الأعضاء الإشتراك و التسجيل

الملتقيات
ADs

مساعدة تحويل البعثة من برنامج خادم الحرمين الى الجامعة

مساعدة تحويل البعثة من برنامج خادم الحرمين الى الجامعة


NOTICE

تنبيه: هذا الموضوع قديم. تم طرحه قبل 2829 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mohammed426
    mohammed426

    مبتعث مستجد Freshman Member

    mohammed426 الولايات المتحدة الأمريكية

    mohammed426 , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى حاسب الي , بجامعة الملك سعود
    • الملك سعود
    • حاسب الي
    • ذكر
    • الرياض, امريكا
    • الولايات المتحدة الأمريكية
    • Aug 2009
    المزيدl

    March 15th, 2010, 03:04 AM

    السلام عليكم ورحمة الله وبركاتة

    اخواني الاعزاء المعيدين

    اسمحولي اخذ من وقتكم الثمين بعض الدقايق

    انا مبتعث على برنامج خادم الحرمين الشريفين المرحلة الخامسة

    والحمد لله خلصت جميع الاجراءات وطلعت الفيزأ ومعي قبول جامعة معتلرف فيها وقبول معهد

    واصدرت قرار ابتعاث وامر اركاب وقصيت التذاكر

    بس قبل رحلتي بيومين اتصلو على جامعة الملك سعود واخبروني اني قبلت معيد عندهم

    الحمد لله والشكر له

    السؤال :

    وش اسوي في هذي الحاله ابغىء ابتعث على نفس القبول والجامعة معترف فيها

    انا ماعرف كيف اجراءات الجامعة

    رحت لهم وعبيت طلب التوظيف وانهية الكشف الطبي وانتظر قرار التعيين

    وش اسوي بعد كذا عشان ابتعث

    ياريت ياخواني داخل على ثم عليكم اي احد يشرح لي الاجراءات من الالف الى الياء

    تكفون تكفون تكفون تكفون تكفون تكفون تكفون تكفون تكفون تكفون تكفون

    لاني والله مني عارف اي شي ومتخووووووووووف اتاخر وينتهي القبول

    علماً ان دراستي تبدىء بعد 40 يوم كحد اقصى لازززززززززم اكون متواجد في امريكا

    والله اللي بيساعدني لادعي له دعوات عساء الله يستجيب لها

    والف شكر يالغالين

    بالتوفيق للجميع
  2. عليكم السلام ورحمه الله وبركاته

    أخوي فيه مواضيع مشابهه لموضوعك هنا في المنتدى .. و كانوا محتارين ويقولون اترك البعثه او أشتغل في الوظيفة اللي جتـني

    يعني من كلامهم نفس الشي .. يا أنك تاخذ الوظيفة أو انك تستقيل منها وتطلع لبعثتك

    و إذا فيه خيار ثالث فما أدري بصراحة ..وأنت قبل كل شــــي أستخر ربك والله يكتب لك اللي فيه الخير إن شاءلله .. دمت بوود ،،
    7 "
  3. أهم شي القسم اللي بيقبلك يوافق على بعثتك مباشرة



    يعني زبدة الموضوع بدل ماتدفع وزارة التعليم العالي فلوسك في أمريكا (الضمان المالي)

    خلاص هنا تصير الجامعة هي اللي تدفعه

    وانتهى الموضوع


    وترا فيه مواضيع كثثثيرر عن هذا الموضوع وناس لهم تجارب
    7 "
  4. اخوي الف مبروك على الوظيفة

    واستخير ربك وشوف

    بس نصيحة مني

    انت مدام انها جاتك وظيفة معيد فراح يكون ابتعثاتك من وظيفتك افضل لان لمن ترجع وظيفتك موجودة

    بس على حسب كلام الاخوان يقولو يالوظيفة يالبعثة يعني لازم تضحي بوحده منها

    بس لازم تتاكد


    واتمنى لك التوفيق من كل قلبي
    7 "
  5. السلام عليكم.


    اخوي مافيها كلام وظيفة المعيد افضل.. ومن شروط قبول الوظيفة انك تروح تكمل دراستك بالخارج .. يعني راح يبتعثونك من عندهم.. واذا انت تفكر بقبولك واوراقك اللي معك الان. افضل شخص ممكن يفيدك هو عميد الكلية او مدير القسم اللي انت انقبلت فيه.. يعني روح واسئلهم وقلهم انك راح تباشر بس عندك اوراق كاملة وفيزة للبعثه هل تبوني اروح عليها وتحولون بعثتي عليكم او تبوني اباشر واجلس وبعدين اروح. وراح يفيدونك لان كل قسم وكل كلية لها نظامها بالامور ذي

    بالتوفيق اخوي
    7 "
  6. اخواني يالغالي

    اشكركم من كل قلبي على التفاعل الذي ينم عن اخوه صادقة

    بس ودي اوضح لكم بعض الامور

    انا اليوم استلمت قرار التعيين وطلبو مني المباشره

    وقالو بخصوص الابتعاث

    هنالك بروتوكول معين لازم تمر فية

    وهو تعرض طلب الابتعاث مع القبول على مجلس القسم ثم مجلس الكلية ثم ادراة البعثات ثم مجلس الجامعة

    ثم ترفع للوزير وبعدها تسوي اخلاء طرف وامر اركاب وتقص التذاكر وتتوكل على الله

    وهذ كله من شهرين واكثر وانا قبولي بينتهي

    افزعووووووووووولين ياخوان

    هل هذا الكلام صحيح

    وش الاجراءات الاسهل لكي اكمل اجراءات الابتعاث

    والف شكر لكم
    7 "
  7. نعم الكلام صحيح .. وجميل انهم بيطلعوك بشهرين .. في العادة تكون سنة او ستة اشهر كحد اقصى

    بالنسبة لمميزات الوظيفة انك تبتعث ووظفيتك عندك ومضمونه وكمان ينزل لك نصف الراتب في السعودية ولكن المشكلة تكون مقيد بالجامعه والقسم ويحددوا لك كل واحيانا كثيرة يعقدوك ..

    اخيرا بالنسبة للقبول اللي معك والفيزا بسيطة جدا اجلها واطلب I20 جديد

    والله يوفقك ان شالله
    7 "
  8. أخوي محمد أول شي الله يعينك,,,
    أنا صارت لي نفس حكايتك بالضبط كنت مقدمه على برنامج الابتعاث للمرحله الرابعه والحمدلله تم قبولي وطلعت الفيزا وقرار الابتعاث وجهزت نفسي للسفر اتصلوا فيني جامعة الملك سعود وقالوا لي اني قبلت معيده في الجامعه وبعد مشاورات كثيييره نصحوني بأن الوظيفه افضل واطلع بعثه من الجامعه وفعلا هذا اللي صار تعينت معيده ومن يومها وانا اقولهم بطلع بعثه وعندي قبول وفيزا وقرار ابتعاث وكل احد يعطيني كلمه والان طبعا قرار ابتعاثي انتهى لان مدته ثلاث شهور كحد اقصى وبداء موعد الدراسه ومر على فيزتي سنه كامله ولازلت على نفس الوضع بس ان شاءالله طالعه طالعه.. بس من خلال تجربتي بقولك شتسوي
    اول مايطلع قرار تعيينك تكلم عميد الكليه وتقوله انا عندي رغبه اطلع بعثه هل ممكن اطلع الان ؟؟ لان يختلف من عميد لعميد فيه عميد ممكن يطلعك على طول وفيه عميد يقول لا لازم يمر سنه على تعيينك وانت وحظك.. بعد كذا اذا قالك خلاص اوكي ممكن تطلع لازم تسأله في التخصص اللي حاب تكمل فيه لانه كمان ممكن مايوافق عليه وممكن هو يحدد لك التخصص برضوا على حسب العميد..
    اذا وافق على التخصص اللي جبت فيه القبول حلو ,, ما وافق على طول تبداء تبحث عن قبول في التخصص اللي هو يحدده وممكن بعد يوافق انو يطلعك بقبول لغة فقط برضوا على حسب العميد فيه عميد يوافق يطلع بقبول لغه وفيه عميد مايوافق مع انو مدير الجامعه اصدر قرار بالسماح للمعيدين بالابتعاث بقبول لغه فقط !!! ماعلينا بعد كذا اذا ضمنت موافقة عميدك ورفعت له اوراقك ووافق عليها ترفع خطاب باسم مدير عام البعثات تطلب فيه الغاء بعثتك لانه ماينفع يطلع لك قرارين ابتعاث ولاينفع انك تسافر عن طريق الجامعه بنفس قرار الابتعاث تبع البرنامج ح يكون عندك تعارض وهذا الكلام ماخذته من سكرتير د.عبد الله الموسى شخصيا.. وفيه نقطه مهمه وهي انك بمجرد ماتكلم العميد تبعك ويوافق على ابتعاثك لازم تكلم ادارة الموارد البشريه في جامعة الملك سعود وتقولهم انا معيد وارغب في الابتعاث علشان يرفعون ملفك للوزير وهذي النقطه مهمه ولازم تسويها اول شي حتى قبل ماتجيب قبول لانها ممكن تاخذ وقت واذا كنت بتجيب قبول ثاني وحاب تاخذ ضمان مالي تطلبه من عندهم ,,
    هذا اللي اقدر اقولك اياه الان ومتأكده منه ومن واقع تجربه وتعبت فيه واي استفسار ثاني انا في الخدمه
    7 "
  9. اختي Ana_5goola

    والله ماقصرتي يالغالية ويجعلها الله في موازين حسناتك

    انا رفعت طلب للوزير من الموارد البشرية وطلبو مني صوره الوثيقة والاحوال وقرار التعيين وعطوني رقم المعاملة

    ورفعت كمان للقسم طلب ابتعاث مرفق معة الاي تونتي وقبول اللغة والى الان ماردو علي

    السؤال اختي انا

    بعد موافقه العميد على الطلب الابتعاث وين اروح بعدين بالضبط ؟؟

    لان والله دخت من كثر السواليف كل واحد يفتي من عنده

    جزاكي الله كل خير يالغالية

    بالتوفيق ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.