الحقوني موعدي في السفارة 12/5/1431
السلام عليكم ورحمة الله وبركاته
لو سمحتم انا عندي موعد في السفارة الامريكية
يوم الاثنين 12/ 5/ 1431
وانا مرتبك بعض الشيء واريد منكم
اخباري عن المقابلة وامورها
ثانيا ما هي الاوراق المطلوبه مني احظارها
ولكم مني جزيل الشكر والتقدير
تحياتي لكم
دمتم بود
رد: الحقوني موعدي في السفارة 12/5/1431
المقابلة في السفارة من احلى مراحل الابتعاث ..
الاوراق المطلوبة للسفارة :
1- ايصال سامبا
2- اصل الجواز
3- ورقة الموعد للدخول
4- نموذج DS160 اطبع الورقة الاخيرة اللي فيها صورتك ورقم الباركود ولازم يكون واضح ..
5- تسديد السيفس لكن ما صاروا ياخذوه
6- I-20 وراح ياخذوا صورة منه
7- خذ معك ما يثبت انك على حساب الوزارة وخذ شهاداتك وكشف الدرجات للاحتياط فقط
بالتوفيق ..
رد: الحقوني موعدي في السفارة 12/5/1431
لا ترتبك ولا شيء كلها سؤالين هل سافرت إلى امريكا من قبل
والسؤال الثاني لماذا انت ذاهب إلى امريكا
والموظفه او الموظف تلاقيه اصلا مو فاضي يسأل اكثر من سؤال
اهم شي تعطيه الأوراق الي يطلبها منك ولا تحاول تكثر كلام
جاوب قد السؤال فقط لا غير .
رد: الحقوني موعدي في السفارة 12/5/1431
و عليكم السلام و رحمة الله و بركاته ..
الموضوع بسيط ما يستدعي الإرتباك ..
و المقابلة كلها ما راح تأخذ معك أكثر من دقيقة أو دقيقتين ..
و نصيحتي لك خل جيبك فاضي ما فيه ألا فلوس بس ..
و لو يحصل لك تخلي مفتاح السيارة في السيارة يكون أفضل ..:1eye:
طبعاً الجوال أنساه في البيت أو في السيارة لأنه مستحيل يدخلونه للسفارة ..
ماشاء الله يشلحون الواحد تشليح ..:)
رد: الحقوني موعدي في السفارة 12/5/1431
تساخيل، لا تشيل هم، ولا ترتبك الأمر بسيط جداً، واللقاء روتيني، وإنهاء للإجراءات المتبعة لا غير.
ريح بالك عن جد ريح بالك.
رد: الحقوني موعدي في السفارة 12/5/1431
لا ترتبك .. اصلا مافي داعي للارتباك .. صدقني راح تحب الشغله .. بعد ماتخلص منها على خير.. وتقول تجربه حلوه ولا تستاهل هذا كله
اذا كانت مقابلتك بالرياض .. شوف الموضوع ذا ان شاء الله يفيدك
بالتوفيق للجميع
http://www.mbt3th.us/vb/forum8/thread160807.html
رد: الحقوني موعدي في السفارة 12/5/1431
لاترتبك ولاشي
الاسئله هي
1- في مدينة بتدرس
2-مرحلة دراستك وتخصصك
3-تخصصك الجامعي او الثانوي
4-على حساب مين
وبس
موفق
رد: الحقوني موعدي في السفارة 12/5/1431
الله يوفقك اخوي ويسهل امورك
بتلقى رساله على الخاص
رد: الحقوني موعدي في السفارة 12/5/1431
هههه ذكرتني بحالي قبل المقابله متوتره ويوم دخلنا الامور سهاله كل خطوه تلاقي من يرشدك من تدخل عند الباب اووول شي تفتيش ولو مفتاح معك وجوال ياخذونه بظرف ويحطونه بالامانات ويعطونك رقم لاتضيعه ولا مايرجع لك شي خخخخثم تدخل يفتشونك بجهاز زي المطارثم تدخل للسفاره جواتلاقي واحد واقف بالاستقبال يعطونك رقم ويقولون اجلس هينا تلاقي ناس بالدور جالسين ينتظرون رقمهم يطلع على الشاشات
بعدها يطلع رقمك على الشاشه وعند اي كاونتر تروح رقم الكاونتر يعني
تتجه له ياخذ اوراقك ويبصمك على شاشه تلقط البصمات تحط اصابعك وهي تطبع بصمتك
بعدين يطابقون الاوراق بالكمبيوتر او معلوماتك الي عندهم من الوزاره الظاهر ويشوفون اذا اوراقك كامله
يقولون تفضل للغرفه الي بجنبها
تروح تلاقي موظفه تستقبلك وتقول اجلس هينا بالدور
يظلون ينادون عليكم واحد واحد لما يجيك الدور بالارقام طبعا
تلقى هالامريكي الي يحكي بطلاقه عربي ههههه عقبال مانحكي بطلاقه انجلش هو بغرفه وانت قدامه من برا تشوفه ويشوفك من ورا قزاز وماتسمعه زين غير بسماعة تلفون يطلب منك ترفعها ويتكلم معك وانت تجاوب
يسألك اتفه اسأله تمر عليك بحياتك خخخخخ
اسمك
انت مبتعث من الوزاره
هل سبق ان سافرت الى امريكا من قبل؟؟
لو جوازك به سفريات ممكن يسألك عنها وين سافرت خارج المملكه من قبل وممكن مايتطرق للموضوع
لماذا انت ذاهب الى امريكا ؟
ماهو التخصص الذي تود دراسته (( طبعا قل التخصص الي انت انقبلت عليه حتى لو مو ناوي تدرسه ) حسب الي مسجل بالوزاره
انا سألني لما قلت التخصص حاسب الي قال
كيف تدرسين حاسب الي وهو غير امتداد لتخصصك في البكالريوس ؟
قلت بكل هدوء لان حسب معلوماتي النظام بأمريكا يتيح هالفرصه ان الواحد يدرس بدون امتداد تخصص بشرط يدرس سنه تحضيريه
ابتسم وقال جيد
طبعا للمرأه يطلب منها كشف الوجه للمطابقه مع الصوره الي قدامه بالاوراق والكمبيوتر
وبسسسسسسسسسسسس
سألوا مرافقي نفس الاسئله وقال فيزتك مرافق؟ قال نعم
قال ماهي اخر شهاده حصلت عليها من السعوديه؟
قال لهم الثانويه
قال ماذا تنوي ان تفعل في امريكا غير مرافقة زوجتك للبعثه؟
قال اهم هدف عندي حاليا اكتسب اللغه وان شاء الله راح اكمل بكالريوس
وبس
والحمدلله..حتى شكل هالامريكي مره حبوووب لاخلص يشكرك رد وانت مبتسم بس مو توزع ابتسامات يحس انك مرتبك خخخخ لا عادي
لاتخاااف ابد ابد ورح وانت مبتسم واثق واهم شي ماناقصك اوراق مهمه ابد
خذ الجوازات لو معك مرافق+ صور
القبول + صوره
الـ i20 + صوره
ورقة سامبا + صوره
الابلكيشن الي عبيته الاصل << انا من الاحتياط كل شي اخذت له صوره
ورقة الموعد اهم شي
لو عندك جواز سفر قديم ملازم تاخذه معك لانهم يسئلونك عنه احتمال طبعا بس فيه ناس سألوهم عن جوازات قديمه قالوا جيبوها وتعالوا فا انت اختصر الموضوع حتى لو كان مخرم جيبه معك
ورقة السيفيس
واي شي تحس انه مهم خذه معك بملف حافظ الاوراق احسن لك الزياده ولا النقص
وان شاء الله اني ذكرت كل شي ولا تتوتر ابد بالتوفيق