المشاركة الأصلية كتبت بواسطة الحور
اختي وش اختار واختي دارسة الكيمياء وش فيكم الله يهديكم كل هذا كره وانتقام لعيال ديرتكم
الله يصلح الحال بس
اذاانتم تعرفون شباب يسبونكم فانا اعرف كثيييييييييييييييييييييييييييييييييييير يمدحونا
اما بالنسبة للحب ليش اباءكم مايحبون امهاتكم
انا شفت اغلب الردود من رجال فقلت يمكن تفكرون انهم يمدحون انفسهم
بس اللي شايفته بالعايلة كلها
انه اكثر الرجال يحبون زوجاتهم ومدلعينهم فوق ماتتصورون ماشاء الله الله يوفقهم يارب
وماشفت احد ماخذ اجنبية الا 2
واحد معاق الله يعافيه ويشافيه واخذ له اجنبية يعني بالله هذا مو احترام لراي بناتنا بالعايلة انهم مارغبوا يتزوجونه عشان المسؤولية اكبر
والثاني شخص كبير بالعمر مره وزوجته الاجنبية موريته نجوم الظهر الله يسخرها له ويهدينا واياهم
فلاتحكمين على الكل
اجنبي او غيره
اقول لك كلمة قالتها لي جارتي الاجنبية ومسلمة
قالت احمدوا ربكم هنا السعودي نادرا مايخون ولو خان يظل خايف على سمعته وعلى اهل بيته
فتقول لي احنا عندنا الزوج يخون وياويلي لو افتح فمي بكلمة لان الكل يقول هو رجل
لكن تعالي عندنا بالسعودية لكثير عوائل لو بس يعرفون انه زوج بنتهم يخون او يمشي في طرق ماهي صح الكل يوقفه عند حده
يااختي لاحظت اغلب ردودك فيها انتقام وكره للسعودية
مادامك كارهتها وش مخليك تاكلين من خيرها ياحياتي
قدمي على الهجرة وخذي جنسية اي بلد وخلي هالبلد اللي تبينها تصرف عليك
سامحيني لو قسيت عليك
لكن انتبهي الف مره تنتقمين من نفسك انتقاما لاشياء صارت لك في بلدك
واعرفي ان الدنيا شقاء وكبد
وخليك مع الله الله اللي بيرزقك واختاري رضا ربي اولا واخيرا
وبالتوفيق يااختي