الازواج في امريكا : هل اطفالكم مضافون في جوازاتكم ام ان لديهم جوازات خاصة بهم؟

بس تدري الي استنتجتة من ردود الاخوان ان كل سفارة تختلف في انظمتها عن الاخرى
لان واحد يقول مشوني والتاني يقول لا

بالتوفيق

اشكر لكم جميعا بعد الله ردودكم بالتوفيق في الدراسة و الامور الاخرى بارك الله فيكم

فعلا ً يابو عبدالله فيه ناس يطلعون جوازات لاولادهم وهم صغار ما اتوقع فيها شي ..

لكن المشكله الحين ماهي في استخراج جواز ,, استخراج الجواز ماياخذ له يوم الا وهو خالص ..
المشكله في الاي توني اللي وصلك يعني ماعنك وعن الروحه للسفاره وتشوف وش اللي يصير معاك ..

دعواتي لك بالتوفيق ,, وعلى فكره فعلا ً مثل ماقالت لك (دكتوره طموحه) اتوقع ان بعض السفارات غثيثين ويعقدونها ,, لكن سفارة الرياض اخذت المركز الأول في التساعد مع الطلاب حسب اللي أقراه من مواضيعهم

السلام عليكم

اخي العزيز انا ابي اقولك تجربتي انا توني استخرجت جواز لولدي عمره 3 اشهر ماخذا مني ساعتين بدون واسطه عادي انا عايش بالكويت ورحت الخفجي وطلعتله جواز ولا احد قالي ضيفه ام جواز امه ولا شي .!!

موفق خير انشالله

أطفالي اثنين ستة سنوات، وسنة ونصف مضافين في جواز امهم
والحمد لله طلعت ثلاث فيز لهم جميعاً في نفس الجواز
وانا طالع امريكا إن شاء الله

اخوي حتروف ,, بس ليتك قلت وين طلعت الفيزا من اي سفاره ؟؟ الرياض والا الظهران والا جده ؟
ومتى كان ذا الكلام ؟

ياخي انا شايل هم ابو عبدالله .. لأنه فعلا ً موضوع يحير ناس يقولون طلعنا جوازاتنا وناس يقولون انهم يرفضون !!

صدق ان النظام مضروب في بعض الدول

والله انا يوم كنت بالقنصلية في الظهران كنت جالس في اخر كرسي واسمع سوالف الناس مع السودانية

الزبدة جاها واحد وبنته مضافة مع زوجته قالت له السودانية ليش هذي مالها جواز بحالها يعني توفير

رد عليها الرجال قال لا بس انا راسلت السفارة في الرياض ردوا علي عادي يمشي

الا السودانيه تقول له هذاك في الرياض هنا النظام غير ....

الله يجزاك خير و يوفقك في بعثتك و الجميع ان شاءالله
احرجتني بكلامك الله يبيض وجهك
انا عموما ارسلت ايميل لسفارة الرياض و شرحت لهم المشكلة كاملة وانتظر ردهم
وقررت اروح الرياض لانهم متساهلين


وفق اللة الجميع لما يحبه و يرضاه

مرحبا اخوي انا قبل اسبوع كانت عندي مقابلة في السفارة انا وزوجتي
وعندي بنتين مضافين بجواز امهم ورايحين معانا لامريكا ولا قالوا لي شي من هذه الناحية
لما انتهيت من المقابلة خذوا جوزاتنا وقالو لنا خلاص راح تجيكم بالفديكس

هذا والله اعلم

بالتوفيق