الملحقيه الثقافيه بامريكا
الملحقيه الثقافيه بامريكا ...
للاسف يااخوان ملحقيتنا اللي لازم انها توقف معنا وتخلص اوراقنا باسرع وقت للاسف انها تمرمط فيني من شهر المشكله المعهد يبي رسوم السشن الاخير وانا بصراحه ماقدرت رغم ان قراري نازل من شهرين لاهم اللي سددوا السشن اللي فات ولا هذا والمشكله الاكبر ان المعهد مانعني من دخول الكلاسات من اسبوع وادق على الملحقيه وللاسف ماحد يرد وان ردوا يردون اخر الدوام ويقولون الدوام خلص مافيه اللا واحد في الملحقيه اللي يستحق الشكر اللي هو الاستاذ عبد الرحمن توتونجي بامانه الرجل يرد على ايميلاتي وهو باقي ماصار المشرف حقي الله يجزاه بالخير دنيا واخره انا مااعمم على جميع موظزفين الملحقيه بس اتمنى اللي يحطونه في مكان ليخدم المبتعثين انه يؤدي واجبه على اتم وجه واللا يستريح في السعوديه وبيلقى الراحه
واسف عالاطاله ...
رد: الملحقيه الثقافيه بامريكا
يعني صارلك شهرين من صدور قرار اللحاقك بالبعثه
ولم يتم صرف شي ؟
موفق
رد: الملحقيه الثقافيه بامريكا
والله ياخوي قراري بالظبط صارله شهر و12 يوم والى الان ماسددوا المعهد ولا صرفولي مكافاه الحمد لله الامور متيسره بس انا ملحق ولازم يرسلون لي الضمان المالي ويصرفولي مكافاه لان فيه مصاريف ايجار وكتب مايخفاك هالشي
ومشكور على مروورك اخوي...
رد: الملحقيه الثقافيه بامريكا
يعني ملفك كامل من الى عندهم
الخوف ولله يجمعو المده ويكون تعويض الصرف الشهر الجاي
تدري حاول تخلي المعهد يوجه خطاب الى قسم الماليه من بريد المعهد نفسه بالمطلوب كذا انت ضربت عصفورين بحجر
ولله ييسرلك
رد: الملحقيه الثقافيه بامريكا
مشكوور اخوي وفكره حلوه اخلي المعهد يرسل خطاب الله يجزاك خير
رد: الملحقيه الثقافيه بامريكا
الله يوفقك وييسرها لك
والله ماعندي أي خلفية ولكن الله يعينا على الموظفين الغير مبالين
رد: الملحقيه الثقافيه بامريكا
الله يعينك ويسر امورك ياكريم وامور كل طالب وطالبه وامور المسلمين اجمع................................
رد: الملحقيه الثقافيه بامريكا
اخوي قلهم ابي صوره من الالحاق بالبعثه وده لم الجامعه ولا اقولك قص تذكره على ملحقيه وخلهم يعطونه لك
وش متين دولار حقت التذكره ولا يفصولك من الجماعه ويارب توافينا بكل التفاصيل
رد: الملحقيه الثقافيه بامريكا
ياشباب واخيرا وبعد اسبوع ونص تنازلت الملحقيه وردوا علي وفي الاخير تقولي الموظفه الملف مو عندي قلتلها افتحي السيستم وفتحته وعطيتها رقم بطاقتي وطلع الملف عندها والمهم الله يعزكم لعنت جدفها وبعدها مشت معي زي الالف قلتلها انا المعهد طلعني من الاختبار بسبب اهمالك اذا ماوصلني الضمان او صورة الضمان عالايميل علشان اختبر راح تتحملين السئوليه قالت انا ارسلتلك ايميل بس يمكن ماوصلك قلتلها عالعموم انا مرسلك ايميلين ولارديتي ومن ناحية ايميلك اللي ارسلتيه علي وتقولين يمكن ماوصلني ابيك تطبعين الايميل ويكون التاريخ فيه اذا كان الايميل قبل اليوم انا اتحمل المسئولييه لاني باطبع ايميلاتي وباقدمها على العمار مدير الملفات يوم قلت كذا قالت معليش انتوا كثير زمانلحق على اوراقكم واعتبر ضمانك بكره على ايميلك وبارسل الاصل على المعهد ياناس هذولا مايمشون مع اللي يجيهم باسلوب اذا الواحد جاهم باسلوب يخرشهم يمشون معه زي الالف . عالعموم الحمد لله والله يستر ماتسحب علي بكره ههههههههههههههههه
رد: الملحقيه الثقافيه بامريكا
الف مبروك اخيرا ردو عليك
انشاء الله امورك كلها تتسهل