رخصة قيادة السياره .. ارجو الإفاده

حياك الله اخوي

تختلف الانظمه على حسب كل ولاية
لكن اكثر المحلات اللي مريت عليها يرفضون الرخصه الدوليه ويقبلون الرخصه السعوديه ( مكاتب تأجير أو مرور )
بعض الولايات يسمحون لك تستخدم الرخصه السعوديه لمدة طويله وبعض الولايات يعطونك مخالفه اذا تسوق بالرخصه الدوليه او السعوديه وانت لك اكثر من شهر في أمريكا

إجراءات الحصول على رخصه امريكيه سهله جدا وبرضو تختلف حسب الولاية
بتكلم لك عن ولايتي
1- تقدم أوراقك وتختبر على كمبيوتر :: اختبار سهل جدا وبعض الولايات توفر اختبار باللغة العربيه
2- يعطونك موعد علشان يختبرونك بالقيادة :: انا اختبروني بسيارتي


اذا تبي نصيحتي
جدد رخصتك السعوديه لأنها مهمه مرهـ

بالتوفيق لك اخي

والله انا رخصتي منتهية

بس ماراح اجددها ايش استفيد من التجديد بخسر 500 مع تأمين هذي 1000 ريال انا اولى فيها

الي اعرفه الرخصه السعودية ماتمشي عندهم

الرخصة السعودية تمشي عندهم .. واعتقد هذا حسب الولاية .. اشوف انك تجدد رخصتك وخذا لجديدة عربي وانجليزي وبتاريخ ميلاد ..

اما عن رخصة الولاية بالنسبة لي اختبرتها على ورق مو كمبيوتر وبعدها اختبار قيادة بسيارتك قير عادي كانت او توماتيك المهم السيارة اللي عندك .. وسلامتك

حبيبي وين عايش انت تأمين الرخصة قد شالوه من زمااااااااان
وتجديد الرخصة حدود 400 ريال لعشر سنوات اتوقع ماهي خسارة لأنهم راح يغرمونك بعدين لو ما سددت

الرخصة الامريكية فعلا تختلف من ولاية لولاية في كلفورنيا
تروح تختبر اختبار تحريري بالعربي ومسموح لك 6 اخطأ تقريبا والاسئلة تلقاها مع الشباب او في النت
وبعدها يعطونك ورقة تعتبر رخصة مؤقته ويعطونك موعد بعد شهر او حولها علشان تختبر عملي

واذا كان عندك رخصة سعودية مسموح لك تسوق بالرخصة المؤقته
واذا ما كان عندك فغير مسموح لك الا بشرط انه يكون راكب معك شخص معاه الرخصة الامريكية

ان شاء الله اكون افدتك.

أبوغلا

أبو طيف

كحيلان 2010

مشكورييين ياغالين .. بس ماقلتو شي عن الرخصه الدوليه هل ممكن تمشّي أو لا ؟؟

انا كانت عندي السعودية وقالو ما تمشي لازم يكون عندك الدولية + السعودية لمدة 3 شهور بعدين تصير لازم تطلع حقت الولاية