وصلتنا الفيزا اليوم وماهو المطلوب بعد وصوا الفيزا ؟

هلا خيتو المطلوب طال عمرك تروحين للوزاره أو يروح أخوك اللي يريحكم بس أفضل أنتي لأن القسم النسائي

مافيش زحمه بس روحي على 9 المهم ايش تسوين بالوزاره ؟؟ تطلعين اقرار الإبتعاث وأمر الأركاب

وتأخذين التذاكر.. المهم الأوراق هذي لازم تأخذينها معك وخليك قدعه مثلي ورتبيها بنفس الترتيب اللي أنا كاتبته

عشان ماتقولك رتبي اوراقك وتخلصين بدقيقتين وكل الأوراق صور فقط وجيبي معك الجوازات ..

المطلوب لإستخراج قرار الإبتعاث :

* صورة قبول اللغة

* صوره من الآي توني

* صورة جواز السفر و صورة الفيزا

* صورة بطاقة العائله - والأحوال إن وجد بالنسبة للبنات

* (صورة جواز السفر + صورة الفيزا + بطاقة الأحوال ) بالنسبة للمرافق

* صورة من وثيقة التخرج والسجل الأكاديمي وحسن السيرة والسلوك

* صورة من الوكالة الشرعية بالنسبة للمرافق

* صورة بطاقة الملتقى

أما بالنسبة لاستخراج أمر الأركاب فالمطلوب كالتالي :

* صوره من الفيزا بالنسبه للمبتعثه والمرافق

* صورة من بطاقة العائله وبطاقة الأحوال بالنسبة للمبتعثه والمرافق

* صورة من قرار الإبتعاث

أتمنى أكون أفدتك بس مثل ماقلت لك روحي بدررري وبالتوفيق خيتو...

بنوفيق يارب

ماقصرة يافوفو

أشكرك خيتو فوفو وجزاك الله خير

وبودي سؤال


شنو:

صورة قبول اللغة

أليس نفسه الاي توني

ومتى أستخرج التذاكر قبل الذهاب للوزارة أو بعد ؟؟

وهل قرار الابتعاث أنا الذي أكتبه أو الوزارة وهل انجيلزي أو عربي وشكراً جزيلاً

الجميع إن شاء الله .. كلامي طبعاً للمبتعثين في برنامج خادم الحرمين الشريفين

بالنسبة لقبول اللغه لا مو نفسه الآي توني اللي هو ثلاث أوراق مدبسه مع بعض .. أما قبول المعهد ورقة

لحالها ومختومه من الوزاره ويجوون مع بعض يعني أكيد موجوده عندك .. واستخراج التذاكر ياقلبي آخر

شي بعد إصدار قرار الإبتعاث وأمرالإركاب ومن نفس الوزاره لو حابه لأن في مكتب للطيار داخل الوزاره

في القسمين النسائي وقسم الرجال بس تعطينهم أمرالأركاب وصور لجوازك انتي والمرافق وتحجزين متى

ماتبين ويعطونك التذاكر بوقتها بس هذي آخر خطوه ..وبالنسبه لقرار الإبتعاث أنتي ماتكتبينه الوزاره تطبعه

لك حسب الأوراق المطلوبه اللي ذكرتها لك قبل .. بس رح يعطونك ورقه توقعين عليها تعهدات تخص المبتعثين

وبعد ساعتين يصدر لك قرار الإبتعاث طبعاً ترجعين للبيت ومتى ماشفتي بحالة الطلب تم طباعة قرار الإبتعاث

تروحين تأخذينه .. أنا أفضل أنه تجين ثاني يوم بدرري على 9 بعد عشان تأخذين قرارالإبتعاث وتطلعين أمر

الإركاب والتذاكر .. القرار بالعربي وكلو بالوزاره عربي .. الموظفات حبيبات مايقصرون يعني

لا تشيلين هم الأمور سهله جداً .. بالتوفيق وأي سؤال أنا جاهزه من عيووني

تسلم لي عيونك اختي الغالية والله يوفقك ويبلغ أهلك بأفراحك وترفعيـن راسهم يارب

أفهم من كلامك الغلا فوفو أني أضل يومين في الرياض

والأفضل اصدار قرار الابتعاث وبعدها أخذ التذاكر

وتسلمي ويجزيك الله كل خير

السلام عليكم ورحمة الله وبركاته

بعد إذنكم وفعلاً هذا الموضوع سيفيد الكثير فنشكر الاخت الكريمة فوفو

أختي الكريمة مممكن تفيدنا عن أهم وأبرز التعهدات

هل سمعتي بشيء اسمه :شرط الجزائي )يعني لو اعتذرت من الدارسة وتركت البعثة هل يطلبون مني تسديد قيمة اللي درسته وبقية المصروفات ؟؟

وشكراً جزيلاً

اللهم آمين .. الجميع إن شاء الله

ايه خيتو يومين تنورين الرياض وتخلصين شغلك بإذن الله وقرار الإبتعاث أكيد رح يكون قبل التذاكر

آخر خطوه في الوزاره هي قطع التذاكر ..

بالتووفيق يارب ..

وعليكم السلام ورحمة الله وبركاته ..

العفو أولاً .. و بالنسبة للتعهدات أو الالتزامات موجوده في موقع وزارة التعليم العالي

ظˆط²ط§ط±ط© ط§ظ„طھط¹ظ„ظٹظ… ط§ظ„ط¹ط§ظ„ظٹ - ط§ظ„ط§ظ„طھط²ط§ظ…ط§طھ

باسم استمارة إصدار قرار الإبتعاث لبرنامج خادم الحرمين الشريفين

وبالنسبة لسؤالك أخي الكريم نعم هناك شرط التعهد رقم 3 يقول التزم بعدم مغادرة مقر دراستي خارج

المملكة قبل الوفاء بجميع التزامات المالية كما التزم بسرعة تسديد ماقد ينشأ من متطلبات مالية بعد مغادرتي

مقر الدراسة و أن أزود الملحقية الثقافية بتقرير دراسي فصلي يوضح سير دراستي .. بس مدري بالضبط بالنسبة

للأعتذار وطلب ألغاء البعثه ماعندي خلفيه بس تفائل خير بإذن الله كلامك مارح يصير منه شي ولا راح تعتذر

إلا لظروف وبالنسبة للظروف هذا شي خارج عن إرادتك الله كريم .. موفق إن شاء الله

بسم الله ماشاء الله عليك فوفو


ماخليتي شي