معدلي مقبول ،، وأريد قبول [ ماستر ] من [ أمريكا ]

اخوي انا معدلي مقبول وجبت قبول من جامعة ميدل تينسي ستيت .. ماادري اذا تقصد ان هذي موقفه من الوزارة ؟

لاني دخلت موقع الوزارة وحصلتها مفتوحه عادي

وبالتوفيق لك ان شاالله

الجامعه الي موقوفه على قولتكم اتوقع جامعة مارتن تينيسي مع ان فيه ناس جايه بعد شهر ونا فيها فيها كثافة سعوديين وكني في معهد النيو هرايزن بس بنسبه لقبول الجامعاة للي معدله مقبول بيلقى جامعة تقبله بس الله يعينه يبيله صبر ولغه علشان يراسل الجامعاة وبيتخير الي جامعه اهم شي لا تيأس والله يوفق الجميع

انا لقيت بتنسي _ مارتن

تتوقعون القى قبول بفلوريدا و معدلي البكالويوس مقبول

صدقني اخوي راح تلقى قبول بامريكا و راح تتذكر كلامي بس انت تعامل مع مكتب وخله هو يدبرك .

وبتوفيق للجميع

اخوي ممكن اقولك شي احد قريب لي سوا ذي الحركه بس شوف تعجبك ولا لا ...انتى الانا معاك لغه كويسه يعني تمسي حالك بحالك هذا اولا ثانيا ادخل على المواقع وشوف الجامعات الي معتمده من قبلنا في امريكا وتاخذ معدلات مقبول ونشلك على كم جامعه حاول انها تكون القريبه الولايات من بعض عشان مت كلف عليك التنقل من ولايه لا ولايه ثالثا سوي موعد مع السفاره فيزه سياحه اوكي وذا احت الفيزا روح امريكا والجامعات الي حددتها تبي القبول فيها وروح قدم وذا قبلوك نشا الله بعطونك الايتوني ورجع السعوديه على خير ان شا الله وسوي موعد مع السفاره بانها فيزه دراسه بس لازم يكون معاك الايتوني وكشف حساب عشان لازم يدخلونك معهد في البدايه ولازم يضمنون فلوسهم انتى عندك فلوس تكفي ولا لا المهم تدخل على موقع السفاره وتشوف الشروط وحاول تدبرها وذا جتك الفيزا روح والله يوفقط بس لازم تروح على وشنطن عشان الملحقيه حشان يضمونك من البعثه وتسير تبع الدول ....والله يوفق الجميع وتمنى اني افدتك بشي

مشكوووووووووووووور

ماهو افضل مكتب للتقديم؟

راسلني على الياهو
warner1600

اللـــه يوفقـــك يــآرب ولاتيــأس.. كثير طلاب معدلاتهم مقبول وانقبـلوا وتخرجوا السنة اللي راحت والحين موظفين بالسعودية وانا اعرفهم شخصيــآ ..

بالتوفيـــق ..

اذا تعرفيهم شخصيا على قولتك اسأليهم عن أسماء الجامعات واكتبيها علشان اخونا يراسلهم

يااخوان لا احد يقوم يرفع والثاني يخفض

انا نفس اخونا صاحب الموضوع بكالريوس لغة انجليزية ومقبول وجيت هنا في امريكا لي ستة اشهر على البعثة بعد تدبيرق بول مشروط من جامعة في كاليفورنيا عن طريق احد الشباب وفقه الله والجامعة اسمها كاليفورنيا شيكو ستيت او زي كذا

المهم جيت هنا لي ثمانية اشهر الحين قدمت على اكثر من ثلاثين جامعة كلهم يطلبون توفل او ايلتس ماينظرون لشهادتك من السعودية بريال حتى بعد المعادلة وايضا بعض الجامعات تطلب جي اري اي عشان انخفضا المعدل

واخرها اليوم جاني رد من جامعة بيحاولون يعطوني قبول مشروط بشرط اني ادخل المعهد عندهم واجيب الجي اري وايضا اعدي في مواد انديرقرادويت بدرجة طيبة


فانصحك اخوي من الحين لا تنطلع من السعودية الا لاقي جامعة تعطيك قبول مشروط ويوكون فيها معهد تخلصه وتدخل تخصصك على طول بدون توفل لانالتوفل تراه صعب وانا دخلته اكثر من خمس مرات ولا عديت 50 فلا تضيع وقتك

او انك تجي على معهد ال اي الس لانك اذا خلصته يعطونك شهادة تقبلك بها الكثير من الجامعات ويعفونك من التوفل

فلا احد يوهق الرجال وان لقيت مكتب تثق فيه فلا تتردد وانتبه من الاخطاء اللي وقعنا فيها

اما اليي يقول تعال امريكا وتقدم فاقوله انت مانت صاحي كم التذكرة وكم المصاريف ياخي يعطيها مكتب ويرتاح ويصبر

بالنسبة لمقولة تعال وكلمهم وزن عليهم مافيه احد بازن مني على المسئولين ولا طلعت بنتيجة اول ماجيت ماخليت جامعة الا وطمرت لها ولكن مايتعاملون الا بالنظام وهذا الشي صار في السنة الاخيرة يعني الامور السهالات تغيرت وهذا كلام زملاء لي سابقين يعرفون وضعي

ولكن اكثر من الاستغفار وابذل الاسباب والله يعينك
ولكن نصيحتي خذاها وحطها في بالك تعال الى جامعة ومعهدها فيها ابرك لك واريح لك ولا تحاول تغير