ودي اسئل لين مايبقى سؤال &&ممكن؟؟؟

April 22nd, 2007, 07:03 PM

تحية عطرة مني لكم

الحمد لله وصلت بطاقة الفيزا وانشاء الله بكره ببدأ اعبي استمارات السفاره وطبعا انا عملت جولة عالمواضيع المطروحة بخصوص هالموضع قسم فهمته وقسم منه ماقدرت استوعبة وسبب لي لخبطة من اختلاف الاجوبة ومريت بعد عالاستمارات المترجمة وبصراحة اسئلتهم تطفششششششششش جداوماناقص إلى يسئلون وش تاكل ؟؟؟متى تنام ؟؟ متى تقعد من النومة ؟؟؟يعني من جد اسئله سخيفة وقديمة مر عليها الدهر ومالها ايجابات اصلا يعني لازم تطلع اوراقك القديمة عشان تجاوبهم والله حاله ولاني مثل ماقلت بعبي الاستمارات وماودي تكون فيها اغلاط ابي منكم المساعدة في كم سؤالعاد الله يعينكم يمكن تكون الاسئله مغبرة وتافه بس والله اني متلخبطة وموعارفة ايش اسوي وتعرفون هالتافة هاذي لازم تكون صحيحة)
س1: اي الاستمارات الي اعبيها انا كمبتعثة واخي كمرافق؟؟واي منهايحتاج لطباعة؟؟ وايش نوع الفيزا الي اختارها لاخوي f2 ولا سياحية لان هو بيقعد معاي فتره بسيطة بس لين مايخلص اخوي المرافق الاساسي من امتحاناته وبيلحقني و هو وده انه يستفيد بهالفتره عالاقل ياخذله لغه ويرجع بالعلم انه ماعنده لا قبول ولا شي؟؟

انا اعبي 156 و158 و اخي المرافق 156و157 واللي يحتاج طباعة هو 156 لي وله فهل هالمعلومة صحيحة امشي عليها ولا لا؟؟؟

س2:هل يجب تعبئةالاستمارة بE لان في اجوبة صعب انك تترجمها ؟؟ولو صار في اخطاء بالسبلنق عادي يقبلونها(مثلا ا لمعلومات عنالمدارس والمعاهد ال التحقت فيها قبل الابتدائية العنوان والتاريخ. والخبرات العملية ،متى شتغلت ؟؟ وين؟؟.....الخ )صعب انك تترجمها.

س3:هل يجب الاجابة على كل الاسئلة (بصراحة ماقدر اجاوب عليها كلها ) ؟؟؟ولو ماعرفت اجابة بعضها ايش اكتب ؟؟هل اكتب none مثل مايقولون ولا شلون؟؟؟

س4:في سؤال الوظيفة الحالية (مستقيل -طالب-منفصل )ايش اكتب؟؟للمعلومية انا بعدي بالوظيفة .

س5 متى ادفع ل54 بعد تعبئة الاستمارات ولا قبل متى بالضبط وين المكان الخاص بالدفع؟؟

س6 اعبي كل استماره لحال بعدين اطبعها ولا اعبيهم اول وبعدين اطبع.(ادري ماناقص الى اقولكم عبوههم لي واخلص؟؟؟؟ههههههههه هههههه بس والله كان زين تفكون لي ازمة وكل واحد له 500 ريال بس ابي الطريقه الاحسن ؟

س7 وانشاء الله الاخير اسددالسيفس قبل ولا اعبي الاستمارات ؟؟

شفتو هاذي اول نقزه لي ومليانة اسئله بس الله يطلعني من الاستمارات بالسلامة وبجيكم بتسديد السيفس بس اكيد اني بقرأ عنه قبل ولو ماعرفت عاد تحملوني معليش ستوب شوي!!!!!:105: توني بقول مع السلامة الى نقز لي سؤال واتوقع انه الاخير وهو :اعبي الاستمارات وعلى طول احجز موعد ؟؟ وبأي صفحة راح يكون ؟؟

والله اني تعبت من الاسئلة والكتابة والله يعينكم عالرد ولي بجاوبني بدعيله بطولة العمر عشان يجاوبني >>>مصلحجية مو؟؟لا بس امزح بدعيلكم كلكم حتى لو ماحد رد علي يكفي اني عرفت اهم الامور منكم والله يعطيكم العافيه والحين صجججج باي واشوفكم على خير.

• نشر عبر تويتر
• نشر عبر فيسبوك
• نشر عبر جوجل