تقرير تعديلات جديدة لإجراءات التفتيش الأمنية للمسافرين الأجانب في الولايات المتحدة

أنا وصلت امريكا قبل أسبوع طبعاً من السعودية إلى واشنطن دي سي الوضع عادي جداً وما فيه أي تفتيش لكن كان فيه تفتيش يدوي في مطار الملك خالد بالرياض فتشوا أغراضي قطعه قطعه وما خلوا سحاب مافتحوه.

لكن التفتيش القوي كان في المطار الداخلي يعني السفر من واشنطن دي سي إلى آي ولاية امريكية الصراحه هو كان تفتيش وبنفس الوقت مساج مجاني خخخخخخخخخخخ طبعاً تفتيش دقيق جداً راح تكون صاف سرا مع باقي المسافرين المهم أذا وصلت للكونتر وشاف السيفين والنخله على الجواز قالك سفط على جمب طبعاً راح تفصخ الجاكيت والحزام والجزمه أعزكم الله أذا معك شنطه تطلع كل أغراضك برا الشنطه ومن ضمنها الاب توب ويحطون كل هالحوسه على جنب ويستفردون فيك خخخخ بيجلسك على كرسي وبيقولك مد رجلك اليمين ومن بعدها اليسار ويبدا يهمزك خخخخخخ وبعدها راح توقف وترفع يدك اليمين ومن بعدها اليسار الزبده أنه راح يلمس ويتحسس جميع أجزاء جسمك سواء المحضور منها أو الغير محضور بعد كذا ياخذ قطعه دائريه لونها أبيض ويمسح فيها أغراضك جميع أغراضك بدون استثناء ويحطها على جهاز كشف المواد الكيميائية ... الزبده أن التفتيش كله ما أخذ مني إلا عشر دقايق بالكثير بس راح تحس بشعور أنك شخص (باد مان) خخخخ العالم كلها تناظرك وأنت تتفتش يعني هذي الحركه إلي ما جازتلي أبد طيب كان بأمكانكم تحطونا بغرفه مغلقه وفتشوا على راحتكم ومثل ماتبون بس مهوب قدام الرايح والجاي وكلن يخز ويقز !!


ترا الوضع ايزي جداً ترا مايحتاج أن الواحد يفكر بزود ويشيل هم والله جميع الأمور سهالات وحتى ألي ميح باللغه ترا فيه عرب يشتغلون بالمطارات والتكاسي والبقالات يعني ما راح تبلش أبد من هالناحية


موفقين جميعاً