يسرنا دعوتكم لزيارة ملتقيات بعثات خادم الحرمين الشريفين المرحلة التاسعة

**~~شايل همهم~~** · March 29th, 2010, 02:48 AM

.
.

بسم الله الرحمن الرحيم

السلام عليكم ورحمه الله وبركاته

مسائكم / صباحكم ورد جوري

/

كل طالب مبتعث يشاركنا تجربته مع هذه المشكلة

هل كنت تعاني من الخجل في أول يوم دراسي لك في معهد اللغة ؟

كيف تخطيت هذه المرحلة مع الجنس الآخر ؟

كيف تخلصت من التوتر ؟

خصوصاً إجباراً منا نتكلم مع الجنس الآخر وهذا مايسبب لي أرق شديد

كيف أكون جريئاً ؟

أقصد هُنا الجراءة بحدود الأدب بحيث من الممكن أن أتكلم بطلاقة وبدون توتر

كيف أتخلص من الخجل ؟

كيف أعيش بـ مجتمعهم ، كيف انطلق به ، وكيف وكيف ؟

كل مبتعث يشاركنا تجربته

**يالله الخيره** · March 29th, 2010, 04:56 AM

هلا بك يالغالي....
اكثر المعاهد عندنا البنات فيها قليل واكثرهم انترنشنال صينين او كوريين والسعوديين واجد وثاني شي المعهد مايخليك تكلم على طول
عارفين انك ماتعرف انقليزي لذلك مايتكلمون معك واجد الا فالاشياء الضروريه مثل اسمك ومن وين بس ولاتخجل كلنا كنا خايفين ومستحيين من الاحراج ومدري وش اخرتها تطلع انت افضل اللي فالفصل لان الصينيين مايقدرون يقولون كلمه صحيحه لسانهم معطوب مره شد همتك وانا اخوك وشد حزامك................تحياتي

**خــAــاSلــUــد** · March 29th, 2010, 06:01 AM

أخوي / شايل همهم ،، ههههههه الله يسعدكـ ياشيخ ،، والله إني ضحكت من قلبي
شكلكـ باقي بقراطيسكـ << نفس حالتي زمان ههههههههه ،، كنت شايل هم وبنفس الوقت كنت مبسوط من هالشي <<
أول ماوصلت المعهد هذا الكلام في شيكاغو ،، جلسوني جنب بنت صينيه كانت شيفه <<< شيفه يعني ماهي بحلوهـ
كانو أغلب اللي في المعهد شينات ولا وحدهـ ممكن إنه يقال عنها مقبوله ،،
فكنت دائمآ أتحاشى أتكلم معهم أو أناقشهم لأن لو تعلمت النطق منهم رحت فيها ،، لأن لغتهم شيئه لأبعد درجه
لكن كانت الصااااااااااااااااااااااعقه لما جاتنا بنت أسبانيه بنفس الكلاس بعد يومين من وصولي للمعهد
جبنا العيد ،، كل الشباب ولا واحد فيهم صار يغيب ،، وياحضه اللي كانت تسولف معه ،،
وخاصة إنها كانت محترمه جدآ ،، مستحيل تلبس شي أطول من فوق الركبه

وبعدها اللحمدلله تعودنا على الوضع ،، وصرنا نشوفهم ونسولف معهم وإحنا نقول الله يستر علينا دنيا وأخرهـ
وسبحان الله مهما شفت بنت حلوهـ وجميله ،، بمجرد إني أشوف بنت محجبه أعرف الفرق الشاسع بينهم

وشكرآ على موضوعكـ الحلو ،،
وعندي ملاحظه // لايكون إسمكـ شايل همهم << تقصد البنات اللي في المعهد ؟

**((معالي الشيخ))** · March 29th, 2010, 06:06 AM

وعليكم السلام ورحمة الله وبركاته

بدخل في الموضوع

الخجل صفه حلوه في كل شي الا في اللغه ...!

انا كنت استحي اول ما جيت المعهد ولكن نصحوني الشباب الله يجزاهم خير ومشت اموري

المدرسين ما يحبون اللي يسكت (يمكن ما تعرفون ان اغلب المعهد فيها درجة سبيكنغ) وفيها رسوب بعد

احسن ما في المدرسين انهم طويلين بال ويسولف معاك وياخذ ويعطي وفي نفس الوقت يصحح لك اي كلمه

انا دايم اغلط في الماضي والمضارع وهذي اتوقع مشكله كل طالب لغه

وثاااني مره اقول ترى المدرسين يحبون اللي يشارك وفيه 40% على البرتزيبيشن(المشاركه) واغلب الطلاب السعوديين يعيدون شهر في معهد ELS عشان المشاركه

والله يووفق الجميع لما يحب ويرضى

ولي رجعه على الموضوع المفيد (تقييم)

**~~شايل همهم~~** · March 29th, 2010, 06:47 AM

المشاركة الأصلية كتبت بواسطة يالله الخيره

هلا بك يالغالي....
اكثر المعاهد عندنا البنات فيها قليل واكثرهم انترنشنال صينين او كوريين والسعوديين واجد وثاني شي المعهد مايخليك تكلم على طول
عارفين انك ماتعرف انقليزي لذلك مايتكلمون معك واجد الا فالاشياء الضروريه مثل اسمك ومن وين بس ولاتخجل كلنا كنا خايفين ومستحيين من الاحراج ومدري وش اخرتها تطلع انت افضل اللي فالفصل لان الصينيين مايقدرون يقولون كلمه صحيحه لسانهم معطوب مره شد همتك وانا اخوك وشد حزامك................تحياتي

هلا فيك أكثر ياغالي

كلام جميل

حبذا لو تشاركنا بمواقفك هل تغلبت على الخجل عن طريق التجربة أم كتاب أم ذاتك أم ماذا ؟

شكراً جزيلاً لك

**~~شايل همهم~~** · March 29th, 2010, 07:04 AM