السلالالام عليكم ياحلوين
اليوم حجزت على الخطوط الهولندية من مكتب الوزارة
ويوم رجعت مالقيت بالنت معلومات كفاية عنها !!
ودقيت على مكتب الطيار عشان اسال عن الشنط وكم كيلو
قالي مكتب الطيار " انتي مسموح لك تاخذين شنطتين كل وحدة 32 كيلو على الخطوط الهولندية "
بس كلامه غلط يوم كلمت الخطوط قالت لي شنطة وحدة وزنها 23كيلو واذا اخذتي ثانية بيكون عليها غرامة 50 دولار ادفعها في امستردام
وانا دقيت على الخطوط بنفسي واتاكدت
وسالته عن خطوط يونايتد الامريكية لاني بطلع فيها من واشنطن الى سنسناتي بعد مااوصل بيومين
قالي "لا مو مسموح لك الا شنطة وحدة فيها 20 كيلو لانها ماتعتبر تكملة رحلة دولية .. لانك بتقعدين بواشنطن يومين"
انا ماعجبني الوضع :dry: قلت انا بدق على خطوط يونايتد واتاكد
دقيت عليهم وبعد ساعه على الرد الالي ردت علي وحدة امريكية
سالتها كم الوزن المسموح وكم الحجم
قالت لي " اول شي اعطني مسار رحلتك اذا كانت دولية "
اعطيتها المسار " دمام - امستردام - واشنطن - ( بعد يومين ) سنسناتي بولاية اوهايو "
قالت لي لان الحجز واحد مو منفصل تعتبر تكملة رحلة دولية و مسموح لك شنطتين كل وحدة 23 كيلو مجموع مقاسات الشنطة الوحدة مايتجاوز 125 سم .. هاذول بالشحن
والشنطة الي بتدخلينها معاك بالطيارة حجمها مايتجاوز 112 سم .. بس ماقالت لي وزنها
وقالت لي اذا تجاوزت الشنطة 23 كيلو في غرامة 150 دولار
ولازم تكون اقل من 32 كيلو ولا ماراح يدخلونها الطيارة
قلت لها يعني الحين مافي اي مشكلة لو قعدت بواشنطن يومين ؟؟
قالت : لا لان مسار الرحلة حقك واحد .. الحجز واحد يعني تعتبر دولية
وانا استانسسسسسسسسست .. لاني لو مادقيت عليها كان الحين اخذت 20 كيلو بس
بس ترا لازم لازم تكون الرحلة بمسار واحد
وعلى فكرة الي يبي يعرف عن الاسعار
انا حجزت لبابا بمكتب الطيار رحلة معانا على الخطوط الهولندية .. والمسار :
18 مارس "" دمام _امستردام _واشنطن _ (بعد يومين ) سنسناتي ""
العودة "" سنسناتي _ دترويت _ امستردام _ الدمام ""
رحلة الذهاب 5000 ريال تقريبا
والعودة 2250 ريال تقريبا
يعني المجموع كله : 7177 ريال :tongue4: .. انا انصدمت من السعر صراحة توقعته يوصل ال 12 الف !!
وعلى فكرة قالي معلومة خطيرة :
قالي انا مااقدر احجز لابوك رحلة ذهاب فقط لانه غير قانوني اني احجز له كذا !
يقول لان الفيزا حقته فيزا زائر يعني يعني B1/B2 لازم ذهاب وعودة
وهاذي من القوانين عندهم .. يقولي احنا مانقدر نحجز له كذا عشان ماتصير له مشاكل هناك :dry:
انا ماصدقته .. واعطاني رقم واحد مسؤول عندهم اسمة ( فايز الناصر ) .. هذا رقمة للي يبي "0505479501" وهو اردني
سالته عن الموضوع وقالي .. لازم تحجزين عودة عشان يصير الموضوع قانوني .. وقالي احسن تحجزين العودة على نفس الخطوط عشان تصير ارخص ..
..........
انا الحين مانرفزني الا الخطوط السعودية لما حجزت ماقالولي هالمعلومة :dry::dry:
ترا غيرت المعلومات الخاطئة الي قالها لي الطيار عن الوزن بعد مااتصلت على الخطوط الهولندية واتأكدت بنفسي :dry:
بالتوفيق للجميع
