تغير من لوس انجلوس الى اي ولايه
السلام عليكم ورحمة الله وبركاته
ياشباب انا الحين ادرس في لوس انجلوس في معهد كابلان ولي شهر وسبوعين وجا الحاقي الشهر هذا ولله الحمد والشكر والمنه ولا بعد تمت اجراتي ارسلتلهم ولا ردو
واللي ابهيه الحين اني اغير الولايه واروح لاي ولايه غيرها لانها غاليه ومافيها سعوديين وانا ماودي بكذا ودي بولايه رخيصة والسعوديين ابيهم ولا ابي العكس يعني نو كثار مرة والحقيقة فيه واحد من الربع في ولاية اوهايو في اشلند وودي اروح هناك ونا والله محتار وين اروح علي اي ولايه من ناحية الرخص والاجواء المناسبه
السؤال الثاني انا الحين لو جبت قبول من اي ولاية ثانيه وشرحت للملحقيه ضروفي هل قبل مايرسلون لي الظمان النالي بيوافقون ولا لا زم المعهد اللي تم الحاقي به من البداية ودي اعرف وش حجم الصعوبة في ذلك الله يعطيكم العافيه
رد: تغير من لوس انجلوس الى اي ولايه
عادي تغير الولاية وانت لسى ماتم لك 3 شهور ؟؟؟
انا سمعت ان الملحقية مايغيرون لك الولاية الا بعد 3 شهور
رد: تغير من لوس انجلوس الى اي ولايه
وعليكم السلام والرحمة
اول شي الف مبروك الالحاق
ثاني شي الكلام هذا ما راح احد يفيدك فيه الا الملحقيه
بالتوفيق
رد: تغير من لوس انجلوس الى اي ولايه
هلا ابو حميد وراك تبي تهج عن لوي انجلس ومبروك الاحاق ...
اخوي بنسبة لنقل لازم تكلم المشرف وراح علمك انا دقيت على المشرفة وفرحت يوم قلت ابنقل تقول لان المدينة متروسة سعودين...
الله يذكر ايام واشنطن بالخير
رد: تغير من لوس انجلوس الى اي ولايه
الله يجزاكم خير بس وشتنصحوني باي ولايه والله اني محتار
ومن ناحية الملحقيه لو اعرف احد هناك بيضبط وضعي ولا صعبه
رد: تغير من لوس انجلوس الى اي ولايه
الف مبروك على الالحاق وان شاء الله ان افراحك دائمة
والتغيير تقدر تغير الآن او تغير بعد ما يجيك الضمان المالي
ونصيحة تأكد من الملحقية
والله يوفقك.
رد: تغير من لوس انجلوس الى اي ولايه
اولا الف مليون تريليووون مبرووووووك على الالحــــــــاق وربي ييسر امورك من الى
ثانيا : اللي أعرفه ان نظام الفيزا الامريكية تجبركـ على الدراسة في المعهد اللي مدون بتأشيرتك لمدة 3 شهوووور
يعني انت الان أجنبي وكفيلك المعهد اللي انت فيه لمدة 3 شهووور وبعد 3 شهور انت حــر
وبالتوفيـــــــــــق .
وانا موجود بنيوجيرسي وأدرس بمنهاتن نيويورك اي خدمة انا حاضـــــــر
رد: تغير من لوس انجلوس الى اي ولايه
جمال مبتعث الله يبارك فيك ويجزاك الف خير طيب انت فنييورك وش تنصحني بع والله اني محتار مدري وين اروح خاصة اني ابي ادبر اموري في اقرب وقت عشان اكلم الملحقيه وارسلهم اوراقي وخلاص طيب كيف السكن عندك وكيف المصاريف هي مثل لوس انجلوس او لا كم السكن بالتحديد
طيب لو وصيتك تجيب لي قبول سهل ولا صعب الله يعيطك العافيه
ابو طيف الله يبارك فيك وييوفقنا وياك
bibi الله يبارك فيك وييسر امورك
Golden Eagle الله يبارك فيك