صدقتي يا اخت وش اختار
انا اعتز بمنطقتي لكن الحق ينقال
اواحد يفكر بعقل
عرض للطباعة
صدقتي يا اخت وش اختار
انا اعتز بمنطقتي لكن الحق ينقال
اواحد يفكر بعقل
الا انت اسكت يالي ما تحترم ديرتك
صرفت عليك الين صرت اجعث الكتفين
وصارت كرشتك ترج من كثر النعمه وتستحقرها
شفت شهادتك هاذي بلها واشرب مويتها اذا بدأت تتمرد
قال ايش بمنهج علمي انت باقي مستجد وتكوك
تتنفس تقيم دولة من ضمن الدول العشرين الكبرى
اذا كان على الميزانيات فصدقني ما راحت بعيد
واذا ما كنت تدري ترا الحرب بتقوم وبدل ما تحطها الدولة
في جيبك وتروح تشتري برجر ولا سماعات دي جي نشتري بها سلاح ندافع
فيها عن ارضنا ....
للاسف بدل ما تدعم ديرتك تقوم تذمها هذا جزاء الخير
اللي عملته فيك ... والله انك لا ناكر جميل يا الخبير الإك تصادي .
الله ثم المليك ثم الوطن .
http://www.mbt3th.us/vb/imgcache/72674.png
الحمدلله ديرتنا ماقصرت بنواحي كثيره بس فيه نواحي اسمح لي الي فوق ياكل الي تحت وبكل مكان فيه حسنات وعيوب حتى لو ديرتك بها الزين والشين ولو احنا لقينا وظايف تستحقها درجاتنا او حتى اقل من مستوانا التعليمي تسترنا مادورنا العلم بامريكا وطلعنا بعثات وهالبعثات من طويل العمر ابو متعب
هو مايقصر والله لكن مستحيل يكون له علم بكل شي يدور بالبلد
فيه بطانه ماسكه كثير امور وحايسه الناس حوس ولا الي يوصله مايرجع خايب بإذن الله
ومع هذا
الامريكي يعيش بالسعوديه ومحد يفتح فمه عليه وراتبه يصفق الالاف المؤلفه عن السعودي الي كد وتعب وتعلم للدكتوراه بس لانه امريكي ويكفي انه ماله فيزا يسافر جميع دول العالم بجوازه بس
على عكس السعودي هناك ماكل هوا وفيزا وخرابيط واقل غلطه شاتوه لديرته
تخربط على مين ياعمي ترا الامريكي يدخل ويعيش بالسعوديه بدون اقامه زي باقي الناس بس جواز احمر يكفي
ماحد قال وطننا مانعتز فيه لا والله الحمدلله على راسي من فوق
وسعوديين اصليين اب عن جد عن سابع جد
بس كل هالكلام مايوكل عيش
مجموعة شباب متقدمين لادارة التعليم بأحد المناطق ماراح اذكر اسمها
اكثرهم كفاءه عاليه بس اخذوا الي شهادته من امريكا وهو مامعه غير بكالريوس ولغه وسحبوا السيفون على الي معاهم ماستر وشهادات ملي الملف وهالكلام مو من راسي ولا قيل وقال من مصادر موثوقه
رد الاخ KAKA
واحد من الاسباب الي تدفع المهجنين على قولتك بالشعور بعدم الائنتماء.
ارض فيها امي و ابي هي بلدي
انت مو تفهمني انت انتكلم عن شي محدد
انا معتز بارضي 100 %
بس اتكلم عن كل موضوع على حدا مو اذا عجبك شي صار كله حلو
الصح صح والخطا خطا
كلامك هذا كله يدل على عدم فهمك للموضوع من أساسه وتناطح عجيب في اطرافه
+
وردي بكل بساطة للجزء الثاني من حديثك أنه حتى الأمريكان متخرجين من اعرق الجامعات
ويشتغلون سواقين وموزعين طلبات وكاشير في ماك وبعضهم عاطل باطل وفي بعض الأحيان يشتغل موزع دي جي لطقاقة امريكية... واليوم الثاني تلاقينهم يجرون في الشوارعين رافعين
لافتات آآآآآآآآآآآين هكوكنا نبغى وززيفه ياليت صحن كبده وقاروره بيره بارده جيعانين .
للأسف مقارنتك كانت في غير محلها وانا استويحت منها وكأن لسانك يقول استخرج الأخطاء العشره .
قل قسم هههههه انا قلت طلع الاخطاء العشره
الظاهر اول جمله قلتها ماشفتها
قلت بكل مكان الزين والشين ادري بس قلت بعض الامور الي جووووا البلد ماعلي من برااا ماهمني حوا السعوديه الامريكي له افضليه على السعودي بكثير امور
مقارنة بنفس الموضوع بأمريكا
يعني لاتخبص الموضوع على بعض
وانا مو متناضه ابد بكلامي
اشرحه لك بالتفصيل علشان تفهمني
1 _ انتم تحكون عن دوله مو شخص
2- الشخص الاول بالدوله ابو متعب ( مايقصر ابد ) وعلى راسي
3-عدد كبير من البطانه عاثيه بالبلد فساد وضياع حقوق يكفيييك بالوظايف لازم فيتامين واو ولا اقلب وجهك انت وشهايدك كلها يعني تتوقع ااولى على دفعتي ومعاي حاسب ودورات انجليزي مو بطاله و و و وش اعد وش اخلي
لدراسه الماجستير بجامعة الملك سعود والملك عبدالعزيز ماترشحت حتى ترشيح ؟؟؟؟؟ طيب اسمي يطلع مع الي يبون يقابلونهم ياناس اقل شي ؟؟؟ لاتقبلوني اعطوني امل
لا صديقتي نفس القسم تقديرها جيدجدا بالنص لاعالي ولا نازل 83 ولا معاها حاسب ولا اي سي دي ال مثلي وترشحت وقابلوها وانقبلت كيف سبحان الله (( يمكن كانوا بختارون بالقرعه يومها ولا حقره بقره
طبعا لاتلف الموضوع كله على هالمثاااال انا قلته مثال عن البطانات الفاسده
لو كان فيه ضمير بكل البطانات كان البلد فوووووق حتى امريكا
4- مميزات الامريكي بكل دوله تخليه افضل من السعودي بالمقارنه عند نفس الدول
5- لو من صار بمنصب هينا راعى مراقبة الله له كان كللللللللللللل الشعب السعودي مافكر يطلع وكان الامريكان نفسهم يجون عندنا يدورون الدراسات والعلم والعمــل
الدوله تجنن الديره هواها لحاله يرد الروح واللمك وبعض مسانديه وبطانته فيهم كل الخير
لكن الشر يعم كالعاده والشعب اكثره متمرط هينا لاتقيس على نفسك
والله ان عندنا بنفس الحاره ناس ساكنه بصنادق حديد لاتقول مافيه مشاريع اسكان فييييه بس مدري من الي سكنها وهالضعوف لازالو ينتظرون الدور الي لاماتوا جاهم
احب ديرتي واعتز بها لكن مثل ماقلت لك فيه بطانه فاسده مخربه على الباقيين حياتهم وما اريد اتطرق اكثر بالموضوع لان فيه امور اكبر من اني اكتبها بمنتدى
خلها بالقلب تجرح ولا للناس تفضح
بعد الخلط والمزج وتعريض الموضوع للشمس
خرجنا بالآتي
اولاً مشكلة البطالة مشتركه دولياً
ثانياً الفقر موجود حتى الدول اللي لو تحكين جدار طاح منها هلل
ثالثاً انا تكلمت بخصوص ما يتعلق بالوطنية ولم آتي بسيرة العطاله
رابعاً الارزاق بيد الله يعطيها لمن يشاء .
خامساً الدولة سعت لإرسال ابنائها للدراسة والعلم والتطوير وقله منهم
رجع وهو متعلم الربع الأول صاير مدمن الربع الثاني صاير حبيب وعاشق
والربع الثالث ما يدري وين الله حاطه وكان مفكر طول المده الي قضاها انه كانت في درة العروس .
خامساً انا ملسم والأمريكي مسيحي وحسابها كان بالأكثرية
سادساً انا لا اقدر الماده والأمريكي يقدر الماده ومستعد يبع جدته قطع غيار
سابعاً صحيح فيه اخطاء ولكن كل الأمور تعالج بشكل تدريجي وهناك فرق بين البارحة واليوم.
وثامنناً ما عندي مشكلة اعيش فقير لأنه هذا ما قدره الله لي واذا احسست بالآلم
اتذكر بأن خير البشرية ومعظم انبياء الله كانوا فقراء .
تاسعاً كل ما بدر مني هو من باب القناعه التامة .
عاشراً لو سمح الله الدولة اخطأت بحقي هذا ييعني اني لن ابيعه بل ادعوا ربي
ان يرفع هذا الظلم سواء كان مقصوداً او غيره .
وأخيراً واسمحيلي ان الكلام الذي كتبتيه كان بحبر العاطفة الألكتروني وهذا واضح من ميلك
للدفاع ومره للهجوم .
تمنياتي لك بحياة سعيده .
قال وطن قال ياخي اذا عايش بنعمة والدولة صارفة عليك حسوو بغيركم هالضعوف ماللين كل مكان
لانكم ماتشووفون اللي ناس مثلكم وفيكم
بس هالمساكين الفقارى اللي بكل مكان ياربي يكسرون الخاطر
وحنا بعد ليش جينا عالبعثة الا نبي راتب ودراسة احسن من حنا عاطلين في بيوت اهلنا
كل من زاركم قال ماحصلتي وظيفة ماحصلتي زوج ماحصلتي مدري ايش يطلعونك كنك حشرة
خليك منطقي ياخي وحس بغيرك وبالنهاية كلنا بنموت وقبورنا بالارض
بس الواحد يعيش عمره ويخلي عنه الفلسفة اللي مالها سنع
لجميع المتذمرين من الديره في هذا المنتدى لن اهمس في اذانهم
ولكن اصيح واقول مالحد منه .
YouTube - ‫ظ…ط§ظ„ط*ط¯ ظ…ظ†ظ‡.... ط§ظ„ظ„ظ‡ ط§ظ„ظٹ ط¹ط²ظ†ط§‬‎