الأعضاء الإشتراك و التسجيل

الملتقيات
ADs

Nursing ولا Pre Medicine ؟

Nursing ولا Pre Medicine ؟


NOTICE

تنبيه: هذا الموضوع قديم. تم طرحه قبل 2816 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية شايل همهم
    شايل همهم

    محظور

    شايل همهم الولايات المتحدة الأمريكية

    شايل همهم , ذكر. محظور. من السعودية , مبتعث فى الولايات المتحدة الأمريكية , تخصصى ! , بجامعة !
    • !
    • !
    • ذكر
    • LOS ANGELES, CALIFORNIA
    • السعودية
    • Mar 2010
    المزيدl

    April 2nd, 2010, 05:43 AM

    بسم الله الرحمن الرحيم

    السلام عليكم ورحمه الله وبركاته

    /

    أنا محتار جداً بين اثنين بكالوريوس : Nursing ولا Pre Medicine ؟

    نقول فرضاً درست Pre Medicine ممكن اجتازها وممكن ما أجيب معدل عالي الي طالبينه بـ كليات الطب الأمريكية ؟

    وممكن أجيب معدل عالي وأعدي اختبار MCAT والشروط كاملة وممكن ما أحصل فرصة انقبل في كلية طب أمريكية لأن عدد الطلاب الأجانب قليل جداً ولا يتعدى 2% ؟

    وهنا اجباري أكمل أحياء أو كيمياء .. يعني في تخصص ما أبغـاه ..

    طيب اخترت Nursing تمريض ، الي عاجبني في التمريض إني ادرس طب أطفال

    وأنا طموحي أصير دكتور أطفــال

    وادرس علوم سريرية وطب ولادة وعلم نفس و .. إلخ

    لكن الوظيفة عندنا بالمجمتع السعودي لا يرحم

    أنت ممرض ؟

    يعني حق تكنيس وتنظيف أسرة < شوفوا التفكير

    هل بعد ما أخلص بكالوريوس Nursing ادخل طب على طول من دون اختبارات ولا لا ؟

    بنهاية الأمر تنصحوني بـ Nursing أم Pre Medicine ؟
  2. بعدين بقول لك شي ترا مو كل ممرض يصلح الاسرة هذي بس يصلحها الممرض الاجنبي طبعا ذا اشوفة بالمستشفى عندنا باقي البنات الممرضات السعوديات مايصلحون اسرة
    وغالبا حقين النظافة يصلحون السرير

    وبعدين بكالوريوس تمريض من امريكا اتوقع بتصير رئيس تمريض بالمستشفى يعني شغل مكتبي

    وترى انت حاط الناس اكبر همك لايهمك احد انا كنت بدخل تمريض بس قال لي اخوي خير انشاء الله تدخلين المريضات الحمام وكذا :-)
    يعني ليتة على سرير
    وخفت من كلامة وكلام المجتمع ومادخلت
    والحين مررررررررة ندمانة لاني اشوف طلب بالهبل على التمريض
    7 "
  3. ^

    والله يا أختي كلامك مية مية ..

    يبغاله واحد قوي ويعزز ذاته وثقته ويمشي بطريقه ملك ..

    تدرين التحطيم جاني من مين ؟

    ياليته من الناس

    جاني من أمي وأبوي

    يقولولي مانبغاك تصير ممرض

    علماً بأن راتب أخصائي التمريض يبدأ من 10 وأنتي طالعه وبعض المستشفيات تعطي 15 .. 17 ..

    وعلم التمريض بحر علم واسع .. لكن مشكلة التخلف في المجتمع الي عايشين فيه ..

    وأنا صراحة ارتحت للتمريض جداً .. وبرمي كلام الناس وراي ..
    7 "
  4. أختِ جي إس آر

    مرتاح للتمريض .. وشكراً لك ..

    ..

    أخوي عبدالله

    اللهم آمين جميعاً ياعسل

    ..

    أخوي إحساس عاشق

    خلك صريح واقعي لو شوي ، هذي نظرة مجتمعنا للأسف .. والجهل يطمس فيهم منذ زمن بعيد

    ..

    أتمنى أحد يفيدنا مواد التمريض ومستقبله ورواتبه ويلم بكل النواحي .. شكراً لكم
    7 "
  5. تخصص البري ميديسن يسهلك قبول الطب كثير بس لازم تجيب معدل عالي ..
    والمشكله هنا هيا حيقبولك طب بعدها او لا ؟ وان ماقبلوك ايش مصيرك ؟ تقدر تشتغل بالشهاده دي ؟
    تعتبر بكالوريس طبي طيب ايش الوظيفه الي حتستلمها ؟
    مااعرف لك الجواب لكن احاول اسال الي عندنا بالجامعه وارد عليك
    نجي للتمريض هنا ..
    حتتخرخ بمسمى اخصائي تمريض
    ومعاك بورد التمريض الامريكي يعني اي مستشفى بالعالم تتمناك مو بس بالسعوديه
    غير اذا كملت ماستر دا حاجه تانيه ..يصير زياده الخير خيرين
    وزي ماقلت اخصائي التمريض راتبو من 10 وفوق وممكن يوصل ل18 الف
    وانتا حتداوم 16 يوم بالمستشفى (اربعه شفتات كل اسبوع) يعني راتب اليوم الواحد الف وعليها

    بعدين بقول لك شي ترا مو كل ممرض يصلح الاسرة هذي بس يصلحها الممرض الاجنبي طبعا ذا اشوفة بالمستشفى عندنا باقي البنات الممرضات السعوديات مايصلحون اسرة
    وغالبا حقين النظافة يصلحون السرير
    لا ياحلوه ..اخصائي تمريض يشتغل في جناح لازم يسوي الاسره ويروش لمرض ويعمل لهم من الى ..في مساعده ممرضه بالقسم
    تشيل عنك جزء من دا الشغل بس لازم تعمليه (وللاسف دا نظام متخلف بالسعوديه ولا في امريكا الممرضه ماتسوي ولاشي من دي الاشياء)
    وعندك انا ممرضه سعوديه ليا سنه وتمنيه شهور وكنت استلم مبلغ وقدره واعمل كل ماسبق اعلاه والحمد لله يكفيني الاجر من ربي ودعوات
    المرضى الي تشرح النفس
    دا الكلام للمرض الي بالجناح او القسم العادي ..
    لكن في تمريض تخصصات تانيه مالك دخل بدي الاشياء زي ممكن تشتغل في الباليتف كير ,غسيل الكلى ,ممرض مناظير ,ممرض عمليات ,
    ممرض بقسم التحكم بالعدوى ,مثقف صحي,مثقف لمرضى السكر ,اخصائي جروح ,اخصائي علاج الالم ,معيد بالجامعه ,ممرض بقسم مختبر
    النوم ,ممرض بالاقسام الاداريه ,ممكن تاخد ماجستير بالتخصص الي تبغاه مثلا تخصص التشريح وتصير استاذ تشريح بالجامعه
    وكل دي تكون ممرض بدون المهام الي اهلك مايبغوهاغسيل تنظيف والخ (صح تعتبتني وانا اشتغل لكن يكفيك قربك من المرضى ويكفيك تطلع باليوم الواحد بفوق العشر دعوات من ناس في امس الحاجه لك )
    مثال صغير لك ..كانت في مريضه عندها جلطه واتنومت عندنا بالقسم ..الحرمه كل ماجيت ساعدتها بشي دعتلي كم مره عسى والديك بالجنه
    الدعوه من قلبها .. صرت اخلص مرضايا ويكون عندي سته (ودا عدد مره مو قليل ماتلاقي وقت تاكل فيه حتى ) كنت اروح اجري اخدمها
    كل يوم بس عشان الدعوى دي ..
    الزبده بقولك الموضوع تعب جدا ويبغالو قوه اعصاب لكن متعه ماتلاقي بعدها متعه واجر عظيم ان شاءالله
    يكفيك انك تحتسب الاجر عند الله ويكون في بالك انك كل اعمالك هيا قضاء حوائج الناس
    صحيح البخاري ومسلم وغيرهما أن النبي صلى الله عليه وسلم قال: المسلم أخو المسلم لا يظلمه ولا يسلمه، ومن كان في حاجة أخيه كان الله في حاجته، ومن فرج عن مسلم كربة فرج الله عنه كربة من كربات يوم القيامة، ومن ستر مسلماً ستره الله يوم القيامة. ومن ذلك ما في مسلم والمسند وغيرهما أن النبي صلى الله عليه وسلم قال: من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه
    ان كنت تبغى الاجر تلاقيه ان شاءالله حسب نيتك
    وان كنت تبغى المال ومو عيب المال والبنون زينه الحياه الدنيا تلاقيه برضو بالتمريض
    وان كنت تبغى علم ومستقبل حلو برضو ان شاءالله تلاقيه بالتمريض تقدر تتخصص بعد البكالوريس تخصصات مطلوبه ونادره
    وتتوظف بالمكان الي تبغاه او تفتح عياده متخصصه بالشي مثلا ودي لسا ماصارت بالسعوديه ف اضمن انك تكون متميز
    زي عياده متابعه مرضى السكر والضغط او عياده لمتابعه الحوامل ..الخ
    او ان كنت ناوي ع الطب ان شاءالله برضو شي حلو
    بس اهم شي وانتا بالتمريض تتأكد انك دارس كل الي طالبينو بكليات الطب كمواد قبل التخصص وبالغالب
    تخصص التمريض اساسيي انك تدرس المواد المطلوبه لدخول الطب وجيب معدل عالي وادخل الاختبار زيك زي صاحب شهاده البري ميد
    او اي تخصص علمي انتا وحظك ان نجحت وربي كتبلك دخلت الطب مانجحت وماتمت امورك بيدك شهاده فاتحه لك الف مجال
    وترى لايغرك الي يتكلم ع التمريض
    وربي كانت تشتغل معايا بنت سفير ايش تبغى اكتر من كدا وتغسل زي مانغسل وتغير السرر..
    اقنع امك وابوك ..
    قولهم اذا دخلت البري ميد ..ياراح ادخل طب او لا مو اكيد وراح احط يدي على خدي واجلس جنبكم
    وبكدا ضيعتو عليا فرصه استلم راتب فوق ال 15 ..
    قريبي انقبل هندسه وطنش وراح للتمريض ..قال استلم 15 والناس يقولو ممرض
    ولا استلم 7 ويقولو مهندس وتروح عليا فوق ال8 الاف عشان لقب
    نصيحه استخييير الله قبل كل شي
    وحاول تقنع امك وابوك بالعقل قولهم الناس مو فايديني بلقب والدنيا صارت صعبه لازم راتب اعيش فيه اهلي وعيالي قدام
    ان شاءالله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.