الأعضاء الإشتراك و التسجيل

الملتقيات
ADs

حوار العمر الدراسي (( دعوة للأستماع لأرائكم ))

حوار العمر الدراسي (( دعوة للأستماع لأرائكم ))


NOTICE

تنبيه: هذا الموضوع قديم. تم طرحه قبل 2795 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية DeLcAtE
    DeLcAtE

    مبتعث مستجد Freshman Member

    DeLcAtE الولايات المتحدة الأمريكية

    DeLcAtE , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة جامعة واشنطن
    • جامعة واشنطن
    • ادارة اعمال
    • ذكر
    • سياتل, الرياض
    • السعودية
    • Mar 2010
    المزيدl

    April 24th, 2010, 01:46 AM

    اسعد الله اوقاكم بكل خير وصحة واعاننا واياكم على ذكره وشكره ووفقكم لما يحب ويرضى ..

    اعزائي عائلة منتدى مبتعث .. .. يسعدني ويشرفني ان اطرح بين ايديكم هذا الموضوع واحتياجي لارائكم السديده فيما لا يتعارض مع اخلاقنا الاسلاميه وتقاليدنا وعاداتنا . والاختلاف في الرأي لايفسد للود قضيه ..

    الموضوع : الدراسه بعد عمر 28 سنه .
    الوصف : لي صديق عزيز جداً موظف من فتره تتجاوز 6 سنوات في احدى الوظائف ولديه خبره رائعه وهو من حملة الثانويه العامه بالاضافه إلى دبلوم حاسب الي .
    الحوار : صديقي هذا عمره 29 سنه ويرغب بدراسه البكالوريس في امريكا علما بأنه حصل على قبول واموره زينه بس باقي موعد السفاره وقريب جدا . وهو متخوف من ناحيه العمر وانه مايقدر يكمل الدراسه ويرجع !!!

    طبعا الرجال بيقدم استقالته من عمله عشان يقدر يدرس .
    الراتب الشهري : 10000 ريال (( عشره الاف ريال))

    فماذا تنصحون ؟؟

    انا بالنسبه لي انصح وبقوه للدراسه بحكم انه يمتلك خبره يعني لما يرجع بشهاده وخبرته السابقه راح تسهل عليه الوظيفه لانه افضل من الطالب اللي ما معه خبره ..

    وانتظر ارائكم لان الرجال معاي عالماسنجر وانا اكتب هالموضوع واتمنى منكم الأراء ..

    وتقبلو فائق التحيه والتقدير ، ، ، ،
  2. الامر يرجع له شخصيا واذا له رغبة في اكمال دراسته و متحمس وما اتوقع العمر يوقف الواحد عن الدراسة

    لان اهم شئ رغبة و حماسه ويشوف نفسه يقدر ع الشئ ولا لا وان شاء الله اذا بغى يكمل يجيب البكالوريوس

    والله يوفقه ويوفقنا وياه وكل المسلمين
    7 "
  3. انا راي مثل رايك .. يكمل .. والعمر ماهو قضية . . والخبره وحدها لا تكفي لوظيفه مرموقه وهذا شي اكيد هو عارفه . .

    كم واحد مره عليه في عمله . . . اصغير منه عمر واقل منه خبره وترقى وصار فوق مديره . .

    وبالمناسبه .. لي صديق كان عسكري في الدفاع المدني راتبه يمكن مايوصل 7 الاف وخدمه 8 سنين . . طلع وكمل دراسته بعد الثانوي

    والحين ماشاء الله.. .. وراتب ممتاز وظيفه ممتازه في اكبر الشركات . . وبين ليلة وضحها يبدل الله من حال ٍ الي حال ..

    يستخير وويستخير ويتوكل على الله ..

    موفق
    7 "
  4. تبي الصراحه انا ماانصحه يطلع



    هو حلو انه الواحد يكون عنده طموح وتطلعات للمستقبل

    بس صدقني اللي عند صديقك مو اقل من حماس موقت لما شاف الكل طالع ويدرس وهو محلك سر

    لكن لما يجي هنا ويشوف الامر جد راح يلوم نفسه ويقول انا وش جابني

    خله يفكر الحين بالعقل وويوزن الامور يعني يحسب حساب العمر والوقت ووضعه الحين ووضعه لما يرجع

    يعني يحسب حساب العمر الحين هو عمره ٢٨ يعني يبي له سنه لغه هـذا اذا ما مدد بعد
    و خمس اسنين بكالوريس يعني لما يرجع راح يكون عمره ٣٣

    وطبعا اغلب الوظايف راح يشترطون العمر

    وحتي ترا مستوي استيعابه ماراح يكون زي اللي معه

    آنا الاحظ هذا الشي لما كنا في مرحله اللغه

    الاحظ انه الناس اللي يجون يحضرون الدكتوراه واعمارهم مثلا في الاربعينات مايستوعبون بنفس مستوي الطلاب اللي اعمارهم ١٩ او ١٨

    ودايم حقين البكالوريس اللي من ١٨ و ١٩ سريعين في الحفظ و الفهم

    وغير كذا هو راتبه الحين ١٠ الاف تتوقع لما يرجع بالبكالوريس راح ياخذ اكثر من ١٠ الاف صدقني لا

    انا ماستر وراتبي ماراح يتعدي ١٠ الاف

    صدقني احيانا الشركات تفضل الخبره علي الشهاده

    انا انصح صاحبك مايطلع و يمسك ووظيفته احسن له

    واذا مره مصصم ياخد لغه ويرجع السنين اللي يبي يقضيها بالبكالوريس لو يقضيها بشغله بتنضاف له كخبره و بيترق احسن من انه يجيب فيها شهاده
    اتمني له التوفيق
    7 "
  5. لالالا اسمحولي من ناحية العمر مافي عمر محدد للعلم

    مر علي بحياتي وحده منالناس كانت تدرس معانا بالكليه هي وبنها بنفس القسم يعني كلهم سوا يوم كنا بثالث معانا !!

    مع الحكي والسواليف قالت امي تزوجت صغيره مامعها غير ابتدائي

    ويوم جابتنا حنت للدراسه وكانت خايفه من العمر وكانت وقتها حرمه كبيره والله شفتها بعيوني اقل شي اعطيها فوق ال45

    كملت متوسط وثانوي منازل

    والحين يوم وصلت الكليه صارت معاي <<هذا حكي بنتها

    وماشاء الله تبارك الله تخرجت الام وتعينت وصارت مدرسه وبنتها جالسه لأن نسبتها ماتأهلها مافي شي اسمه عمر للطموح


    الطموح الطموح قلب ينبض قلب حي لسى ماشاب


    بعدين عمره مو مره كبييير نقول لا احمد ربك وارضى بنصيبك واجلس

    بسسسسس من ناحية العمر الوظيفي هذا شي ثاني انا مالي علم كبير فيه

    بس لو مثلا دراسته شي يخص اداره او من هالقبيل ينقبل واحسن عمر لاي مدير اعتقد 35 قمة النضج ومناسب للمركز


    حسب وش وظيفته وايش يبي يدرس وايش يطمح له؟؟؟

    المهم الاستخاره يشاور ربه وان شاء الله الله يختار له المناسب وييسر امره للاحسن له حتى لو كان الاحسن انه بيظل على وظيفته


    بس كل هالامور حسب وين يشتغل وايش نظام دوامه وايش يبي يدرس مثل ماقلت والايش يطمح ... وسوق العمل طبعا


    والله يوفقه يارب
    7 "
  6. طبعـــاً مجرد رأي ..

    راتبة ممتاز حرام يفرط فيه .. ممكن يكمل انتساب بالسعوديــــــة و إذا حب ياخذ لغة ممكن ياخذ اجازة

    وكلام أختي دانـــــــه صحيح عن الوظائف والعمر المحدد ؛ لأن لي باع طويل بمواضيع الوظائف

    بالتوفيق لك ولصاحبك ..

    تحيتي أختك ع ــــــاطلة
    7 "
  7. اخي الكريم
    انا اعرف شخصيا صديق كمل دراسة الثانوية بعد سن 25 نظام ليلي وهو يعمل عسكري بالجوازات وبعدها اصر يكمل دراسته عن طريق الانتساب بجامعة الملك عبدالعزيز وحصل منها على البكالورويس وعمره 33 وبعدها حصل الماجتسير من جامعة نايف وعمره وقتها تجاوز 37 عام وبعدها ابتعث الى بريطانيا لدراسة الدكتوراه وعمره فوق الاربعين وخلص دراسة اللغة وحاليا بمرحلة الدراسة الاكاديمية للدكتوراه وفي ارقى جامعات العالم وهي جامعة مانشستر

    حاله اخرى لكن لا اعرف قصتها بالتفصيل ولكن ساذكرها باختصار
    امراة تزوجت قبل 22 سنة وعمرها 16 سنة وكانت وقتها حاصله شهادة المتوسطة والآن تدرس الدكتوراة بنفس جامعة صديقي الذي ذكرت قصته قبل وهي جامعة مانشستر وكذلك ابنها الكبير يدرس بنفس الجامعة مرحله البكالوريوس

    باأختصار العزيمة والهمة تتفوق على كل الحواجز والعراقيل
    7 "
  8. أنا أستقلت من عملي
    وعمري 30
    وكان راتبي أكثرمن 10 آلاف
    وكنت مستلم سيارتين ولله الحمد



    وكان من أهم أسباب الإستقالة
    رفض وزارة الخدمة تسجيل مؤهل الماجستير
    وطبيعة عملي كانت مرررة سيئة ومتعبة

    مايهم التعب الأهم تعذيب الناس



    عموما موضوع خويك مرررررررررررة محير


    إنصحه بالإستخارة حتى يميل قلبه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.