الأعضاء الإشتراك و التسجيل

الملتقيات
ADs

Nursing ولا Pre Medicine ؟

Nursing ولا Pre Medicine ؟


NOTICE

تنبيه: هذا الموضوع قديم. تم طرحه قبل 2818 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة وحده من الناس
    تخصص البري ميديسن يسهلك قبول الطب كثير بس لازم تجيب معدل عالي ..
    والمشكله هنا هيا حيقبولك طب بعدها او لا ؟ وان ماقبلوك ايش مصيرك ؟ تقدر تشتغل بالشهاده دي ؟
    تعتبر بكالوريس طبي طيب ايش الوظيفه الي حتستلمها ؟
    مااعرف لك الجواب لكن احاول اسال الي عندنا بالجامعه وارد عليك
    نجي للتمريض هنا ..
    حتتخرخ بمسمى اخصائي تمريض
    ومعاك بورد التمريض الامريكي يعني اي مستشفى بالعالم تتمناك مو بس بالسعوديه
    غير اذا كملت ماستر دا حاجه تانيه ..يصير زياده الخير خيرين
    وزي ماقلت اخصائي التمريض راتبو من 10 وفوق وممكن يوصل ل18 الف
    وانتا حتداوم 16 يوم بالمستشفى (اربعه شفتات كل اسبوع) يعني راتب اليوم الواحد الف وعليها


    لا ياحلوه ..اخصائي تمريض يشتغل في جناح لازم يسوي الاسره ويروش لمرض ويعمل لهم من الى ..في مساعده ممرضه بالقسم
    تشيل عنك جزء من دا الشغل بس لازم تعمليه (وللاسف دا نظام متخلف بالسعوديه ولا في امريكا الممرضه ماتسوي ولاشي من دي الاشياء)
    وعندك انا ممرضه سعوديه ليا سنه وتمنيه شهور وكنت استلم مبلغ وقدره واعمل كل ماسبق اعلاه والحمد لله يكفيني الاجر من ربي ودعوات
    المرضى الي تشرح النفس
    دا الكلام للمرض الي بالجناح او القسم العادي ..
    لكن في تمريض تخصصات تانيه مالك دخل بدي الاشياء زي ممكن تشتغل في الباليتف كير ,غسيل الكلى ,ممرض مناظير ,ممرض عمليات ,
    ممرض بقسم التحكم بالعدوى ,مثقف صحي,مثقف لمرضى السكر ,اخصائي جروح ,اخصائي علاج الالم ,معيد بالجامعه ,ممرض بقسم مختبر
    النوم ,ممرض بالاقسام الاداريه ,ممكن تاخد ماجستير بالتخصص الي تبغاه مثلا تخصص التشريح وتصير استاذ تشريح بالجامعه
    وكل دي تكون ممرض بدون المهام الي اهلك مايبغوهاغسيل تنظيف والخ (صح تعتبتني وانا اشتغل لكن يكفيك قربك من المرضى ويكفيك تطلع باليوم الواحد بفوق العشر دعوات من ناس في امس الحاجه لك )
    مثال صغير لك ..كانت في مريضه عندها جلطه واتنومت عندنا بالقسم ..الحرمه كل ماجيت ساعدتها بشي دعتلي كم مره عسى والديك بالجنه
    الدعوه من قلبها .. صرت اخلص مرضايا ويكون عندي سته (ودا عدد مره مو قليل ماتلاقي وقت تاكل فيه حتى ) كنت اروح اجري اخدمها
    كل يوم بس عشان الدعوى دي ..
    الزبده بقولك الموضوع تعب جدا ويبغالو قوه اعصاب لكن متعه ماتلاقي بعدها متعه واجر عظيم ان شاءالله
    يكفيك انك تحتسب الاجر عند الله ويكون في بالك انك كل اعمالك هيا قضاء حوائج الناس

    ان كنت تبغى الاجر تلاقيه ان شاءالله حسب نيتك
    وان كنت تبغى المال ومو عيب المال والبنون زينه الحياه الدنيا تلاقيه برضو بالتمريض
    وان كنت تبغى علم ومستقبل حلو برضو ان شاءالله تلاقيه بالتمريض تقدر تتخصص بعد البكالوريس تخصصات مطلوبه ونادره
    وتتوظف بالمكان الي تبغاه او تفتح عياده متخصصه بالشي مثلا ودي لسا ماصارت بالسعوديه ف اضمن انك تكون متميز
    زي عياده متابعه مرضى السكر والضغط او عياده لمتابعه الحوامل ..الخ
    او ان كنت ناوي ع الطب ان شاءالله برضو شي حلو
    بس اهم شي وانتا بالتمريض تتأكد انك دارس كل الي طالبينو بكليات الطب كمواد قبل التخصص وبالغالب
    تخصص التمريض اساسيي انك تدرس المواد المطلوبه لدخول الطب وجيب معدل عالي وادخل الاختبار زيك زي صاحب شهاده البري ميد
    او اي تخصص علمي انتا وحظك ان نجحت وربي كتبلك دخلت الطب مانجحت وماتمت امورك بيدك شهاده فاتحه لك الف مجال
    وترى لايغرك الي يتكلم ع التمريض
    وربي كانت تشتغل معايا بنت سفير ايش تبغى اكتر من كدا وتغسل زي مانغسل وتغير السرر..
    اقنع امك وابوك ..
    قولهم اذا دخلت البري ميد ..ياراح ادخل طب او لا مو اكيد وراح احط يدي على خدي واجلس جنبكم
    وبكدا ضيعتو عليا فرصه استلم راتب فوق ال 15 ..
    قريبي انقبل هندسه وطنش وراح للتمريض ..قال استلم 15 والناس يقولو ممرض
    ولا استلم 7 ويقولو مهندس وتروح عليا فوق ال8 الاف عشان لقب
    نصيحه استخييير الله قبل كل شي
    وحاول تقنع امك وابوك بالعقل قولهم الناس مو فايديني بلقب والدنيا صارت صعبه لازم راتب اعيش فيه اهلي وعيالي قدام
    ان شاءالله
    والله إنك بطلـة ..

    وكلاااااااامك ريحني مرررة .. الله يفتح عليك ياشيخة

    عارفة الخبيصة من أهلي على ايش ؟

    على اللقب تخيلي

    وأنا نفس قريبك قلت ماهم فايديني الناس على لقب مهندس واستلم 8 9 .. وأخصائي التمريض 13 15 !!

    تخيلي أمي تقول أقول للناس ولدي مبتعث ويسألوني ايش تخصصه أقولهم أخصائي تمريض ؟؟؟

    ارفع راسي وادخل هندسة عشان ينادوني أم المهندس < مدري مدح الناس بيفيدنا بشي ؟؟؟

    أنا الي حمسني على التمريض مرة .. أولاً إننا ندرس طب أطفال ..

    ثانياً الشغل في القطاع الصحي فيه ثواب عظيم عند الله طول ما أنت شغال في المستشفى .. ودعوات من المرضى زي ماقلتي ..

    وغير كذا راتبها ممتاز ..

    طيب دامنا ندرس : طب أطفال - جراحة - ولادة - طب أسرة - علم نفس - علم أدوية - علم اجتماع - علوم سريرية - رعاية العجائز - رعاية المراهقين - التشخيص - كثير

    طيب دام هذي مواد التمريض أجل على كذا صرت دكتور ؟؟؟
    7 "
  2. ^

    بعد ماتردين على ردي هذا الي فوق عشان مايضيق الوقت .. عندي أسألة ..

    ماهي مواد بكالوريوس التمريض في أمريكا بالتفصيل .. الله يخليك ..

    وقلتي الي يحصل على ماجستير تمريض في التشريح يصير أستاذ تشريح بالجامعة .. أجل الي ياخذ دكتوراه ايش يصير ؟

    طيب .. أقدر احصل على ماجستير تمريض أطفال وأصير أستاذ تمريض أطفال بالجامعة ؟

    وفكرة العيادة .. فكرة رائدة ومميزة جداً .. بس هل تتوقعين نحصل إقبال على هذه العيادات ؟
    7 "

  3. طيب دامنا ندرس : طب أطفال - جراحة - ولادة - طب أسرة - علم نفس - علم أدوية - علم اجتماع - علوم سريرية - رعاية العجائز - رعاية المراهقين - التشخيص - كثير

    طيب دام هذي مواد التمريض أجل على كذا صرت دكتور ؟؟؟
    انتا حتدرس العلوم الاساسيه الي هيا علم الامراض والتشريح والكيمياء الحيويه الخ
    زي الطبيب وفي مواد احيانا نكون اكتر بس هما بالتشريح يتعمقو فيه ويطبقوه عملي اكتر مننا
    لكن العلوم التانيه الي هيا طب الاطفال والجراحه وكدا
    راح تدرس الرعايه التمريضيه للاطفال
    يعني نبذه من الامراض ويتوسعو لك بالعنايه والرعايه التمريضيه
    الاطباء راح يتوسعو في حكايه الامراض ويتعمقو اكتر مننا وتقدر انتا تدرس وتقرا من نفس الكتب وتعرف احسن منهم كمان
    وبالمستشفى لما حتشتغل دا الشي راح يساعدك كتييييير وراح تصحح اخطاء الاطباء وتنصحهم وتقدر تحاججهم
    واذا شفت انهم بيدو المريض دوا غلط تكلم الدكتور انو قرارو مو عاجبك ماسمع تطلع للدكتور الي اعلى منو طول منتا متاكد
    انك على حق
    اذا شفت الدكتور بيسوي عمليه للمريض وانتا حاسس انو بيسويها غلط او ماعندو خبره ممكن تطلب منو يوقف وتكلم الي اعلى منو
    ودا من حقك..

    وقلتي الي يحصل على ماجستير تمريض في التشريح يصير أستاذ تشريح بالجامعة .. أجل الي ياخذ دكتوراه ايش يصير ؟
    دكتور بالتشريح ..ممكن تتخصص بعلم الامراض ونفس الشي وفي تخصصات كتيره المجال مفتوح قدامك

    طيب .. أقدر احصل على ماجستير تمريض أطفال وأصير أستاذ تمريض أطفال بالجامعة ؟
    وممكن تكمل دكتوراه بتمريض الاطفال وتصير دكتور بالجامعه وتدرس تمريض الاطفال ..والي درسونا بكل التخصصات
    ممرضات معاهم الدكتوراه بالتخصص الي يدرسوه..ويقولو عليهم استشاريات

    وفكرة العيادة .. فكرة رائدة ومميزة جداً .. بس هل تتوقعين نحصل إقبال على هذه العيادات ؟
    الارزاق بيد الله ..لكن تقدر تشوف بعينك مافي من دي العيادات هنا واغلب الناس صارو منفتحين والي سافر برى وشاف العيادات
    وشاف فايدتها ف اكيد اذا رجعو ولقوها موجوده راح يقبلو عليها


    ..معليش نزلت الرد على بالي كامل طلع نص الكلام انمسح
    7 "
  4. والله ماعاد بقيلك عذر ياخي

    بس اسمع تراني رووميتك من ذحين اقولك ههههههههههههه


    طيب اختي سؤال مني الله يدخل ابوكي وامك الجنه عشان تحبي الدعوه هههههههههه

    ماهي مدى صعوبت التخصص وهل اغلبو عملي يعني ما اشيل

    بتقوليلي اللي يشد حيلو ادري

    بس رحم الله امرء عرف قدر نفسه غير كذا ابغا ادرس شي احس اني راح ازبط فيه يعني مثلا مايكون مره صعب ولا مره سهل وبرايك اش افضل تخصص فيها واريح بالدوام كمان لانو دوامات المررضين متعبه نوعا ما

    وكم سنه دراستها
    7 "
  5. السلام عليكم و رحمة الله و بركاته ,,,,,,,,,,

    و الله بيني و بينك تخصص تمريض مرره حلو و قوي في

    امريكااااا بس اكيد الطب افضل من التمريض

    و الله لوتخصص ادارة اعمال من امريكا لتصير مدير

    اكبر الشركات عاد كيف التمريض بيكون ....

    هذا اكبر تعزيز سم بالرحمن و تم زي ماقالتg.s. r


    7 "
  6. طيب اختي سؤال مني الله يدخل ابوكي وامك الجنه عشان تحبي الدعوه هههههههههه
    آمينن ووالديك

    ماهي مدى صعوبت التخصص وهل اغلبو عملي يعني ما اشيل

    بتقوليلي اللي يشد حيلو ادري
    زي ماقلت الي يشد حيلو ..وبالذات التمريض في امريكا دراستو صعبه ..لانك راح تحفظ وتفهم معلومات تقريبا مشابهه للطبيب

    بس رحم الله امرء عرف قدر نفسه
    الي دخلوه ونجحو فيه قبلك مو احسن منك حط دا الشي براسك

    غير كذا ابغا ادرس شي احس اني راح ازبط فيه يعني مثلا مايكون مره صعب ولا مره سهل وبرايك اش افضل تخصص فيها واريح بالدوام كمان لانو دوامات المررضين متعبه نوعا ما
    انتا لما جتدرس حتجرب كل الاقسام ..وسنه الامتياز كمان راح تطبق في كل الاقسام برضو
    وعندك شهرين اليكيف يعني اختياري تختاري القسم الي حبيتو اكتر شي
    وتشوف بنفس وعندك سنين الدراسه راح تجرب وتشوف كل شي وتختار الي حبيتو وارتحت فيه اكتر
    ايش اريح قسم ؟ تبغى الصراحه ؟
    عندك الشغل بالعيادات تجلس مع الدكتور وتروح تنادي ع المرضى وتاخد وزن وحراره وتسجل بالملف واشياء خفيفه زي كدا ..ودوام من 8 ل 4 ونص او 5 بالكتير
    واغلب الوقت جالس ..ومافي دوام خميس وجمعه ولا اعياد يعني قمه الراحه بس راح تنسى اغلب المعلومات الي درستها ومارح تكون شاطر زي ممرضين الاقسام
    وراتب الحرس لممرض العيادات 16 الف ..يعني احسن من كدا مفيش ..بس كل واحد وطموحو
    في ناس يعجبهم دا الشي وفي ناس مايرضو فيه ..بس احسو يناسب البنات المتزوجات وراهم بيت وعيال وزحمه
    وكم سنه دراستها
    اربعه سنين ..وفي امريكا الحلو انك تقدر تدرس بالصيف
    يعني عندك 12 سمستر اذا ضغط على نفسك ودرست بالصيف كمان تقدر تخلصها في تلاته سنين
    7 "
  7. الله يديكي العافيه يارب ويكتبلك الخير وين ماتروحين

    عندي سؤال كمان بالله اش هي المواد العلميه اللي نعتمد عليها مثلا شي يعني احياء مثلا

    لاني اكره الرياضيات وتعرفي مالي نفس ادرس شي انا اكرهو لاني جربت الشي هذا وماكلمت درست هندسه كميئيه وماكانت عاجبتني و في النهايه تركتها بعد سنه وسافرت

    وسنكيووووو
    7 "
  8. ^

    تبغين الصراحة ياوحده من الناس .. اتجهت إلى الهندسة

    الناس ماترحم وأنا ما أبغى أحط أهلي فـ موقف مو حلو .. برفع راسهم وللأسف التمريض مايرفع الراس تقبلي راي بصدر رحب .. هذا واقع مجتمعنا المتخلف ..

    شكراً لك على التجاوب ..
    7 "
  9. اذا بتدرس طب في امريكا ولا كندا تحتاج شهادة بكالوريوس في تخصص علمي (مثل الاحياء) بالاضافة لمواد الـ pre-medicine العلمية

    ولو حاب تقدر تدرس تمريض (راح تدرس نفس المواد العلمية في البداية)...و بعد البكالوريوس تقدر تكمل طب .. لكن راح تحتاج برضو تجيب معدل جدا عالي وتختبر MCAT ..ومافي معادلة مواد تبدأ بكالوريوس طب من اول .


    المهم اذا طموحك طب .. مش تمريض .. ادرس بايولوجي (احياء) وخلص المواد العلمية المطلوبة بمعدل عالي
    ان قدرت تدخل طب ادخل
    ما قدرت تقدر تكمل الماستر في تخصص طبي ثاني .. والمجالات كثيرة
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.