ملاحظه ابغى اضيفها من بعد اذن آل نجار
الجهاز المفتوح رسمي يعني اي شريحه تشتغل عليه بس مو معناه تقدري تنزلي اي برنامج لازم تشتري البرامج ( يوجد برامج مجانيه )
الجلبريك يفتح الجهاز المغلق و يسمح بتنزيل البرامج بدون ماتشتريها
عرض للطباعة
وعليكم السلام ورحمة الله
AT&T عندها أكثر من باقة وتسعيرة للانترنت - لكن هذه الباقة الزامية للآيفون ( الباقة المفتوحة )
ولايمكنك اختيار باقة انترنت من باقات الانترنت الاخرى
أيضا لابد من اختيار باقة اتصال - لأنها هي الخدمة الأساسية والتي على اساسها العقد
اما بقية الخيارات هي اضافات للباقة بعضها اجباري مثل باقة الانترنت اما الرسائل اختيارية
وتوجد اضافات اخرى اختيارية مثل الاكسسوارات و الماب وغيرها
هل وضحت لك الصورة ؟
إذا رقمك من AT&T فما تحتاجين لرقم جديد وانما تعملين ترقية لباقتك الحالية إلى باقة الايفون وتضيفين عليها الخدمات المطلوبة وباقة الانترنت تلقائيا تنزل لك في حالة ترقيتك لباقة الايفون لانها الزامية مع الباقة
( طبعا الترقية لاتتم إلا إذا كانت باقتك الحالية او عقدك الحالي يسمح بالترقية )
لشراء الايفون بدون عقد لابد من متجر آبل نفسه
وانك تريدين شراء الايفون بسعره الاساسي لأنك طالبة و غير مؤهلة لسياسة AT&T
تحياتي
مشكله رقمي من شركه ثآنيه مو At@t يعني مظطره آلغيه وآجيب رقم منهم ..:(
طيب لو بغيت آخذه من متآجر آبل عليه ديبوزت آولآ ؟!
بذبحهم لو عليه :@
هبلوآ فينآ كل شي عليه ديبوزت :@
لآن آتذكر قآلت لي 500 دولآررر الديبوزت لآزم ..
~
الله يجزآك خير على نفعك للغير :)
طيب...نستفيد من الكلام دا كلو انو حتى لو اشتريت الجهاز المفتوح اللي من موبايلي مثلا برضو لازم جيلبريك عشان يفتح برامج وكده...صح ولا انا غلطانة؟؟؟
عشان انا برضو ما كنت اعرف ايش هوا جيلبريك بس كانها وضحت الصورة...
طيب شي تاني...دحين ليه الناس طايحين في الاي فون؟ ممكن احد يقول لي فوائده؟؟ انا طول عمري جوالاتي سوني اريكسون واعشقها...بس ايش الاشياء الموجوده في الاي فون اللي مش موجوده في الاجهزة العادية؟؟؟
ومرررره شكرا واللهي كنت ادور على دا الموضوع من زمان...
كلامك صحيح الجيلبريك يخليكي تنزلي برامج مكركة يعني ما تدفعي فلوس ولو بتمشي نظامي ما تحتاجي جليبريك وتشتريها وهي أصلا أغلب البرامج رخيصة جدا يعني أغلبها ب (0.99) دولار بس.
ثانيا من مميزات ال Iphone أولا حيكون عندك جوال به آخر التكنلوجيات وحتستمتعي بأفضل جهاز لمس في العالم ويعتبر الأيفون أكثر جوال لديه برامج على الإطلاق وأيضا توجد إحصائية في أمريكا أن 80٪ من إللي يتصفحوا الإنترنت في الجوالات هم أصحاب الأيفونات ، ولو كنتي في أمريكا حا تستخدميه في كل شي لدرجة ممكن تطلبي قهوتك من استاربكس عن طريق الأيفون.
واااو حركاااات حتى القهوة!
هوا والله شكلو كده كشخة وكل صحباتي في امريكا عندهم ف بس كنت ابغى اعرف القصة قبل ما اتهور..
يلا يعطيك العافية ومشكوووور
افكر اني اشتريه قبل مااسافر لأمريكا .. بس من وين اشتري البرامج الخاصة فيه وانزلها ؟؟
وش البرنامج اللي اخفي فيه البرامج اللي نزلتها والالعاب << اصلا مااعرف وش فايدته
واذا رحت لأمريكا لازم اشتري الشريحة من شركة at&t ؟؟