هل ادفع رسوم طلب الفيزة (498 ريال) لي و للمرافقة أو لي فقط؟

صديقتي لها بنت 8 شهور كلمت المكتب وجاب لها I-20

اتمنى افدتك فيزيائية

اخي الكريم
عن تجربه في سفارة الظهران
لازم تفصل ابنك فجواز مستقل وتدفع لة رسوم سامبا حسب رقم جوازة الخاص بة يعني لازم تدفع الرسوم لكل شخص على حدة حسب رقم جوازة وكمان تعبي الابليكيشن لكل واحد فيكم ولازم يكون معك اي توني لكل واحد فيكم
هذا بالنسبة لسفارة الظهران ولا اعلم ان كانت تختلف عن البقية في الانظمة ولكن القنصل بنفسة قال وانا سامعتة عندما يكون الابن مضاف لامة في الجواز فهذا لايسمح بة لانة مخالف لانظمة في امريكا
واي خدمة حاضرين
تقبل مروري

والله يا اختي اني تلخبطت الان طيب الولد عمره سنتان و نص كيف اطلع له جواز لوحده ؟ الجوازات يقولوا يضاف مع امه ويطلع له جواز لما يوصل الخامسة عشر من العمر جزاك الله خير على كل حال شاكر لك

هلا فيك ابو عبدالله ..

أنا وصلتني رسالتك واسف لاني ما اقدر اراسلك لان مشاركاتي قليله ..

عموما ً انا يوميا ً يمر علي اكثر من شخص ابنائهم مضافين معاهم في جوازات امهاتهم ,,
عاد هل هم يرجعون من السفاره او لا !! الله اعلم .
لكن بإذن الله اليوم او بكرا بالكثير راح اجيب لك الخبر الأكيد لأن ولد عمي قبل شهرين مسافر وكان معاه عياله .. راح أتأكد منه وش سوا في جوازاتهم ,,

لكن السؤال اللي يطرح نفسه ,, انت متى موعد مقابلتك .؟؟
اذا كان توه ماهو قريب .. ممكن نلاقي حل .. حتى لو تفصل الولد في جواز لحاله راح يمديك .

انتظر ردك .. وبإذن الله تنحل السالفه ولاتشيل هم وانا اخوك

لازم تـفصل الولد عن أمـه في جواز السفر ويكون له جواز سفر مستقل.

باقي ما حجزت موعد بالسفارة الامريكية بالرياض
اول لازم اتأكد من سالفة جواز الولد بعدين احجز
تطليع جواز للولد سهل بناء على ردود الاخوان لكن جواز الام الحالي مضاف فيه الولد يعني لازم حتى هيه تغير جوازها اذا الولد بيطلع له جواز لوحده عشان يكون جوازها الجديد لها لوحدها
والله قلت للجوازات خلو الوالد في جواز لحاله لكن مسوين فاااااااهمين كل شي

المهم اشكر الجميع على مساعدتهم بارك الله فيكم