للأسف هذا اللي حاصل
شكرآ زارا
عرض للطباعة
والله من حقك تسوي كذا فيه ناس تمادوى
لكن لا تعطيهم اكبر من حجمه لانه مايستاهل رد منك لانك اعلى مستوا منه
وهؤلاء شواذ في مجتمعنا
والله يرعى السعوديـــــــــــــــــــــــــة ويحفظ ملكنا ابو متعب واهلها الـــطيـــبين
مع احترامي لوطنيتك لو كل شخص سوا اللي تسويه كان السعوديه ترجع لـ ورا ماتطور
هاذي مشكلة الشعب والفكر الرجعي
ملاحظه :- لاتعتبر الرد شخصي .. بالعكس مجرد رد مواطن غيور يدافع عن وطنه
الله يسهل امورك ياkaka ..انت فتحت باب في المنتدي ..وحاب اتكلم عن نفسي وعن بعض الطلاب اللي مثل حالتي ..حنا لانكره الوطن اللي تربنا فيها وجداتنا عاشوا في هذه الوطن على خبز وتمر وحليب ..عاشو على المره والحلوه في هذه الوطن الغالي علينا .وعندما اكتشف البترول وتحولنا من فقراء الى اغنياء ولكن مع الاسف بعض المواطنيين اغنياء امام الدول العالم ولكن الحقيقة فقراء تحت الصفر .واتكلم عن نفسي محكوم علينا ناكل ونشرب فقط ولا نطالب بااااقل حقوقنا ولاننظر للمستقبل هذه وجهة نظر كل المسئولين بالدوله والوزراء ؟؟ انا اكره كل مسئول مايخاف الله وكل وزير ينظر لمصلحة الخاصة ..الملك عبدالله ملك القلوب ماقصر مع المواطنيين حتى مع الدول العربية واخر تبرعاتة الاسبوع الماضي مليار ريال لمشروع مستشفي بجامعة الخليج بالبحرين للطلاب الامتياز .حتى الفنان الغنائي العراقي ماجد المهندس ماقصر معه حصل على الجنسية السعودية بعد مشاركتة بالجنادرية وكم مليون وضع في حسابة . .. ولكن المشكله ياخوي كاكا الفساد الاداري من الوزراء والمسئولين بالدولة ولا احد يقدر يحاسبهم الا رب العالمين.. هم سبب البطاله وسبب بعض الطلاب المتعثرين في البعثة علما بان البعثة من حق كل مواطن ولكن مع الاسف الشديد الوزير والدكتور الموسى الله لايسامحهم وضعوا انظمة ضد ابناء الوطن الطلاب اللي على حسابهم الخاص .ولا تلوم اي طالب اذا اسيئ للوطن بسبب الفساد الاداري ولكن هذه المواطن ثق تماما عند الشدة يدافع عن الدين والوطن والمليك بكل مايملك .. وتحياتي لك على هذه الموضوع وجعل الله يسهل امورك ويرزقك بمليون ريال تحسن فيها وضعك قول اميين
لآتنقهر ولآشي كل وآحد يعمل بـ أصله :p
888
عَزَّ الله مآسلمتْ من الإنتقآدآتْ :D
شُكراً لكْ }~
خمسين مليووووون مره وحده
ههههههههههههههه
والله يانواف اتفق معاك 100%
وادري انه فيه فساد اداري مو طبيعي
لا وازيدك من الشعر بيت
فيه ظلم وغش تجاري وغلا اسعار لايتوافق مع دخل الفرد العادي في المجتمع
واعرف انه قربنا نصير طبقتين غنيه وفقيره
ولكن هل ولي الامر قصر!!هل يعلم!!هل سن قوانين جديده ضد الشعب
بالطبع لالالا
بالعكس فتح باب الابتعاث الخارجي
فتح جامعة الملك عبدالله
افتتح مدينة الملك عبدالله الصناعيه
حاسب المقصرين وآخرها في سيول جده
بس الوضع يانواف تغير مو زي اول كل شي جاهز ومتوفر
لا غلطان الدنيا كلها تغيرت صرنا في زمن السرعه,,زمن اخدم نفسك بنفسك
حارب من اجل نفسك اتعب اشقى طور نفسك تحرك ابذل قصارى جهدك
وانا خوك قالوها الاولين اللي مايكل بيده مايشبع
بلدنا بلد خير بس للي يتحرك خاصآ في القطاع الخاص
الان زمن الانجاز والاعجاز والابتكار
اجعل نفسك مطلوب في القطاع الخاص والحكومي
بذكائك وشهاداتك وانتاجك ومدى تفانيك في عملك واترك الباقي للخالق الواحد الاحد
الله يوفقك وييسر امرك وينور بصيرتك وينولك مرادك ومبتغاك
شااااكر لمرورك
أقول لكم حاجه
أنا عسكري ومعي مجموعه من الأمريكان عدد ستة أشخاص وأديرهم كلهم راتب الواحد منهم 5 أضعاف راتبي
والعمل نفسه بالضبط اللي يعملونه أعمله اللهم إنه لو طلب إجازه في الوقت اللي يبغاه أعطوه وانا إذا هم رايقين أعطوني
وإذا ماهم رايقين مايعطوني لو أحب كوعي إلا في حالة الواسطه.
في هذي الحاله
من اللي يبي الجنسيه الأمريكيه
ومن اللي يبي الجنسيه السعوديه
في السعوديه وبالتحديد المنطقه الشرقيه
في أحد الشركات الكبرى عالميا يعمل إثنين أخوان نفس الشهاده ونفس المؤهل في هذه الشركه
واحد راتبه 48000 ريال سعودي
والثاني راتبه 17000 ريال سعودي
تدرون ليشششششششش
الأول بالجنسيه الألمانيه
والثاني بالجنسيه السعوديه
فأيش رايكم.
ياعسكري انا ماقلت لا مافي عيوب
ليش موب راضين تفهموني,,, والله ياعسكري حاس فيك ومنقهر عليك
وللمعلوميه في البنك الاهلي مهندسين برمجة شبكات سعوديين واجانب,, الاجنبي راتبه ضعف راتب السعودي ويمكن حتى تربل السعودي
مع انهم نفس الشهاده.
انا قصدي انه مهما كان مااسب بلدي واستحقرها وانكر كل شي فعلته من اجلي عشان رزق او عشان موقف او عشان مافيها حريه
خلاص ماعاد تلزمني؛؛
انا كتبت الموضوع هذا بعد مالاحظت انه في بعض المبتعثين بعد ما ابتعثو وشافو الحريه وغرتهم حياة الغرب قام يشتم ويسب في بلده ونسى ان بلده هذي هي اللي خلته يدرس برا وعلى حسابها.
تحياتي لك