المشاركة الأصلية كتبت بواسطة Ra'ed
يمسيك بالخير اخوي,,
طبعا الرابط اللي عطاك اياه اخوي ( الشريف ) هو للمبتعثين اصلا, مو للي بيدرسون على حسابهم
لكن على أية حال, بامكانك تستخدمه حتى وانت طالب دارس على حسابك
فاللحين قدامك خيارين:
إما انك تعبي بياناتك الاساسية في الرابط المذكور من جهة ( الشريف ) وتعبي فيه ( رقم الرحلة, واسم الخطوط... )
وهذا الخيار تستخدمه في حالة ان الخطوط اللي طالع فيها ( خطوط طيران غير الخطوط السعودية )
و الخيار الثاني :
هو انه في كل رحلة (للخطوط السعودية الى امريكا بتشوف واحد من موظفي الملحقية رافع لافته بالعربي
في مطار واشنطن
لاستقبال جميع الطلاب القادمين من السعودية
فهو يشوف اذا اسمك مسجل او لا ( فطبعا في هذا الخيار ما راح يكون اسمك متسجل,
لانك ما سجلت اسمك بالنموذج - اللي في الرابط -) لكن لا تخاف , انت بتروح مع هالموظف
على باص الى اقرب فندق من المطار وبتدفع على حسابك قيمة الاقامة بالفندق لمدة يوم ( بسعر خاص للطلاب )
بعدها بتواجه امرين ,,, في حال انك مبتعث او معك ( امر اركاب على الاقل )
بياخذك الموظف على الباص من الفندق الى الملحقية
بعدها بيخلصون لك اجراءاتك ويبيرجعونك للمطار وتتوكل على الله لولايتك.
اما الحالة الثانية وهي : انك طالب دارس على حسابك الخاص..
فهنا, بعد ما تطلع على باص الملحقية الى الفندق ( اللي بتدفع رسوم الاقامة فيه لمدة يوم كذلك )
بيخلونك بالفندق مع واحد اسمه سعد العريني
ياخذ منك الاوراق المطلوبه منك مثل : ( صورتين شمسيتين, الاي تونتي, صور من شهاداتك وكشف الدرجات, صورة قبول الجامعة والمعهد في الولاية اللي رايح لها..)
وبعدها يقولك توكل على الله لولايتك.
اتمنى اني افدتك و سوري على الاطالة..
تحياتي...
March 11th, 2010, 01:43 PM
كيف اخبر الملحقيه باني ساكون في واشنطن؟؟؟؟