عرض للطباعة
لجأت لكم بعد ماضاقت بي الأمور
وساء حظي..
عندي طلب لك من يدخل الموضوع
اني ابغى تخصص يكون القبول فيه سهل
مثل : محاسبة
نظم معلومات ادارية
ادارة اعمال
هذي التخصصات لحد علمي انه قبولها سهل.
اني ابغى مساعدتكم اللحين تعطوني جامعات فيها هذي التخصصات يكون فيها معهد
و عندها قبول مشروط..
وتكون ممتازة والمدينة تكون ممتازة ..
هذا طلبي عسى ما ثقلت عليكم ..
اي احد عنده خبره يفيدني بجامعات عندها قبول مشروط ومعهد وفي مدينة ممتازة
ولكم جزيل الشكر
والله ياخوتس مالي علم يها وكان ودي اخدمك بس للاسف انا مثلك ما اعرف وش الزين و الشين وانشالله الله يفرجها عليك
اختي نبض المشاعر
الله لايضيق عليك لادنيا ولا اخره ا
ختي انا تخصص ادارة اعمال وراح ادرس محاسبه وفي جامعة مونتانا
شوفي جامعة مونتانا القبول يقولون سهل فيها والولايه رائعه جدن بس عيبها انها بارده
وتراها رخيصه من ناحيت السكن والمعيشه ولا فيها ضرايب وانا والله مدري وش هالضرايب
montana هذا اسم الولايه على مضن بالانجليزي
اتمنا انك تستفيدين
هذا الي اقدر اقوله لك
وعسى الله مايضيق عليك
تحيتي لكي
سعود
نظم معلومات ادارية مثلي مااخذ شي
هلا وسهلا بنبض المشاعر ,,
كان ودى اخدمك يالغاليه بس ماعندى اى علم :gr_908:
وان شالله الاعضاء ماراح يقصرون معك بشي ,,
تمنياتى لك بالتوفيق والنجاح,,
اختك,,
العنـــــــــــــــــــــود:gr_876:
صراحه ماادري شنو التخصصات اللي يكون فيها قبول سهل
لكن بقولك شي
انا حصلت على قبول معهد + قبول مشروط عن طريق الملحقيه
وهذا موقع المعهد على الانترنت
http://www.thelanguagecompany.com/
دخلت عليه كذا مره ومكتوب فيه انه يقدر يطلع لك قبول مشروط اذا الطالب يريد
هاالشي
وموجود في كذا ولايه ومتعاون مع كذا جامعه
شوفي الموقع وشوفي الجامعات اللي يتعاون معاها
وهل هي معترف بها وهل معترف بتخصصاتها لدى الوزارة ؟!!
يمكن يساعدك
مشكورين جميعا على المرور .. يعطيكم العافية .. بالتوفيق للكل انشالله
اختي هناك جامعه توليدو القبول فيها سهل وهي مدينه رخيصه والمعيشه فيها حلوه والطبيعه فيها ساحره والله يكتب اللي فيه الخير
مرحبا نبض المشاعر،،،
انا يوم قريت (عسى ربي يوفقك دنيا وآخره) ...
قلت ما بدهاش .. ابدخل لو فيه لغم !!!
اول شي الله يوفق الجميع للي في الخيره بالدنيا والآخره ان شالله
ثاني شي يا طويلة العمر ... ابقولك عن اللي انا مجربه <<< على اساس انه يحسب نفسه خبير :gr_907:
انا الحين لي ثاني يوم في مدينة Spokane في ولاية Washington <<< دارين... تراك ازعجتنا
في جامعة اسمها Gonzaga University
وتخصصي محاسبة .. والله يوفق ان شالله
وفيه معهد تبع الجامعة
هذا موقع الجامعة على النت www.gonzaga.edu
واول شي ادخلي صفحة International Student عشان تآخذ معلومات للطلاب الاجانب (يعني حنا ) :gr_876:
لسا ما بديت المعهد ... راح تبدأ الدراسة في فترة الصيف تقريبا الاسبوع الجاي
والجامعة يذكرونها بالخير .. وسمعتها حلوه
صح ان اكثرهم كاثوليك .. بس سمعت ان فيه مسجد او مصلى جوا الجامعة ... رحت اليوم وأخذت فيها لفه .. بس ما شفت كل شي
المدينة تعتبر ثاني أكبر مدينة في الولاية من بعد سياتل
لكن مافيه كبر يسوى .. يعني انا فريتها كلها في اقل من يوم .. واكبر عماره فيها .. هو الفندق اللي انا ساكن فيه .. تقريبا في حدود 10 أدوار (يعني الخرج أطلق :gr_876: )
ما أقدر أحكم عليها .. لان مالي إلا يومين بس .. لكن بداية حلوه ان شالله .. وشكل الديره حلوه
جوها بارد شوي ... بس حلووو مررره
ويقولون في الشتاء بررررد وثلوووج ... بس جوا بيتك ما عندك مشكله
وسألت عن السكن ... أسعاره مناسبه
يعني السكن في الجامعة بـحدود 450 دولار شهريا تقريبا..
وفيه بيوت وعمائر كثيييره جنب الجامعة واسعارهم بذا الحدود
حتى سمعت ان فيه واحد سعودي شباب ولحاله عزابي ... مستأجر دور في بيت ؟؟!! :gr_907:
وزي ما قلت لك المدينة ما فيه زحمه وهاديه بس مو هدوء المقابر على ما قالو .. بس شكلها حلوه ان شالله
والجامعة اجراءاتها سهله مررره ... وقالوا لي فيها تقريبا مدري 40 أو 80 طالب سعودي <<< أدري فرق .. بس خانتني الذاكره
وسمعت برضه .. ان فيه ثنين شباب سعوديين ومعهم اختهم يدرسون في نفس الجامعة ونفس الكلاس مع بعض ... (وناسه .. ودي ادرس مع اختي عشان اذا قلت حلي لي الواجب ... ما تقول لي ما بعد أخذنا الدرس هذا .. :gr_897: ) الله يوفقنا وياهم جميع ان شالله
اممممممم ... مدري وش اقول بعد .. لكن هذا اللي جا على بالي الحين
اذا تبين شي ثاني ... عطيني خبر .. وان شالله اقدر أفيدك فيه
وانصحك وانا اخوك ... بانه يصير معك محرم ( كلمة أردت بها التذكير .. وأن تكون شاهدة لي .. لا علي )
وبالتوفيق للجميع...
تسلم يا ابو داحم .......... يعطيك العافيه وانت قدها ... :) واي شي راح اسألك .. ماراح استحي .. ;) ترى ما انعطى وجه ...هههههههه على العموم مشكور ... وشكلك مارتاح ماشااله ,... الله يكمل لك على خير