الله يسامحكم يا اهلي هذي بنتي من ام امريكيه (معاناااااااااااات)

وش اقول وش احكي والا وش اسوي ....

رزقت بمولوده من ام اجنبيه وتفتحت بعقلي اشياء مخفيه

هنا معاناتي هنا همومي وهنا دموعي ...

ياناس ياعالم
اللي يبي يتزوج يجبر اهله يزوجونه لايستعجل لايتخذ قرار يندم علييه طول عمره

والله الندم والله القهر والله الهموم والنكد

كنت اعتقد انه زواج وامريكيه ودراسه هذي قمة الاستقرار
طلعت والله قمة الفشل والضياع

ثقافات مختلفه وتربيه غير وهذي بنتي والام امريكيه
كيف وشلون بيعيشون بثقافتي وبلغتي وعاداتي
كيف اتخلى عن بنتي من صلبي وفي حياه غريبه عجيبه متعبه

ااااه يا امي ليتك زوجتيني بنت السعوديه دار عز وكرامه
ملكه انوثه وبنت اصل وفصل
الله يايمه ليه حديتيني ليه
هذي بنتي وهمومي بتكبر كل يوم من عمرها اللي بيمضي


انتبهوا تزجوا ياحلات بناتنا ياحلاتهم والله ياحلااااااااااااااااااااااااااااااااااااتهم

والله اكتب وانا ابكي

ااااااااااااااااااخ يالقهر ليتني ماستعجلت ليتني ليتني ماستعجلت
ليتني اصريت على اهلي لين يزوجوني
والله هم كبيــــــــــــــــــــــر
والكسر مايتصلح ابد

لا شك أن الأولى تتزوج وحدة قريبة منك ومن عاداتك وتكون على دين والتكافأ بين الزوجين واجب شرعي.....
لكن في البداية المفترض تستشير والله الله في إستشارة الوالدين ثم تستخير....
على العموم أسأل الله أن يصلح مابينكم ويألف قلوبكم على بعض....
وتأكد مع الحب الحقيقي تكسر جميع منغصات الحياة بين الزوجين...

طيب ليش ماتدعوا زوجتك للاسلام
عفوا انا فهمت من زعلك وكلامك انة الثقافات مختلفة انة زوجتك مو مسلمة
ادعوها للأسلام اكيد هي تحبك وماتزوجتك وهي ماتعرفك الا عن حب
ولاتنسى تدعو لها ولبنتك
انت نيتك زينة وربي ماراح يخيبك


الله يهدي سرك

اول شيء اشكركم على ردودكم وياخوي لو على المفروض هو الصح لكن القرارات كانت متسرعه وهذي نتايجها

اختي والله حياتهم مو حياه والموضوع صعب والله صعب
انا والله مايهمني الا البنت غيرها مايهمني
الزوجه طيبه وماتقصر بشيء يشهد الله قايمه بكل اللي ابي بس النوايا بانت على فكرة التربيه من الحين ...
حتى اسمها للحين ماسميتها هواش وصراخ والموقف من ناحيتي ضعيف

ليش كده انت مزعل نفسك .......... ماحصل شيء و اكيد خيره لك .......... و بعدين الاسلام مصرح لك تتزوج بأهل الكتاب .

اذا فيه مشاكل بينكم او شيء حاول قد ماتقدر تحلها بالطيب ..... ولا تتوقع منها انها تتعود على حياتنا و طباعنا بسرررررعه.... ترى عادات و طباعنا ماهي سهله لهم مرررررررره ..... ولاعمرهم حتى أتصورها أو مرة في بالهم ....... غير انو بعد عادتنا لمن نقولهم عليها يعتبروها تخلف......

فيعنى هيا بس مسألة وقت عبال ما تتعود عليها و تتعود عليك .......... و أنا اقول حاول ما تخلف منها طفل تانى ........ ألين تشوف كيف الوضع بينكم ........

و بعدين حاول لا تندم و الله لمن كنت في امريكا اتعرفت على عايلتين امريكيه عن طريق عائلتى الأمريكيه

تخيل هدول العايلتين الأباء سعوديين ........ واحد متزوج امريكيه و الثانى متزوج امريكيه مكسيكيه ..... تخيل الأول حرمتو اسلمت على يدو وكمان خلاها تتحجب ...... بس ما اتحجبت على طول من يوم ما اتزوجها لاااااا بعد كم سنه من زواجهم اقتنعت و اتحجبت

الأب التاني السعودي اللي اخد الامريكيه اللي جذورها مكسيكيه ......... اسلمت بس ما اتحجبت معنو السعودي يبغاها تتحجب ومخلف منها بس يقووووووووول الاب السعودي لسه ما اقتنعت ولا ابغي اجبرها على الحجاب لانو انا وراها وان شاء الله تقتنع وتتحجب

و تخيل هدول السعوديين طبعا دحين هما قد ابويه في العمر ....... يحكو يقولولى نحنا جينا زيكم مبتعثين ......... و اتزوجنا هنا و جلسنا

وماشاء الله حياتهم مره حلوه اصحاب مطاعم عربيه في امريكيه و بعدين كل اطفالهم مسلمين وزي كده


يعنى قصدى لازم تصبر شوي و تعاملها بلطف ومحبه ........ و خليك وراها شويه شويه الين تقتنع و تسير على كيفك.....
و بعدين اصحك تيأس ألزم ماعليك دراااااااااااستك .... مستقبلك ........ شفت الدنيا ضاقت عليك و مو قادر تعيش معاها لي اي سبب كان .............. صارحها بشعورك ... اشرحلها ايش مضايقك ..... و قولها ايش تشوفي الحل .... واتناقشو في الحل

و ربي معاك ........ بس لا تأزم نفسك وأهم شيء الدراسه..... لانو لو انت مضايق من حرمتك ... او هيا مو مسعدتك في حياتك .... ماتستاهل انك تضيع دراستك ومستقبلك علشانها .... يعنى لا كسبت حياه زوجيه و لا حياه دراسيه ( فلا تحط نفسك في موقف زي داه) لو خسرت يكفي تخسر الحياه الزوجيه ( لأنو بدل الزوجه تقدر تجيب ألف .... بس الفرصه الدراسيه ماتتعوض)

و بس ربي معاك و يسهلك امورك و يفرح قلبك عن قريب

أول شيء اخوي اتمنى انك ماتاخذ الموضوع بكل انفعال المفروض تهدء وتفكر كويس وتدري انه هذا الشيء مكتوب وقضاء وقدر وأهم شيء الرضا خلاص ماعاد ينفع الندم .
أخوي حاول تتقرب من زوجتك وتشرحلها عن تقاليدنا وعاداتنا وانك متمسك فيها وأنها أهم شيء في حياتك ومع الايام صدقني أخوي زوجتك راح تحاول ترضيك وتتقرب منك أعرف شخص سعودي متزوج أمريكية لهم تقريبا 20 سنه وهي ذلحين اللي يشوفها يقول سعودية متحجبة وتحاول تجاري عاداتنا وتقاليدنا.
أخوي الكريم لاتحاول تحمل نفسك فوق طاقتك حاول تتأقلم مع وضعك علشان بنتك وعلشان دراستك .
خلاص اللي راح راح ومعاد يرجع .

الله يعينك ويسر امرك ياخوي بس اشوف انو مشكلتك شخصيه ولازم تناقشها مع ذوي الشأن (الاقارب او السفاره او حتى المحامين )
او عندك عنان مشالله عليها جابت لك الحلول من كل الاتجاهات :) .

برساله من جوالك تحيي امالهم 5060 قيمه الرساله 10 ريالات .

أخوي بارك الله فيك ........ الحمد لله على قضاء الله وقدرة ........... الأن حاول تستجمع قواك ......... و أستعن بالله على هدايتها إلى الإسلام ........ حاول تجيب لها اشرطة عن الدعوة إلى الإسملام مثل محاضرة للشيخ خالد ياسين وهي محاضرة اسلم بعدها ناس كانوا حاضرين عنوان المحاضرة الهدف من الحياة أو The Purpose of Life?
http://al-mizaan.org.uk/media/Video/...20Part%202.avi

اساليب النصح القديمة ماتغيرت !!

خلاص ولايهمك ماراح نتزوج اجنبية

آآآآآآآآآآآآآآآه اصبرو انصدمت من الدراما الروعه