تعالوا نتقاسم همومنا !!

الله يصبــــــــرنا أنا أحس وضع البنات أصعب من الشباب بمراحل مع أن البنت معاها مرافق بس الرجل أقوى قلب وعنده قدرة

تحمل أما احنا ياحسره علينا مافي قلب والدموع حنفيه على أتفه شي على اللي يسوا واللي ما يسوا

الله يفرجها خيتوه ربك كريم

اصعب مرحله في الروحه كلها اللي اذا تجاوزتها خلاص تبي ترتاح ..

الوداع وانت طالع من البيت للمطار .. انا ماحاولت اطول مع امي حبيت راسها ودعتها وعلى طول مشيت وانا مبتسم وبداخلي محروق بس مابي ابيـّن لها انه ضايق خلقي ويضيق صدرها اكثر ،،

صدقوني كلنا نبي نجلس مع امهاتنا واهلنا بس هذي الدنيا .. ابوك وامك الله يطول باعمارهم ماهوب (باتلين لك) ربوك وعلموك لين كبرت والباقي عليك لازم تشد على نفسك وتتحمل ومافي شي يجي بالسهوله ولا كان تلقى العالم كلها معها شهادات ..

عندي قاعده دايما ارددها ( الشقى فيك فيك لكن انت من يحدد وقته هل في بداية عمرك او في اخره )

اذا تبي ترتاح بعدين اشقى مبكرا ً ، واذا تبي العكس ارتاح اللحين وبيجيك الشقى بعد ماتتزوج وتجيب عيال وتكبر المسؤوليه وتكثرالمصاريف وتلاقي نفسك وقتها مو قادر على كل هذا والسبب انك ما ارتكزت في بداية حياتك على اساس قوي ( التعليم والشهاده العليا )

والحمدلله في عصرنا هذا ماتحس انك متغرب ، فيه تقنيات كثيره تقرب لك البعيد وتشوف اخباره اكثر من يوم انك جنبه

برنامج السكايبي والمسنجر والخ .. مخليك تتواصل مع ابعد الناس لك

اهم شي ركزوا في صلاتكم اولا ً ثم دراستكم ولاتنسون تحرصون والديكم يدعون لكم وان شاء الله اموركم متيسره

للعلم اول سنه حقت اللغه هي اللي بتحس بالغربه اما بعد ماتدخل الجامعه الاجازات كثيره وتقدر تروح لاهلك وقت مابغيت

بالتوفيق يارب ،،

الله يوفقك دنيا وآخره ..

كلام سليم الله يكملك بعقلك

اللهم آمين .. شكراً لك أختي على الدعاء وعلى الدعوة الطيبة ..

أختك أحلام..

آسفه جدأ أختي سامحيني .. عدلت الرد

صحيح إذا أنعمى القلب ماتفيد العيون

تشرفت فيك خيتو وجربي الدعاء وصدقيني بتدعين لي

يسلمو على الموضوع اختي

بس اف بعض الردود تضيق الصدر

انا امي ماتبغاني اروح وكل ماشافت احد قالت ماابي تروح صرت اوسوس لايكون امي حاسة بيصير فيني شي :-(

وباخر شي قالت لاتاخذين بنتك معك حرام صغيرة خليها عندي يوم قلت لا زعلت تقول حرام بتتبهذل وابشيل همك وهم بنتك :-(

طيب انا ماابي ازعل امي وماابي اترك بنتي

بس انشاء الله تهون

الله يخلي لنا امهاتنا وابهاتنا يارب

وانشاء الله نرجع رافعين روسهم

بإذن اللي ماتنام عينه ....

الله يوفقكم يارب دنيا واخره

اللهـــــــم آميــــــــــــن