الأعضاء الإشتراك و التسجيل

الملتقيات
ADs

قصتي مع البعثه والكليه التقنيه

قصتي مع البعثه والكليه التقنيه


NOTICE

تنبيه: هذا الموضوع قديم. تم طرحه قبل 2816 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية brovdj
    brovdj

    مبتعث فعال Active Member

    brovdj الولايات المتحدة الأمريكية

    brovdj , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى هندسة , بجامعة كلية التقنية
    • كلية التقنية
    • هندسة
    • ذكر
    • الرياض, الرياض
    • السعودية
    • Oct 2009
    المزيدl

    May 10th, 2010, 09:45 AM

    بسم الله الرحمن الرحيم



    راح اقولكم قصتي مع وزارة التعليم العالي ومع احلى المواقف الي مريت فيها اليكم القصه ..



    القصة بدأة في عام 1428هـ حيث اني كنت في ثالث ثانوي وكنت ناوي اني ابتعث الى الخارج لأكمال الهندسه المهم جاء يوم ورحت لم وزارة التعليم العالي وكان في الناصريه المهم سألت عن مسؤل البعثات وكان المسؤول هو ال شيخ المهم سلمت عليه


    انا : السلام عليكم

    ال شيخ : وعليكم السلام

    انا : حبيت اسألك عن الابتعاث الخارجي وش المطلوب

    ال شيخ : انت الحين تخرجت من ثانوي

    انا : لا

    ال شيخ : تولم العصبه قبل الفلقه

    انا : لا بس حبيت اسأل عشان اعرف النظام

    ال شيخ : لم يرد

    فعطاني ظهره فطلعت وانا مبب مقفله معي الاخلاق فمرة الايام وتخرجت من الثانوي ورحت مره ثانيه للوزارة وقالي الموظف التقديم عن النت سألت متى قال انتهاء قلت انتها معقوله

    دريت ان حظي عاثر فقلت ياولد تعوذ من ابليس واقظب ارضك قدمت على الكليه التقنيه المهم قبولني

    وانا في بالي انا طالب جامعي المهم انصدمت من اول يوم جيت فيه الكليه من نظام تعبان وعينه من الطلاب ليس بسيئه السئيه

    ومن ضمن المواقف الي مريت فيها ان طالب معاي في الشعبه جلس يكتب على جدار الفصل وطبعا انا ماهتملته المهم دخل الدكتور سأل منهوا الي كتب وقال كل واحد يطلع ورقه ويكتب اسم المهم طالعت ورقة وكتب لا اعرف فهذا الطلاب من عقليته ومرضة النفسي يحسبني اكتب عليه فجاء قال انت كتبت اسمي قلت نعم اعرفك انا قال انت كتبت اسمي قلت توكل فجاء طالب وقال انا شايف ورقته ماكتب شئ

    فدريت اني في مجمع المجانين المهم جاء محاضرة وكان فيه دكتور كبير جدا له مكانه واسمه الدكتور مروان الفهاد وهذا اكن له بكل احترام في محاضرته الفيزا وكنت اسأل اسئله خارجة عن المادة

    ومن ضمن الاسئله كانت عن الزئبق وعن السليكون وعن علم الارض ومصدر جاذبيه

    فكان الطلاب مثل العينه التي ذكرتها فكانت تفكر اني اتفسلف وكانت هذه الاسئله لبحث اقوم به وطبعا تعرفون الباقي


    المهم رحت لم مكتبة الكليه ودخلت ادور على كتب عشان البحث مالقيت الكتاب الي اريدة فسألت هذه الكتب الي عندك قال ايه قلت طيب ابي كتاب كذا قال ماعندي قلت وشلون كليه طول بعرض مافيه الا ذي الكتب

    طبعا امين الكليه قالي الصراحة الله يجزاه بالخير قالي شف بقولك الحقيقه احنا مقررنا من مجلس الكليه 100 الف ريال عشان نشتري كتب والين ماعطوناها رح لم العميد وقله قلت طيب انا وش دخلني قال هذا الي عندي قلت مو مشكله ابي اخذ كتابين قال ترهن بطاقة الكليه قلت بطاقة الكليه ليه قال هذا النظام قلت مافي نظام في العالم رهن بطاقة عندك كمبيوتر سجل اسمي واخصم المكافئه قال هذا النظام قلت طيب خل كتابك عندك ومشكورين وماقصرة ,

    رحت لم عميد كليه التقنيه فلما وصلت عند بابه لقيت سكريتر اول وسكرتير ثاني قلت وين العميد قال مو فيه رح لم وكيل الكليه قلت مايخالف

    وادخل على وكيل الكليه والله ثم لقيت سكرتيرين اثنين قلت ابي ادخل على الوكيل قال لك موعد مسبق قلت لا قال لازم تاخذ موعد قلت ليش قال هذا النظام قلت نظام ايش انا داخل على وكيل مبب العميد قال هذا النظام او اكتب قلت مو مشكله عطني ورقة وقلم وكتبة له وطلعت .


    طبعا مرة الايام وجاء دكتور مادة سأل وش رايكم في الكليه انا طبعا قلت نظام تعبان وسردة القصه الي فوق فانتها الوقت وسمع القصه فجاء اخر الفصل وحملت المادة .
    .


    وبعد مرور الايام انهيت البحث وكان لابد من التجربه وابي من ادراة الكليه الدعم والوقوف بجانبي فذهبت الى العميد طبعا مو فيه مادري عميد اسم ولا مادري كيف رحت لم الوكيل طبعا الوكيل لازم موعد فقلت انا ماقدر اجيه الا يوم وقت جدولي مايسمح قال هذا النظام قلت خذ ذي الورقه وصلها له فكتبت في عن بحثي وعن كل شئ
    وكتبة رقم الجوال فقراه وقال راح اوصلها له وندق عليك الى يوم مادق علي !!!!!!!!


    مرة الايام ومازلت طالب مثابر في الكليه فتمزة في الكليه كثر السؤال في المحاظره فكان الدكتور وطلاب ينظرون لي نظره ليست بتمام فقلت ياولد اصبر

    فجاء موعد تخرجي من الكليه وطبعا نظام الكليه اخر فصل لابد من التطبيق قلت يلا نطبق ماورانا شئ فعنوني في الكليه التقنيه معيد في الورش .
    .
    .
    .
    وكان عندي طلاب وكنت اشرح لهم يعني اسم مدرس طبعا الطلاب يقولون وش يبي ذا الصغير يدرسنا بس والله كانت افكاري لهم جيده لدرجة ان الشرح ماينعاد مره ثانيه وان مافهموا طبقناه عملي
    .
    .
    .
    مهم تخرجة من الكليه والله ثم والله ان الكليه لم تعطيني شهادة شكر ولا تقدير اعتبروا على تطبيق ولا اعطوني فلوس ولا شئ فكان ان قال طالب نزلت مكافئه اناظرة واقول في نفسي اشوا اليوم نزلت مابغيت.
    .
    .
    فجيت ابي ابتعث مرة اخرى ذهب لم الوزارة وقلت ابي البعثه وزي كذا قالوا تو مانزلت البعثات موقفه قلت موقفه قال اي قلت الملك جدد المرحلة السادسه فقال انتم كذا ماتفكرون الا في نفسكم في نظام تبي اي استفسار رح الفرع الي في حي الغدير ف قلت طيب يعطيك العافيه
    .
    .

    ورحت هناك وكان ردهم زي رده .............

    وقلت خلني اورح للعطيه فجيت اليوم السبت قالوا مو فيه جيت يوم الاحد قالوا مو فيه جيت يوم الاثنين الا هو فيه قلت الحمدلله المهم قال اكتب معروض عشان يوصله وجيب قبولاتك والفيزا قلت ابشر هذا كل شئ فلما جاء وقت الدخول عليه نادو بأسمي ودخلت عليه فاجيت اتكلم طال عم قال ان شاء الله تتسهل قلت الله يجزاك بالخير طبعا حولنا للبعثات ..
    .
    .
    جاتني رساله من وزارة عزيزي الطلاب نفيدك ان لابد ارسال اوراقك عن طريق الملحق قلت صروفوني
    .
    بعدها دريت ان الامور كذا ماتمشي قلت مالي الا اروح لم الوزير رحت لم الوزير وكان مو فيه لان جلست مجلس الوزراء فقابلت سكريتير الثاني قال سم ولدي وش تبي قلت
    .
    ابي الوزير قال اليوم يمكن يجي يمكن مايجي قلت طيب والحل قال مالك الا تصبر بس ترا اليوم مجلس الوزراء الجلسه حقتهم قلت يعني مبب جاي
    .
    سم امر وش تبي ان كنت اخدمك قلت والله انا تخرجة وابي ابتعث قال ادخل على موقع وان شاء الله نضمك قلت موقع متى بيفتح قال تابع معنا قلت لو اسافر راح تضموني قال والله مادري هذا عند الوزير بس الوزير ماظنتي راح ينفعك قلت ليش لان الوزير ماراح يضم احد ابدا قلت ليه مبب بيده الصلاحيات
    .
    قال ايه بس كثير راحوا هناك وسببوا مشاكل وزي كذا وزير سحب فوق 1000 طالب قلت طيب وش دخلني انا يعني بصير مثلهم قال انهم ماقدروا
    .
    عاد انا قلت خربانه خربانه والله واخربها مع السكرتير قلت العيب مبب في الطلاب فيكم انتم تاخذون الزين والشين فيه ناس يفشلون السعوديه ويفشلون اسم الطالب انسان طول حياته جالس هنا ويطلع على طول هناك في كل شئ مفتوح
    .
    انتم الغلط لو انتم تسوون دورة تدريبيه لطلاب وتعرفون منهوا الجدي ومنهوا الاعب والله ان في فرص راحت ناس مايستاهلونها والله جتني فرصة ودريت ان هذا الطلاب مستحق عني لاتخلى عنها واعطيه ايها
    .
    فقالي الوزير يقول انه فاتح كليات هنا وجامعات والجامعات مستنكره ان ماحد ييجي يسجل فيها قلت الحين وين الجامعات الي تقبل اروح اقدم اي جامعه مايقبلوني يقولون مانقبل كليه التقنيه وكليه تقنيه ماتخرج مهندس مساعد مهندس فقلت وش تبي اسوي
    .
    قال شف والله هذا الامر قله للوزير قلت انا شف مابي وزير انت وصله كلامي لاني قلت الي في خاطري
    ...
    المهم وكان معي طالب وقال انا سافرت لم بريطانيا وجلست فيها ودرسة ولا ضمتوني البعثه وعندي ملف طلاب وش الحل ابي اكمل دراستي قال ان بريطانيا مسكره قال مسكره كيف وان خويي ضميتوه قال عطني اسمه قال ليش قال ان هو الوزير مسكره وقل للوزير
    .
    .

    قلت لذا امش وانا اخوي الحال من بعضه ورحنا عن الوزير

    المهم انهيت كل شئ ورحت لم العطية مره ثانيه والله ياشباب اني بس بقوله طيب هل الملحق راح يضمني بس سؤال
    .
    ماقدرة اكمله ان شاء الله تتسهل يقول قلت طيب وحولني على البعثات طبعا البعثات تعرفون وش الباقي قلت مالي الا ادخل عليه واكلمه واشوف وش قصتهم ذولي
    .

    دخلت على السكرتير حقه وجلست احتري احتري من الساعه 9 الين الساعه 11,30 جاء التفت لى السكرتير رحمني قال وش عندك قلت الدكتور علي ابي اكلمه قال الدكتور مشغول بس امر قلت الحين انا بسافر وش رايك ابيكم تعلمون بتضموني للبعثه ولالا
    .
    .
    قال شف والله ان الامور الحين صعبة والحين حنا مسكربن البعثات مررررره جاي قرار من الوزير قلت وشلون مسكرين البعثات والحين في مرحلة الجايه قال مرره مسكرين البعثات قلت سم
    .
    .

    ..........
    -----------------------------------------------------------------------

    هذه قصتي وكثير من ناس عنده قصه اعظم منها وكثير عانوا

    رساله بقولها

    خافوا الله فينا والله ان احنا عيال البلد

    وكلمة بقوله الي يخدم المملكة العربيه السعوديه فهو لم يخدم الارض انما هويخدم العالم الاسلامي والعالم كله

    خمس مرات يلتفتون الينا في اليوم الان يردون ولد البلد يشتغل سباك ولا كهربائي راتبه لايتعدا 2000 ريال والاجنبي راتبه فوق 10000 ريال ليش مانخلي السعودي متعلم راتبه فوق 10000 ريال

    سعودي على الاقل فلوسه يصرفها في البلد في مصاريفه لكن الاجنبي تحول على بلده لدرجة انك تحس ان السعودي غير متعلم وغير متحضر وسبب منهوا

    الي يقول في جامعات عندنا في السعوديه مستواها جيد فان نظام التسجيل في نظام تعقيد ؟؟؟؟؟؟؟؟؟؟؟؟؟؟؟؟؟؟

    نحن ولله الحمد بلدنا فيها الخير ويكفي ان الوحي انزل فيها ويكفي اننا مسلمين ليش مانطور بلدنا ونخليها افضل بلد في العالم لتكون سند للمسلمين .

    واعترف انهم علموني والله يجزاهم بالخير
    .

    اللهم اسألك التوفيق في دنيا والاخره



    ()
  2. لاحول ولا قوة الا بالله , انا لله وانا اليه راجعون ... والله هذا اللي حاصل عندنا للأسف , كل شي مقفل بوجه الشباب .. من تدريس

    ومن ترفيه ومن ومن ومن ... جزاها الله خير دولتنا ومملكتنا الحبيبه ماقصرت معانا , لكن السبب يرجع للي ماسكين المناصب العليا

    .. والله اني كاتم في نفسي اشياء واشياء ودي افضفضها لكن ابدأ من فين ؟! .. احس الايام هنا صارت زي بعض كأني اقلب في دفتر

    فاضي من دون كتابات بداخله ... لكن سبحان الله مايعرف الواحد ايش مخبأ له في الدنيا هذي ! .. بس نسوي اللي علينا بصدق

    والباقي على الله سبحانه وتعالى .. وتذكروا دائما , اذا جاتك مصائب وتحس ان كل شي ضدك , قوووول الحمدلله حمدا كثيرا الحمدلله

    حمدا كثير , لازم نرضى باللي مكتوب , وان لم نرضى فقد عصينا الله ! ... أحمدك يا الله على كل شي , وأنا راضي بالقدر ... يا

    الله وفقنا لما تحب وترضى ويسر لنا امورنا كلها واحفضنا وارحمنا انت خير الراحمين ...
    7 "
  3. المشاركة الأصلية كتبت بواسطة kewl
    لاحول ولا قوة الا بالله , انا لله وانا اليه راجعون ... والله هذا اللي حاصل عندنا للأسف , كل شي مقفل بوجه الشباب .. من تدريس

    ومن ترفيه ومن ومن ومن ... جزاها الله خير دولتنا ومملكتنا الحبيبه ماقصرت معانا , لكن السبب يرجع للي ماسكين المناصب العليا

    .. والله اني كاتم في نفسي اشياء واشياء ودي افضفضها لكن ابدأ من فين ؟! .. احس الايام هنا صارت زي بعض كأني اقلب في دفتر

    فاضي من دون كتابات بداخله ... لكن سبحان الله مايعرف الواحد ايش مخبأ له في الدنيا هذي ! .. بس نسوي اللي علينا بصدق

    والباقي على الله سبحانه وتعالى .. وتذكروا دائما , اذا جاتك مصائب وتحس ان كل شي ضدك , قوووول الحمدلله حمدا كثيرا الحمدلله

    حمدا كثير , لازم نرضى باللي مكتوب , وان لم نرضى فقد عصينا الله ! ... أحمدك يا الله على كل شي , وأنا راضي بالقدر ... يا

    الله وفقنا لما تحب وترضى ويسر لنا امورنا كلها واحفضنا وارحمنا انت خير الراحمين ...


    الله يجزاااااااااك بالخير والله انك صادق في كل الي تقوله والحمدلله يارب العالمين

    المشاركة الأصلية كتبت بواسطة 3SL
    الله يعينك والله قهر

    طيب روح على حسابك وان شاء الله يضمونك


    او احسن شي اذا عندك خوات خلهم يقدمون على المرحلة السادسة وروح مع اي وحده محرم وبكذا تضمن تكمل

    ان شاء الله انا بروح على حسابي لكن وش القهر ان الي عنده واسطه يروح والي ماعنده يقعد الحين الملك جددها عشر سنوات قدام ليش مانظم للبعثه ولا البعثه لناس وناس لا

    ويعطيك العافيه على مرورك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.