المعلومات اللي تحتاجها عن شركه التصالات at&t

السلام عليكم ورحمه الله وبركاته



لاحظت كثير من الناس يسالو عن موضوع الشرايح وافضل الشركات

فقلت اكتب عن هذي السركه لانها هيا اللي استخدمها

طبعا عندهم عروض حلوه بس سعرهم اغلا شوي من تي موبيل

بس تغطيتها جدا ممتازه الغالب يقول اطلع هذي ولا هذي

الحل لاتطلع الا لمن تعرف اهل مدينتك اش معاهم جولات لانو مكالمات في نفس الشركه مجانيه


نبدا اول شي عندهم عرض ال prepaid هذا يعني اشحن وامشي ومكلف جدا
قيمه الشريحه ٢٥ دولار نفس الشي الشحن فيها
كل يوم استخدام يحسب عليك دولار كل مكالمه تبدا من ٢٥ سنت
ولو اتصلت ومارد عليك الشخص برضو تحسب ٢٥ سنت
طبعا اللي ماعندو social security number مايقدر يطلع غير العرض هذا
(في هذي الشركه) او يكون عندك رخصه او تدفع ٥٠٠ دولار تامين



نبدا بالعروض ال post paid وهذي فواتير واشوف انها احسن شي

طبعا زي ماقلت يا رخصه يا ٥٠٠ دولار لانو السوشل ماتاخذو الا لو سرت تشتغل بسسس

ال ٥٠٠ تامين يرجع لك بعد سنه او وقت ماتلغي الشريحه بشرررررط ماتكون موقع عقد معاهم

علا جوال معين اذا موقع عقد والغيت ياخذون فايده عليك

عشان كذا اقول خذو اجهزتكم من بدري واللي بيتاكد انو راح يكمل معاهم ياخذ عقد


هذي الصوره للبروشور حقهم يبين كل شي






طبعا في شي حلو انو مثلا لو اخذت عرض ابو ٤٥٠ دقيقه ماتنقص الا لمن تكلم شركه ثانيه

غير كذا لو ماضيعت كل الدقايق الشهر هذا يضيفوها للشهر اللي بعدو

وعندك الويكند بلاش تكلم اي شركه وبعد المغرب بلاش اي شركه كمان



اذا كان البروشور مو واضح اي خدمه انا موجود