وش تسوي اذا طفشت وقت الفراغ (اكتب لنا)

السلام عليكم ورحمه الله وبركاته
كيفكم جميعا ان شاء الله بخير اتمنى من كل مبتعث كتابه وش تسوي اذا طفشت وقت الفراغ او فالويكند لاني والله اعاني من الطفش وين يوصل بك الطفش وش روتينك اللي مليت منه اكتب لنا مواقفك مع الطفش اللي دايم نجيب فيه العيد .....

انا من ناحيتي كل يوم اروح للشباب مجتمعين فالشقه ونجلس نلعب سوني واذا خلصنا سوني قام كل واحد يسب فالثاني واللي في غرفته يكلم اهله ولا حبيبته (حبته القراده)وجلسه طفشششش قسم بالله روتين ممل ...
لا واذا جعنا اخر الليل مافيه شي فاتح ولا معنا سياره تخيلوا كبسه قدر ضغط الساعه 4 الفجر
ابووووك يالمزاج ههههههههه ........
البارح من الطفش قلت خلني بروح اتمشى على رجليني اخر الليل وانا ماشي فجأه اسمع صوت كلب وراي في رقبته حبل ومفكوك ماعنده احد ينبح ويشوفني وانا صنمت جاتني ام الركب هههههههه
شوي واسوي نفسي ماشفته وهو يمشي وراي شوي شوي وينبح وانا قامط العافيه شوي اركض يوم شافني اركض هو هرب بعد مادري وش فيه شكلهم غاشينه ذاك الليل كل واحد هرب من الثاني وخلا ص توبه اطلع لحالي هههههههههه ...... عطونا شباب اللي عندكم ....

هلا والله بالشيخ .. مسيك بالخير :D

على طاري الكلب .. انا برضو صارت لي نفس سالفتك كنت راجع من الجآمعه ومن قرادتي ذاك اليوم مداوم بدون سياره بس وقفت في وجهة ولا ناظرته .. لانو الكلب اذا ناظرته بعيونك يحسب انك تتحدآه :D

عموما بالنسبه لـ موضوعك اللي هو الطفش .. انا والله مثلك اعاني وبالذات فالويكند .. انا ماحب الويكند عشان الطفش .. الشباب اللي معاي الله يهديهم .. يحبون الكلوب ولا سترب :D انا والله ما روح .. الحمد لله على نعمه العقل :D

طبعا لازم الواحد خلال بعثته يطيح في شئ اسمه كونـآن .. ولآ توم وجيري :D واخر شئ خلصته .. ريمي :D

بس افضل حاجه صرآحـه عجبتني .. اللي هــو مسرحيـآت .. وبالذات مسرحيات طـآرق الـعـلـي ,, بس انا برآآيي انو لو الوآحد يحمل افلام غير مترجمــه ويشوفهـآ ..من بـآب الفـآيدهـ .. وانا سويتها فتره بسيطه .. صرت اروح للسينمـآ واستفدت ..

ان شاء الله كـلآمي اقنعك :D

بالتوفيق ^_*

اقتباس:

---

المشاركة الأصلية كتبت بواسطة CERESTY

هلا والله بالشيخ .. مسيك بالخير :D

على طاري الكلب .. انا برضو صارت لي نفس سالفتك كنت راجع من الجآمعه ومن قرادتي ذاك اليوم مداوم بدون سياره بس وقفت في وجهة ولا ناظرته .. لانو الكلب اذا ناظرته بعيونك يحسب انك تتحدآه :D

عموما بالنسبه لـ موضوعك اللي هو الطفش .. انا والله مثلك اعاني وبالذات فالويكند .. انا ماحب الويكند عشان الطفش .. الشباب اللي معاي الله يهديهم .. يحبون الكلوب ولا سترب :D انا والله ما روح .. الحمد لله على نعمه العقل

:D

طبعا لازم الواحد خلال بعثته يطيح في شئ اسمه كونـآن .. ولآ توم وجيري :D واخر شئ خلصته .. ريمي :D

بس افضل حاجه صرآحـه عجبتني .. اللي هــو مسرحيـآت .. وبالذات مسرحيات طـآرق الـعـلـي ,, بس انا برآآيي انو لو الوآحد يحمل افلام غير مترجمــه ويشوفهـآ

..من بـآب الفـآيدهـ .. وانا سويتها فتره بسيطه .. صرت اروح للسينمـآ واستفدت ..

ان شاء الله كـلآمي اقنعك

:D

بالتوفيق ^_*

---

مسيت بالنور

ههههههههههههههههههههههههههههههههه افلام كرتووووون ماادري تحس فيها براءه وذكريات لان يوم كنا صغار نعيد الفلم 10 مرات فاليوم هههههههه مافي امل ننساها
صدقت الافلام الغير مترجمه مفيده مررره وفيه بعض التلفزيونات تقدر تبرمجها على انها تكتب الكلام اللي يقول الشخص بالانقليزي فالفلم نفعتني كثير والله لانك تسمع وتقرى في نفس الوقت
....كلام مقنع شاكر مرورك :)....

هلا وغلا بالشباب وش لونكم ان شاء الله تماااااااام

والله انا نظامي اطلع من المعهد 5 العصر للمكتبه الى الساعه 9 بالليل

وبعدين اروح للشقه واشوف الشباب اذا فيه سينما

او نطلع فيه مقهى شيشه نجلس الى الساعه 11

وبعدين كل واحد يروووح لشقته اما في العطله

الاسبوعيه يانروووح للمجمعات واذا مافيه طلعه

نجتمع عند واحد من الشباب ونجلس نطبخ ونغني

ونلعب بالسوني وفيه ناس تروووح للكلوبات

وبس:1eye:

وشو كلوبات ؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة g.s.r

وشو كلوبات ؟؟؟؟؟؟؟؟؟؟؟؟

---

اتوقع انهم يقصدون نوادي ( صحيه ) :kicking: :)

اقتباس:

---

المشاركة الأصلية كتبت بواسطة حآس بملل

اتوقع انهم يقصدون نوادي ( صحيه ) :kicking: :)

---

وأنت الصادق نوادي غير صحية :tongue4:




بالنسبة لي الله يرحم حالي ماعندي ويك أند من بديت الماستر
ما غير أحضر قراءة , وتقديم أوراق :crazy:

يا حلاة أيام اللغة , كل ويكند كنت أطلع لمكان سياحي مع العائلة أو الشباب
أيااااااااااااااااااااااااااااااام

اي طفش تركم بامريكا منتم بالسعوديييييه
فيه اماكن كثيييييييره تقدر تروحلها وطبعا على حسب الولايه

والله طفش وانا اخوك وبعدين مافيه فالليل شي غير مقهى الشيشه ولا البارات علمني وش نسوي

تجمعو شباب ودقو بلووت