مساعدة تحويل البعثة من برنامج خادم الحرمين الى الجامعة

ااامين يارب ويسهل لي امر بعثتي :-(
الحين امورك تمام بس اول مايوافق العميد ضروووري ترفع خطاب لمدير البعثات تطلب الغاء بعثتك من البرنامج لانك لو ما الغيتها وطلع لك قرار ابتعاث من الجامعه بيصير في لخبطه وبيتأخرون في صرف مستحقاتك.. واذا تبغى صيغة الخطاب مثل ماأعطاني هي سكرتير د/الموسى بعطيك اياها ... وبعد كذا مافيه غير انك تستنى الموافقه على ابتعاثك وتتابع معاملتك ... وبالتوفيق

اختي Ana_5goola

ياليت يالغالية لو تعطيني صيغة الخطاب اكون لكي من الشاكرين

وياليت توضحين لي الاجراءات بعد موارفق العميد على الابتعاث وين اروح ..

لكي مني جزيل الشكر

تكتب الخطاب باسم مدير عام البعثات تقول فيه
أنا الطالب /................................... بسجل مدني رقم .................... تم قبولي في برنامج خادم الحرمين الشريفين للابتعاث الخارجي في المرحله الخامسه برقم الطلب .............. وقد أنهيت جميع إجراءات البعثه وأصدرت قرار ابتعاث برقم............. وأرغب في إلغاؤه بسبب تعييني معيد في جامعة ................ وسيتم ابتعاثي عن طريق الجامعه.
شاكر ومقدر تعاونكم
وترسله لإدارة البعثات

بعد مايوافق العميد يرفعه لمجلس القسم ثم مجلس الكليه ومجلس الجامعه ثم موافقة مدير الجامعه ويطلع لك قرار ابتعاث وطبعا لازم تسوي اخلاء طرف من الجامعه وتمر على كم اداره بس اجراء عادي ماياخذ منك وقت بعد مايطلع لك القرار تطلع امر إركاب وتسافر بإذن الله..

السلام عليكم ورحمة الله وبركاته
أولاً: مبروك لك الإعادة من كل قلبي
ثانياً: أنا حصل لي مثل ما حصل لك، من وجهة نظري الآن أنت أمام خياران، خذ الخيار الأقوى بالعقل، وهو الإعادة
صدقني بالإعادة تفعل ما لا تفعله بالابتعاث
يكفي أنك عندما تكون معيداً تدرس لغة إنجليزية ثم ماجستير ثم دكتوراه بدون أن ترجع
وإمكانية تمديد البعثة لك ميسرة في الجامعة
أنصحك وبشدة بالتمسك بحبل الجامعة
لأن الجامعة ستنوع أفقك وستشجعك على الابتعاث، وبعد رجوعك من الابتعاث ستكون دكتور في الجامعة
وستسعى بعض الجهات للاستفادة منك خصوصاً أنك دكتور وخريج أمريكا
بمعنى يكون لك دخل آخر
لا تضيع فرصة الجامعة
ويمكنك أن تذهب لإدارة الجامعة الدور الرابع قسم الموارد البشرية وتسأل الأستاذ فيصل بن سعود الحربي
وإن شاء الله يفيدك ويزيل هم تساؤلاتك
تحياتي لك

اختي Ana_5goola

اخوي الحق

يعجز لساني عن شكركم لما قدمتم لي من معلومات قيمة

الله ييسر اموركم وينير دربكم ويوفقكم لك مايحبة ويارضاه

امين يارب العالمين

بالتوفيق للجميع ..

موضوع مفيد جدا لكن عندي سؤال .

في حال ن القبول وصلني و الفيزا طلعت لكن قبل اصدار قرار الابتعاث جتني وظيفه معيد هل يلزم ارفع خطاب لمدير البعثات بالغاء بعثتي ؟

نعم يلزمك الغاء بعثتك عن طريق البرنامج وطلب ابتعاث من الجامعه,,,