ارسلت لي الملحقيه ولا ادري وش المطلوب

السلام عليكم ورحمة الله وبركاته
ياشباب انا انضميت فالبعثه ولله الحمد الاسبوع الماضي وارسلت للملحقيه واخيرا بعد كذا كم يوم جاني اليوم
ايميل ومكتوب المطلوب هذا
ياليت ياشباب تفهموني بالضبط

1- التسجيل الدراسي الحالي – بتاريخ حديث
2- كشف درجات للمدة التي درستها منذ دخولك امريكا
3- نتائج الفصل الدراسي الماضي .......
4- I20 عليها ختم الدخول
5- I94 (التاشيرة) الكارات الابيض
6- تعبئة نماذج فتح ملف مبتعث جديد
7- شيك ملغي لتحويل المخصصات الشهرية على البنك مباشرة


وش التسجيل الدراسي
وش كشف حساب انا ماراح علي الا شهر
وش الكارت الابيض
النموذج هذا كيف اعبيه
ارجو المساعدة

ماعندي خبر السراحه

بس جيت ابارك

الله يبارك فيك ويوفقنا وياك
بس ولو الشباب ماش مافيه احد حولنا
ياشباب ارجو المساعدة ا ر ج و ا ل م س ا ع د ة

الكارت الابيض
الكرت اللي يدبسونه في جوازك جنب الفيزا

نموذج فتح ملف مبتعث
تحصله في موقع الملحقيه ,, مع المستندات
وترسله ع البريد حقهم او المكان اللي يبونه هم ع البريد او الايميل

هذا اللي اعرفه

شكرا لك الله يعطيك العافيه ريحتني شوي
لكن باقي بعد انتظر الكرماء اللي مثلك

اما التسجيل الدراسي اتوقع قصدهم السجل الدراسي يعني كشف للمواد الي درستها ودرجاتك الي حصلت عليها
واللة يسهلك والف مبروك التحاقك
تقبل مروري واحترامي

الشباب ماقصروا يعطيهم العافية ..

الله يوفقك

اقتباس:

---

المشاركة الأصلية كتبت بواسطة محمد 40

السلام عليكم ورحمة الله وبركاته
ياشباب انا انضميت فالبعثه ولله الحمد الاسبوع الماضي وارسلت للملحقيه واخيرا بعد كذا كم يوم جاني اليوم
ايميل ومكتوب المطلوب هذا
ياليت ياشباب تفهموني بالضبط

1- التسجيل الدراسي الحالي – بتاريخ حديث

2- كشف درجات للمدة التي درستها منذ دخولك امريكا

كشف درجآتك اتوقع مفهومه

3- نتائج الفصل الدراسي الماضي .......
ماعرف:no2:
4- I20 عليها ختم الدخول
مو I-20 قبول المعهد مختم ختموهـ لك ! اوكي سو له صورهـ

5- I94 (التاشيرة) الكارات الابيض

هذا الكرت الابيض الي مدبس بجوآزك
تأشيره الدخول

6- تعبئة نماذج فتح ملف مبتعث جديد

من هنــآ

http://www.sacm.org/ArabicSACM/pdf/O...ewStudent1.pdf

7- شيك ملغي لتحويل المخصصات الشهرية على البنك مباشرة
ماعليك الا انك تروح للبنك وتقول لهم انك تبي فويد شيك او دايركت ديبوزت فورم

وش التسجيل الدراسي
وش كشف حساب انا ماراح علي الا شهر
وش الكارت الابيض
النموذج هذا كيف اعبيه
ارجو المساعدة

---

بالتوفييق والف الف الف مبروكـ

الكرت الابيض .. الكرت اللي دبسوه في جوازك اسمه i94

التسجيل الدراسي اتوقع يقصدون ورقه تفيد انك مستمر بالدراسه .. خذه من المعهد حقك وان شاء الله يمشونه لك

كشف الدرجات سهل .. رح لاداره المعهد وقلهم انك بتنضم للبعثه وطالبين كشف درجات وراح يعطونك زي ماصار مع خويي ،،

والنماذج نزلهن من موقع الملحقيه ادخل على النماذج ونزل ملف مبتعث جديد واطبعن عبهن وارسلهن مع صور لك وشيك ملغي الى عنوان الملحقيه زي ماهو مكتوب بالاوراق على الفيدكس

وتابع معهم وان شاء الله امورك بالسليم

بالتوفيق

الله يعطيكم العااااااااااااااااااااااااااااااااااااااااااااااا اااافيه صحيح ماقصرتوا
والله لولا الله ثم انتوا كان الحين محتار
الله يوفقكم جميع وانشاء الله تعودوا لأهلكم مبيضين الوجه وفخر لهم