ اريد حلا

السلام عليكم ورحمه الله وبركاته
طبعا يا اخوان زي منتو شايفين من العنوان المشكلة الدائمة الي ماتنتهي وهي
اني بعد ماعبيت حقي الابليكيشين انا والوالد وفحطت بعد ماكملتوا وارسلتوا للسفارة
اجي ابغى اسجل في موقع السفارة عشان اخد موعد واحط الرقم حقي kas000000000 خلاص
واجي ابغى اسجل يطلعلي خطأ او الحرف غير صحيح مع العلم اني كتبتها كلها كبتل والكلمه السريه عملتها زي مايقولوا؟
كلمت المكتب الي جبلي القبول واحد قلي انوا الخطأ من موقع السفارة عندهم مشكله انهم مو حاطين ارقام الطلاب كلهم فلمن اجي احط الرقم حقي يقلي خطأ.
ويقلي سجلي في الايام العاديه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ طيب كيف والسفارة راسله وقايله سجلوا بس في دي الواعيد
يقلي انتي قوليلهم انوا الموقع مارضي يسجلك عشان كدا اخدتي موعد عادي مو خاص بالطلاب حقون البعثه


فأرجوكم اذا احد فيكم واجه زي دي المشكله يقلي كيف اتصرف فيها ترى كلنا في الهوى سوا .:tongue4:

اسم المستخدم صحيح مافي مشكله لانوا عملتوا زي ماقالوا حروف صغيرة وكبيرة ورقم ورمز وكلوا
اما بالنسبه اني اراسلهم فما ادري على اي ايميل بالضبط؟ ولا على نفس الايميل الي جاتنا منوا الرسايل ؟؟؟؟؟؟؟؟؟؟؟

جزاك الله الف خير يا اخي
وان شاء الله اليوم اكلمهم عشان اشوف النهايه معاهم

الله يعينك ويسهل عليك

ترا مو لازم انك بس تاخدي موعد في دي الأيام....اصلا في الايميل اللي ارسلولنا هوا قالو يفضل ولكن مو شرط...و بالنسبة للناس اللي ماخدين موعد بالطريقة القديمة قالو يا إما تكنسلو او لأ بكيفكم......انا موعدي ماهو في دي الأيام ومحيكون فيه مشكلة ان شاء الله...
بالتوفيق

والله يا اخوان انا جالسة ليا اسبوعين وانا اعبي ذا الابليكيشن وكل ما اقله next يقولي في غلط وفي الاخير قلت اروح لمكتب واريح نفسي ورحت للمكتب واقابل واحد بريطاني واتفقت معاه على اساس يخلص الامور بعدين اتصل وقالي في مشكلة في الموقع ومش راضي يشتغل ومعلق والله هذا هو بريطاني وهو حايس اقسم بالله له اسبوعين وهو يحاول بس ما ادري ايش المشكلة الله يعين وادعولي

موفقه يالغلا الله يكون في عونكم

اسال الله العلي القدير ان يسهل لك امورك ويوفقك في مشوارك العلمي

الله الابليكيشن دا قعدت عليه 8 ساعات حقي انا والوالد طلعت عيني ولمن خلصت منوا فرحت وقلت خلاص مابقي غير الحجز
وجاتني مشكله الحجز هذي .
دحين انا عملت بنصيحه الاخ بريستيج وارسلت لهم ايميل على المشكله دي جاني على طول ايميل رد منهم انهم استقبلوا الرساله وسيتم الرد عليك خلال 5 ايام ............. يا فرحتي بيهم والله بالهم طويل
اما الرقم فقاعده ادق من وش الصبح عليهم ومحد رد عليه بالتحويله دي .
والله انا حاشوف لغايه بكرة محد رد عليخ خلاص حأحجز في يوم تاني وخلاص اريح راسي .
والله يعيين الجميع.