امريكاا وش سالفتها والتعقيد اللي من قبول وغيره افيدوني ؟
السلام عليكم
كيفكم يا اخوان
لو تكرمتوا بغيت استفسر عن الدراسه بامريكا بشكل عام
وش الصعوبات اللي تواجه كل طالب يبي يروح امريكا .. ماخذ فكره ان الشغله معقده غير اي دوله ثانيه
مثلا وش الاختبارات المطلوبه واذا ممكن نبذه لو سطر عن كل اختبار وهل نسبة كبيره من الجامعات تطلب هالاختبارات .. مشاكل السفاره .. قبولات الجامعه وهل الجامعات ممتازه؟
بالمناسبه انا معيد بالجامعه من كلية الكمبيوتر وعندي بعثه للماستر والدكتواره مع سنة لغة واليوم
كنت اسولف مع دكتور صديق يقلي لو يحصل لك قبول بجامعه قووويه امريكيه رووح حتى لو تحضرر
الماجستير والدكتوراه من السجن :D
حمسني بصراحه والان افكرر ارووح فيا ريت ترفعون من المعنوياات شووي عندي .
رد: امريكاا وش سالفتها والتعقيد اللي من قبول وغيره افيدوني ؟
وعليكم السلام والله شوف كثيييييييير خوفوني من امريكا وجاتني فرصة التحويل لغيرها .. بس انا قلت يا امريكا يا لا :D << متحمسه بزياده انت خلك على المثل اللي يقول : امشي عدل يحتار عدوك فيك عندك الملحقيه تعقد اهلك << حسب ما سمعت .. يعني يطفشون اللي ما يطفش بس يقولون ان الوضع الحين بيتغير وبيعينون لكل 100 طالب مشرف بالنسبه للاختبارت حسب التخصص وحسب الجامعه يعني التوفل بطلوب لجميع التخصصات بس عندك جامعات مثلا اذا درست بالمعهد التابع للجامعه ووصلت للفل معين يقول لك خلاص ادخل الجامعه ويضرب لك سلام بعد في اختبار الـgre واختبار الـ gemat وهذولي برضوا يعتمدون على التخصص والجامعه والدرجه المطلوبه تختلف من جامعه لثانيه وفي مواضيع كثيييييير تتكلم عنها .. بس كون اني لسا ما خضت التجربه فما اقدر اتفلسف من راسي يقولون << لا حظ يقولون من التجارب السابقه ان الدراسه بامريكا حلوه وتطلع منها بفائده اكثر من اي دوله ثانيه وعلى قولهم يكفي انك خريج امريكا بس الحلو ما يكملش وكل شي له ضريبه اقتباس:
يقلي لو يحصل لك قبول بجامعه قووويه امريكيه رووح حتى لو تحضرر
الماجستير والدكتوراه من السجن :D
جعلي ما درست اذا بتصير دراستي من السجن وبالتوفيق اخوي
رد: امريكاا وش سالفتها والتعقيد اللي من قبول وغيره افيدوني ؟
مشكووره يالغلا .. ردك روعه وحتى لو كله يقولون.
ياليت اشوف اكثر من رد يااخوان.. وبالنسبه للسفاره هل تطول اجرأءتها؟