الأعضاء الإشتراك و التسجيل

الملتقيات
ADs

تقرير موعدي في السفاره (((والتوهيقه ))) 15/5/2010 يوم السبت

تقرير موعدي في السفاره (((والتوهيقه ))) 15/5/2010 يوم السبت


NOTICE

تنبيه: هذا الموضوع قديم. تم طرحه قبل 2770 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية R_O_Y_A_L
    R_O_Y_A_L

    مبتعث مجتهد Senior Member

    R_O_Y_A_L الولايات المتحدة الأمريكية

    R_O_Y_A_L , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Engineering , بجامعة NON
    • NON
    • Engineering
    • ذكر
    • واسنطن دي سي, ا
    • السعودية
    • Mar 2010
    المزيدl

    May 15th, 2010, 05:02 PM

    ولاني بندمان على كل مافــــــات ** اخذت من حلو الزمان ورديه
    هذي حياتي عشتها كيف ما جـات ** اخذ من ايامـــي وارد العطيه

    السلام عليكم ورحمة الله وبركاته ،،،

    تحيه طيبه وبعد << شكله بيطلب سلف

    في يوم 25 / 4/2010 توجهت لساحة الكندي في حي السفارات ودخلت على مكتب يعبي النماذج حق السفاره ويسدد ويضبط المواعيد المووهم عطيته اوراقي وحجزلي موعد في تاريخ 15/5 ( بسميه يوم النكبه )
    وقبلها طبعا اخذت اجازه بدون راتب من الشغل لاخذ راحتي وانا اراجع اوراقي

    وقضيت هالعشرين يوم على جزر المالديف والبحر الميت واخذت اخر يومين في سلسة جبال طويق الغنيه بالمناظر الخلابه والغابات الساحره << بدا النصب ترا جالس عشرين يوم بالمقهى ينتظر هالمووعد المذكور اعلاه

    قرب الموعد على خير ويوم الجمعه رحت للحلاق وسويت صتفره لوجهي وحلقت شنبي علشان يوافقون على التأشيره ويقولون هذا كنه امريكي ههههههههه << وجهه كنه ركبة صومالي متشققه

    وجا الموعد المنتظر وقمت صباح السبت ووجهي متنفخ من الصنفره والمووس اللي البارح

    وركبت سيارتي وتوجهت لحي السفارات ولبست الشماغ والعقال وحسيت اني رايح لعرس
    وطول الطريق اردد الاغنية الشعبيه المعروفه على الوعد جيتكم ** يامخلفين الوعود
    وتوجهت على المكتب بسدد السيفيس عن طريقهم << كسلااااان مايحب يسووي شي
    ووقفت في مواقف ساحة الكندي وقفلت الرادو كانت عليه احلام اليعقوب هذي البنت الجديده اللي على mbc fm اللي طردوالمذيعه رنا القاسم وجت مكانها
    وهي تقول اللي عنده مشكله يراسلني ونتعاون نحل مشكلته وهي عمرها الظاهر ماتعدى 20 وبتحل مشاكل العالم والناس طايحين رسائل sms والرساله بخمسه ريال والحسابه بتحسب

    المهم نزلت وتوجهت لشطنة السياره بطلع اوراقي هالحين الساعه تقريبا 11 صباحا واناظر في ملفاتي الا احس ان الملف اللي ابيه ماهو موجود واتلفت يمين يسار ماشفته ووقتها حسيت بمغص وحسيت اني ناسيه وفعلن جت المصيبه وطلعت ناسيه بالقصيم

    ياااااالله يالمصيبه هذي والله النكبه وانا افقد شعوري واصايح بالمواقف من القهر

    وادق على امي الله يخليها رن رن وهي ترد ماشفتي جوازي قالت لا
    يابنت دوريه منا والا منا قلت دوري بالمكتبه شوفي هو موجود فيه قالت ايه فيه واقعد ادعي وحالتي حاله وقلت هذا بسببكم ماتبوني اروح قالت ليه تنساه واحس انها من داخل تقوول احسن ماتبيني اروح اللي يعافيها المهم قفلت وانا طفشان وتحسفت اني حلقت شنبي البارح قلت هذا والله جزاي وخسرت حوالي خمسن ريال في الحلاق واخرتها ناسي جوزاي

    وتوجهت للمكتب وعلمته بالموضوع قال مالك الا تحجز موعد جديد ماراح يدخلونك السفاره الا بجوواز
    قلت مالي الا اغامر واشوف وش يصير قلت انت سددلي السيفيس وانا افكر واشوف الحل وسددلي واخذ مني اكثر من مية ريال اتعاب التسديداللي ماتعب فيها مجرد طقها بالجهاز عنده

    اذن الظهر ورحت صليت ودعيت ربي سبحانه انه ييسر الامور وطلعت وانا ظايق خلقي والشخصيه خربت حقت الشماغ والعقال قام يضحك علي اللي لايوفقه

    وتوجهت لبنك سامبا وسددت 498 ريال حق التأشيره وتوجهت للسفاره الامريكانيه قلت بحاول يمكن الامور تضبط
    وانا اشوف ذيك البنت الحلوه اللي شطنتها بيضاء وونعالها بيض << بيندعي عليه اليوم
    وصفيت سرا مع الموجودين ونصهم من اهل جده وكل واحد اساله الجواز لازم يكون موجود وكل واحد يعطيني رد اقوى وحسيت ان السفاره بيسجنوني ههههههههه واللي يقول ارجع واللي يقول لاتتعب نفسك

    المهم طنشتهم وقمت انتظر دوري وقمت اتنافض خايف من الطرده
    وياما نزلت نظاراتي وياما لبستها حسيت ان الجو يستهبل معي
    اذا لبست النظارات غيم الجو واذا نزلتها صار شمس << اقوى من جحا يوم يعد حميره ههههههههه

    المهم حاولت اتعرف على الهندي العسكري يمكن اشرحله وضعي ويتوسطلي وماعطاني وجه

    وفكرت بيني وبين نفسي قلت مالي الا اخدعهم ويا اما غنات الذيب والا فقره << مثل متداول في نجد

    جا دوري وعطيته الاوراق وقرا اسمي وقال انت R_O_Y_A_L وقلت ايه وسال عن الجواز
    قلت موجود داخل مرسله عن طريق فيديكس وعندهم خبر اللي داخل في السفاره ونجحت الخطه ودخلني بسلام وانا ادق غمزه بعيني الحولا لواحد كنت افضفضله يوم كننا واقفين ننتظر الدور وفهمها وضحك

    وفتشوني واخذو اغراضي وحسيت ان المغص اللي قبل شوي راح يوم دخلت المبنى

    وهالحين وش السواة عند المقابله ابكي واقولهم السالفه والا ارد فيهم قصيده يمكن يمشوني ومافيه فكره الا جت براسي لدرجه اني فكرت اخنق اللي جنبي واخذه رهينه

    وانا اللي اشوف واحد شكله مسؤول في السفاره وقام يرتبهم ويتلقف على العالم قلت مالي الا ذا اطمر بوجهه واعلمه السالفه ويمكن يسنعني وانا اقوم واتوجه له ويقولي اجلس قلت نهي نهي << قلب هندي واصوت عليه قلت عندي مشكله وبعدها استقبلني وسال عن المشكله وعلمته الموضوع وعطيته اوراقي قلت كلها موجوده وسددت وكل شي الا الجواز وهذي صورة منه قال لازم يكون الجواز معك قلت عادي اجيبه بس المشكله الموعد لي شهرين انتظر صعبه احجز موعد جديد ويناظر بورقة الموعد قال انت حاجز من عشرين يوم بس قلت هذي ميلادي بس بالعربي تصير شهرين هههههههههه << امزززح عليكم

    المهم قال مافيه مشكله تعال بكره بنفس الموعد قلت اكيد قال ايه قلت طيب اسمك علشان بكره اسل عنك اذا رفضو يدخلوني واخذ مني ورقة الموعد وقام يكتب عليها بالانقلش ووقع وقال بكره تجي مافيه مشكله

    والحمدلله ربي ماخذلني وتيسرت اموري وطلعت وانا متشقق من الفرحه واقرب مطعم ماكدونالدز واطلب ذيك الوجبه اللي حسيت اني لي سنه ماكلت من اللي صار معي

    وبكره ان شاءالله موعدي وان شاءالله تضبط الامور وتتسهل

    دعواتكم

    واعذرووني على الاطاله

    اخوكم / اناا
  2. الاخ مغاااااااااااامر..
    الله يوفقك ويسهلك امورك

    ترى كل واحد وحظه فالسفارة حتى فالأسئلة ناس يخترعولهم اسئلة وناس اسئلة عادية جدا

    سهالة ان شاء الله اهم شي رضا الوالدين واذكر الله فكل وقت والله معاك^_^
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.