الحـــــــــــــــــــــــــــــــلاقين في أمريكا
مساء الخير
ابي اسألكم عن وضع الحلاقين في أمريكا واسعارهم
وابي استفسر عن حلافة الدقن سمعت انه ما في حلاقة عند الحلاق :crazy:
لاني خايف على السكسوكة
رد: الحـــــــــــــــــــــــــــــــلاقين في أمريكا
هههههههههههههههه
حلو السؤال
بس والله نفس وضعك مدري وش وضع الحلاقه
أم إني أشيل السكسوكه ما في أمل ما بعد شفت شكلي بدونها صعب أتخلى عنها ههههههه
أنا ناوي آخذ معي عدة حلاقه كامله بتعلم على خشتي ههههههههه
رد: الحـــــــــــــــــــــــــــــــلاقين في أمريكا
الله يهديك الناس شايله هم الدراسة والغربة وانت تفكر سكسوكت انت وجهك ههههههههههههههههههههههههههههههههه
رد: الحـــــــــــــــــــــــــــــــلاقين في أمريكا
فعلاً سمعت هالكلام كثير. من زمان اسمع ان حلاقه الدقن عندهم ممنوعه
واعتقد الكلام هذا صحيح في بريطانيا.. أما بأمريكا فهو غير صحيح اطلاقاً.
انا بولاية واشنطن بسياتل. والديره غاليه والتاكس عالي. والحلاق الفخم تحلق عنده بـ 17. طبعاً يحلقون شعر الراس. أما الدقن فهو مجاناً سواء تبي تشيله موس او تبي يمخمخون عليه ويضبطونه
وفيه حلاقين رخيصين أشوف السعر يحطونه خارج المحل بس ماقد جربتهم.
رد: الحـــــــــــــــــــــــــــــــلاقين في أمريكا
اقول تعلموو عليها من الحين ..
رقعو فيها ... مايجي وقت السفر االا انتو تضبطونها زي الحلاق
لوول
موفقين
رد: الحـــــــــــــــــــــــــــــــلاقين في أمريكا
ترى ياشباب حتى في امريكا ممنوعه
لي قريب نبهني قالي اتعلم على وجهك الين توصل هناك
بس ياشباب بالنسبه للامواس كيف عادي نشيلها معانا ولا يقروشونا في المطار
رد: الحـــــــــــــــــــــــــــــــلاقين في أمريكا
يعني نجلس نتعلم على خشش اخواني لين اضبط الحلاقة
رد: الحـــــــــــــــــــــــــــــــلاقين في أمريكا
انا اقترح تاخذ حلاقه كهربائية احسن من الامواس والشغلة اليدوية تلقى عند الحلاقين ينزلك المندوب اللي يمر الحلاقين بسعر جمله يصير رخيص خذ لك مكينة حلاقه ومكينة تنعيم بعد الحلاقة وريح مخك وتفرغ لطلب العلم
رد: الحـــــــــــــــــــــــــــــــلاقين في أمريكا
ياشباب وقسمن لو الواحد يحلق مرتين خلاص يتعلم .. ويصير يحلق بدون مايقوس طول السوالف :D
وبالنسبه للحلاقه .. حلاقه شعر الرآس بـ 16 دولآر .. وبإمكانك تقول للحـلآق يحلق الذقن .. بس ترى ..آولآ .. مايعرف يحلق الذقن .. وثانيا مايحلق بموس .. راح يحلقكك بـ مكينه .. فـ ازين حاجه انو الواحد يا يجيب عدته الحـلآقه معاه :D ولآ يشتريها من هنا .. كلها واحد ماتفرق :D
آنـآ قبل ماسافر كنت شايل هم حـلآقه الوجـة .. حتى يوم وصلت جلست ثلاث اسابيع ماحلقت وجهي من الخوف :D بس الحمد لله خلاص الحين لو ارجع للرياض .. يمكن اعلم الاتراك :D
موفقين حبايبي :)
رد: الحـــــــــــــــــــــــــــــــلاقين في أمريكا
بس السعوديين من يجون امريكا ما يحلقون شعورهم الله اعلم ليش
يصرفون على كل شي الا 16 او 20 دولار حلاقه شعر كل شهرين يستغلونها وتعال شوف الاشكال الي تسد النفس وتفشل الله يهديهم بس تقول ماوكلي على غفله