هل ادفع رسوم طلب الفيزة (498 ريال) لي و للمرافقة أو لي فقط؟
هل ادفع رسوم طلب الفيزة لي و للمرافقة أو لي فقط؟
مع العلم انني باقدم على فيزا اف1 وزوجتي بتقدم على فيزا اف 2 وابننا (عمره سنتان و نصف) مضاف في جواز زوجتي
اذا بدفع لي لوحدي تكون الرسوم 498؟
اذا بدفع لي و للزوجة تكون الرسوم 996؟
اذا بدفع رسوم لثلاثتنا بتكون الرسوم 1494؟
رد: هل ادفع رسوم طلب الفيزة (498 ريال) لي و للمرافقة أو لي فقط؟
على كل جواز لازم تدفع المبلغ المستحق ...
يعني تدفع لك ولزوجتك ..
رد: هل ادفع رسوم طلب الفيزة (498 ريال) لي و للمرافقة أو لي فقط؟
اقتباس:
المشاركة الأصلية كتبت بواسطة zara..
على كل جواز لازم تدفع المبلغ المستحق ...
يعني تدفع لك ولزوجتك ..
ماشاء الله عالرد السريع شكرا يعني الولد مايحتاج ادفع عنه لانه مضاف
جزيتي خيرا
رد: هل ادفع رسوم طلب الفيزة (498 ريال) لي و للمرافقة أو لي فقط؟
بالنسبة للولد ما اقدر افتي لك ...
إن شاء الله الاخوان يفيدوك ..
رد: هل ادفع رسوم طلب الفيزة (498 ريال) لي و للمرافقة أو لي فقط؟
انا موظف في بنك سامبا وعارف نظام سداد الرسوم ..
الدفع يكون عن كل شخص بيسافر حتى لو كان مضاف في جواز والدته ..
لكن أهم شي تروح للموظف وتقول له ان جواز الأم هو الاساسي .. والولد مضاف معها ..
لأن السيستم في البنك يحتفظ ببيانات الجواز .. وراح يكون السداد مرتين على نفس جواز الأم ..
اتمنى اني وصلت لك المعلومه ..
يعني لو انت والولد وام العيال ,, يعني تدفع الله لايهينك للموظف 1500 ريال وهو بيرجع لك 6 ريال الباقي :)
اتمنى لك التوفيق يالغالي
ودعواتك لي ولوالدي ..
رد: هل ادفع رسوم طلب الفيزة (498 ريال) لي و للمرافقة أو لي فقط؟
اقتباس:
المشاركة الأصلية كتبت بواسطة dream 2008
انا موظف في بنك سامبا وعارف نظام سداد الرسوم ..
الدفع يكون عن كل شخص بيسافر حتى لو كان مضاف في جواز والدته ..
لكن أهم شي تروح للموظف وتقول له ان جواز الأم هو الاساسي .. والولد مضاف معها ..
لأن السيستم في البنك يحتفظ ببيانات الجواز .. وراح يكون السداد مرتين على نفس جواز الأم ..
اتمنى اني وصلت لك المعلومه ..
يعني لو انت والولد وام العيال ,, يعني تدفع الله لايهينك للموظف 1500 ريال وهو بيرجع لك 6 ريال الباقي :)
اتمنى لك التوفيق يالغالي
ودعواتك لي ولوالدي ..
الله يجزاك خير و يوفقك انت والوالد
شكرا لك بعد الله يا غالي ,
السداد مرتين على نفس جواز الأم يعني التسديد مرتين باسم الأم ؟ صح؟
يعني راح يكون في ايصالين سداد باسم الام ؟ صح؟؟ واسم الابن لن يكون له اي علاقة في الايصالات او التسديد لكن يجب ان اسدد عنه باسم الام؟ صح؟
جزاكم الله خير جميعاً
رد: هل ادفع رسوم طلب الفيزة (498 ريال) لي و للمرافقة أو لي فقط؟
طيب لاهنتم انا جاني ولد مالة شهر ودي اطلع له جواز لحالة طبعا انا ومة كلنا فيزتنا f1 السؤال هل الولد يحتاج اعبي له النموذج لحالة حق السفارة والسؤال الثاني هل يحتاج قبول ولا وش اكتب في رقم السيفيس وشكرااااااااااااا محتار لي كذا يوم ودي اخلص جواز الولد وخلص اوراقي مابقى على السفرة الا شهر ونص وشكراااااا تكفون ردو
رد: هل ادفع رسوم طلب الفيزة (498 ريال) لي و للمرافقة أو لي فقط؟
الغالي ابو عبدالله
السداد يراح يكون ثلاث (فورمات)
1- لك
2- لأم عبدالله (طبعاً رقم جوازها واسمها)
3 - بإسم عبودي (لكن برقم جواز والدته)
اتمنى وصلت الفكره يابعدي ..
رد: هل ادفع رسوم طلب الفيزة (498 ريال) لي و للمرافقة أو لي فقط؟
اقتباس:
المشاركة الأصلية كتبت بواسطة dream 2008
الغالي ابو عبدالله
السداد يراح يكون ثلاث (فورمات)
1- لك
2- لأم عبدالله (طبعاً رقم جوازها واسمها)
3 - بإسم عبودي (لكن برقم جواز والدته)
اتمنى وصلت الفكره يابعدي ..
الأغلى و الأكثر غلاءً dream 2008
جزاك الله خير الله يوفقك و لايهون الجميع
بالتوفيق لنا جميعاً
رد: هل ادفع رسوم طلب الفيزة (498 ريال) لي و للمرافقة أو لي فقط؟
اقتباس:
المشاركة الأصلية كتبت بواسطة فيزيائية جديدة
طيب لاهنتم انا جاني ولد مالة شهر ودي اطلع له جواز لحالة طبعا انا ومة كلنا فيزتنا f1 السؤال هل الولد يحتاج اعبي له النموذج لحالة حق السفارة والسؤال الثاني هل يحتاج قبول ولا وش اكتب في رقم السيفيس وشكرااااااااااااا محتار لي كذا يوم ودي اخلص جواز الولد وخلص اوراقي مابقى على السفرة الا شهر ونص وشكراااااا تكفون ردو
لو نزلت موضوع جديد افضل لك
المهم الولد يضيفونه في جواز الام و هذا ماحصل لي
والله اعلم لازم يكون عند الولد اي تونتي I-20 ايضا يعني لازم تبلغ الجامعة عاجل عشان يرسلون لك واحد للولد وتشوف امورك في السفارة بعدين والله اعلم..........................................
افضل تنزل لك موضوع في العام بسرعة عشان يفيدوك اهل الخبرة