الأعضاء الإشتراك و التسجيل

الملتقيات
ADs

تعالوا نتقاسم همومنا !!

تعالوا نتقاسم همومنا !!


NOTICE

تنبيه: هذا الموضوع قديم. تم طرحه قبل 2851 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة حفنة أمل
    انا غرفتي بيقلبونها غرفة ألعاب للبزران !! هههههههههههههههههههههههههههه
    الماما ما ودها أروح البعثة الا ومعاي زوج ..
    مي موافقة على أخوي يروح معي لأنه أصغر مني ..
    حاولت اقنعها .. قالت لي انا ما ابي احرمك من طموحك ومستقبلك .. الله يسهلها يارب .. بس احس ان داخل قلبها يتقطع وهي تقول هالكلام ..

    الله المعين ..
    لسه بدري على الحكي هذا بالنسبة لي .. حتى فيزتي ما طلعت للآن .. لكن عايشة أجواء الفراق والحزن من الآن ..
    الا مهون عليّ الوضع الوظيفة ولله الحمد .. فوقتي ضايع في المدرسة والمعلمات والطالبات ..
    إن شاء الله نكون قدها وقدون ونرجع بالشهادة ونرفع روس أهالينا فينا قولوا آمين ..
    اللهـــــــــم آميــــــــــــن ...
    7 "
  2. الحمد لله ... من صغري وانا امرض والقى نفسي لوحدي ...
    انجح واحس بشي عادي ... كنت اتمنى امي تكون عايشة عشان افرحها ...لكن ابكي دائما وحدي ...
    درست تخرجت تزوجت خلفت ونجحت وانا لوحدي ....و
    اكيد ربي
    معي
    جاتني البعثة ... وما لقيت احد فرح لي .. الا زوجي الله يسعده
    ... حتى في المطار ما لقيت احد جاه و ودعني ...!!
    ما عندي شي اشيل همه في الدنيا الا ابوي وامي ,,, والله يرحمهم
    اغلى الناس معي هم عائلتي ....
    .................

    بس اللي خانقني مو مخليني اذاكر (((( بنتي )))) خايفة عليها ولازم ارجعها السعودية
    مع من ؟؟
    وكيف ؟؟
    وعند من ؟؟
    الله يفرج همومنا ويصلح احوالنا هنا تعرضنا لتحرش من سكارى الله يكفينا الشر كانوا يبغوا ياخذو بنتي الرضيعة .
    هذا الهم لحاله مكسر راسي ..
    7 "
  3. المشاركة الأصلية كتبت بواسطة جوري الباسمة
    هذا الهم لحاله مكسر راسي ..
    كلامك مؤثر جداً, أسأل الله ان يفرج همك ويسهل دروبكم

    لكل مشكلة حلول, فحاولي تلقين لك الحل المناسب لتفادي هذه المشكلة, سواء بتغيير السكن أو غيره

    الله يكتب لك الي فيه الخير, وتحلي بالصبر..ان الله مع الصابرين, ودعواتي لك اختي العزيزة
    7 "
  4. الضيقة اللـي دايـمٍ تالـي عصيـر
    ...وش حيلتـي وأردهــا لا تجيـنـي
    لا طال ظل العود حزة عشـى الطيـر
    ....كنها على سجـن الحديـد تحدينـي
    يضيق صدري كل ما جـات وأسيـر
    ....ولايخفـف سـوج رجلـي حنينـي
    لا حولنا مشـراف ولا اقـدر اطيـر
    ....يالله قسـمـة خـيـر لا تبتليـنـي
    وعقارب الساعة توقف عن السيـر

    ....ولاكن في السعودية سواتي حزيني
    اللي تاصل الحلـق وتحيـر
    ....يا قربها لو قيـل لـي يـا عوينـي
    أمل شـوف النـاس ورد ومصاديـر
    ....واللي يقول اشفيـك كنـه يهجينـي
    يعني على ما قيل من بـاب تصويـر
    ....(لاحدٍ أبي قربـه ولا أحـدٍ يبينـي)
    أروح أدور خـط مـابـه دواويــر
    ....وأدور الـلـي هـادهـا تهتديـنـي
    وآخذ مع الهاجـوس سجـة وتفكيـر
    ....وأراجع اللـي فـات بينـي وبينـي
    وأحسـب ذنوبـي وأدور التكفـيـر
    ....عساي مـا قصـرت فـي والدينـي
    وعساي ما قارنت من ينفـخ الكيـر
    ....واللي يحمل المسـك جعلـه قرينـي

    <<< فرفر الصفحات كلهن ياما دمعت عينه ياما تشقق ضحك

    حلم الإبتعاث يراودني من 9 شهور
    هلوست بالابتعاث لدرجة الجنون
    بس ان جينا للصدق ((((( آمي )))))
    ما اقول الا ياجعلني ماذوق حزنها وانا حي
    المشكلة في روحتي اني ذراع امي وابوي الايمن
    شلون يمر يومك بدون ماتبوس رجل امك
    شلون يمر يوم بدون ماتسمع هواش ابوك << عصبي الوالد
    انا عمري 25 بس لاضاق صدري انسدحت عند امي كني ابو سنتين
    ياجعل يومي قبل يومها
    حلوة اللبن (امي) تردد علي جملة هاليومين
    تقول(وليدي يابعد حيي وميتي تبي تروح وتخليني ) تقول شلون اشرب فنجان القهوة المغرب من يمسك الدلة ويقهويني
    عاد امي ع النية استلكع عليها عشان مابي يضيق صدرها
    على طول اشطح بها واغير السالفة واقول يمه شلون خالتي حصة وعلى طول يتغير الموضوع

    وان جينا من ناحية القبول 4 شهور انتظر القبول بين مرمطة المكاتب والتعب النفسي
    لكن ربكم كريم
    وبشر الصابرين
    الله يعجل بفيزتي بس
    والله يوفقنا ونرجع لاهلنا رافعين روسنا وروسهم

    فوفو ياجعلني ما اعدمك على هالموضوع
    هانت علي همومي يوم شفت هموم اخواني
    الله ييسر امور الجميع
    شكرا لكم وآسف ع الإطالة
    7 "
11 من 11 صفحة 11 من 11 ... 61011
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.