رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة راشدالتميمي
نصيحه مجرب انا مقدم على جامعه بشهاادة ميلاد مترجمه بدون ذا الحوسه وعااادي قبلوها ..
المهم الترجمه من 30 ريال على الورقه وانت طالع .. كل ختم من الغرفه على 25 وكل ختم من الخارجيه 30ريال وموجود في نفس الغرفه لكن رح نفس الوزارة ولاتدفع شيء ..
الله يجزاك بالخير ماتقصر .. يعني قصدك اصدقها من نفس وزارة الاوراق نفسها ؟؟
طيب الخارجيه .. مو ضروري ..؟؟
تسلم ماتقصر
رد: شهادة الميلاد .. دفتر العائله .. عقد النكاح
جزاكم الله خير
والله استفدت كثير .. الله يعين عندي أوراق كثير يبغالها ترجمة وتصديق
الله المستعان بس :(
بس بغيت أسألكم .. هل لازم نروح المستشفى ونتطعم تطعيمات معينة ؟؟؟ ولا هم يقصدوا التطعيمات الموجودة في شهادة الميلاد ؟؟؟؟؟
:kitty:
رد: شهادة الميلاد .. دفتر العائله .. عقد النكاح
أتذكر أني قد ترجمت أوراق عند مكتب في شارع الستين بعد مستشفى قوى الأمن
أسمه عصام: ورقم جواله: 0559351783
أما عن كون هل ترجمة شهادات الميلاد وكرت العائلة ضروري أو لا. بقول لك أنا ما ترجمتها أحسبها ماهي مهمه والله ستر وما طلبوها علي هنا يوم أستاجرت شقتي بفلوريدا ..
وقبل أسبوع جانا واحد من الزملاء ورفضوا يأجرونه لين يجيب لهم إثبات بالأنجليزي أن اللي معه زوجته وأولادة, ولحسن الحظ كان مترجم كرت العائلة فسلمه لهم ومشوا أموره وأجروه
فأنتم ما دامكم لسى بالسعودية ترجموا كل المستندات الضرورية منتوا خسرانين شي
إن شاء الله أكون أفدتك بشيء وأبي منك الدعاء
والله يوفقكم
رد: شهادة الميلاد .. دفتر العائله .. عقد النكاح
الله يجزاكم خير جميعا
انا بالنسبه لي معي عيالي وما راح اترجم شئ من هنا قلق وسالفه طويله ما لها سنع كل الاوراق يترجمونها السفاره الله لا يهينهم ويصدقونها وهذ الكلام مو من عندي اعرف وحده توها راجعه ونصحتني اختصر على نفسي هل الحوسه
هذا طبعا بالنسبه للشهادات الدراسيه للعيال والتطعيم والميلاد اللي يطلبونها المدرسه
باخذ معي كل الاصول والسفارة ان شاء الله ما تقصر
هذا والله اعلم
رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة °¤(¯`°( CaT )°´¯)¤°
جزاكم الله خير
والله استفدت كثير .. الله يعين عندي أوراق كثير يبغالها ترجمة وتصديق
الله المستعان بس :(
بس بغيت أسألكم .. هل لازم نروح المستشفى ونتطعم تطعيمات معينة ؟؟؟ ولا هم يقصدوا التطعيمات الموجودة في شهادة الميلاد ؟؟؟؟؟
:kitty:
اللهم آمين ولجميع المسلمين ..
مايحتاج تطعيمات اخرى ... اللهم الموجوده بشهادة الميلاد فقط .. وبالتوفيق
رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة لودرديل
أتذكر أني قد ترجمت أوراق عند مكتب في شارع الستين بعد مستشفى قوى الأمن
أسمه عصام: ورقم جواله: 0559351783
أما عن كون هل ترجمة شهادات الميلاد وكرت العائلة ضروري أو لا. بقول لك أنا ما ترجمتها أحسبها ماهي مهمه والله ستر وما طلبوها علي هنا يوم أستاجرت شقتي بفلوريدا ..
وقبل أسبوع جانا واحد من الزملاء ورفضوا يأجرونه لين يجيب لهم إثبات بالأنجليزي أن اللي معه زوجته وأولادة, ولحسن الحظ كان مترجم كرت العائلة فسلمه لهم ومشوا أموره وأجروه
فأنتم ما دامكم لسى بالسعودية ترجموا كل المستندات الضرورية منتوا خسرانين شي
إن شاء الله أكون أفدتك بشيء وأبي منك الدعاء
والله يوفقكم
عين العقل .. وكلام سليم .. الواحد مايدري ولا يعلم الغيب .. ومثل ماقلت مادام اننا بالسعوديه على خير .. نترجم ان شاءالله حتى .. طفولتنا كلها ...
ماراح نخسر حاجه
والله يوفقك وييسر امورك ويجزاك بالخير انت وجميع المسلمين
بس مشكلة الناس الله يهديها تحب تتفلسف وتثرثر على الفاضي
خلاص .. الي يبغى يترجم يروح يترجم والي مايبغى هو حر في حياته
رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة anhr505
الله يجزاكم خير جميعا
انا بالنسبه لي معي عيالي وما راح اترجم شئ من هنا قلق وسالفه طويله ما لها سنع كل الاوراق يترجمونها السفاره الله لا يهينهم ويصدقونها وهذ الكلام مو من عندي اعرف وحده توها راجعه ونصحتني اختصر على نفسي هل الحوسه
هذا طبعا بالنسبه للشهادات الدراسيه للعيال والتطعيم والميلاد اللي يطلبونها المدرسه
باخذ معي كل الاصول والسفارة ان شاء الله ما تقصر
هذا والله اعلم
والله يابنت الحلال .. مادام انك بالسعوديه فترجمي كل حاجه ..
ازين من الترجمه من السفاره السعوديه .. مادام الواحد مرتاح هنا .. وحاط رجل على رجل
وكل واحد حر بحياته ان شاءالله لو يترجمها من المريخ
بالتوفيق للجميع والله ييسر الامور
رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة Orochimaru Sama
اللهم آمين ولجميع المسلمين ..
مايحتاج تطعيمات اخرى ... اللهم الموجوده بشهادة الميلاد فقط .. وبالتوفيق
شكرا أخوي جزاك الله خير
:kitty:
رد: شهادة الميلاد .. دفتر العائله .. عقد النكاح
[QUOTE=Orochimaru Sama;1773245] اقتباس:
المشاركة الأصلية كتبت بواسطة g.s.r
شوف يبن الحلال .. والله عارفين الهجوله والحوسه ذي كله بالذات للشي الضايع ..
لكن لو كنت من اهل الرياض .. روح لوزارة المعارف .. احتمال كبير جدا يطبعو لك نسخه من شهادة الثانويه ..
وكل شي له وزاره معينه اسأل ومنت خسران شي
والاحتياط واجب مثل ماذكرت سابقا
والله يوفق الجميع .. بس حلوه مدرستي هدموها ههههههههههه .. سوي رسم كروكي للمدرسه وان شاء الله يمشي الحال ههههههه
قسم بالله مرررررررررررررض
يعني الحين يبي لي اروح لوزارة التعليم عشان يدورون مدرستي ثمين يطلعون شهادتي الابتدائي
والمتوسط
بعدين اروح لوزارة الصحة واخليهم يطلعون شهادة ميلادي
وكرت التطعيمات ؟
بعدين اروح للاحوال المدنية يختمون على كرت العائلة
بعدين اروح للغرفة التجارية يصدقون عليها << يصدقون والا يكذبون :tongue4:
بعدين اروح لوزارة الخارجية يصدقون على اللي مصدقة علية الغرفة التجارية
قسم بالله لو ابجيب اكبر معقب بالرياض واقول له ابعطيك اللي تبي بس سويها ان يهج
وش ذا التخلف
كرت العائلة يغني عن شهاده الميلاد
واخر شهاده تمحي ماقبلها
يعني بلاهي امي بتستهبل على المتوسطة مثلا وبتقول لهم تراها مخلصة ابتدائي بدون شهادة ابتدائي
اكيد ماانقبلت بالمتوسط الا على اساس شهادة وحوسة
المشكلة اميمتي الله يهديها عطت شهادتنا الابتدائي والمتوسط الجمعية ههههههههههههههههههههههههههه
مدري وش دخل الجمعية بالشهادات :1eye:
رد: شهادة الميلاد .. دفتر العائله .. عقد النكاح
اقتباس:
المشاركة الأصلية كتبت بواسطة Orochimaru Sama
عين العقل .. وكلام سليم .. الواحد مايدري ولا يعلم الغيب .. ومثل ماقلت مادام اننا بالسعوديه على خير .. نترجم ان شاءالله حتى .. طفولتنا كلها ...
ماراح نخسر حاجه
والله يوفقك وييسر امورك ويجزاك بالخير انت وجميع المسلمين
بس مشكلة الناس الله يهديها تحب تتفلسف وتثرثر على الفاضي
خلاص .. الي يبغى يترجم يروح يترجم والي مايبغى هو حر في حياته
الناس ماقصدها فلسفة
الناس تقصد صعوبة الإجراءات وغالبا مايطلبون منك الأشياء هذي
ولكن فعلا أنت حطيت في رأسي إني أترجمها
وإن شاء الله بأترجمها
بس ننتظرك بعد ماتترجها وتعطينا شرح بالتفصيل للإجراءات اللي أتخذتها
وفقك الله