بخصوص بعثة الملك عبدالله + مراسلة الجامعات .. سؤال فاك مخي

السلام عليكم

انا على وشك ارسل اوراقي لامريكا وباذن الله تكساس لكن متخوف من شهادة الثانويه , لان عندي نقص درجتين بالمواظبة ( 98 % ) .. فهل ذا يأثر ؟

وغير كذا الحين من شروط البعثه المعتاده أن النسبة الدراسيه ما تقل عن 90% .. طيب القصد النسبه العامه لجميع المواد ؟ والا قصدهم درجات المواد العلميه ما تقل عن هالمعدل ؟ (( رياضيات - فيزياء - كيمياء - احياء - جيولوجيا .. )) ؟

تكفون نبي احد يفيدنا

الله يــوفــقــكـ ان شاءالله

والاخــوان الـلـي عـنـدهـم خـبـرة بــأمـركـ صـدقـنـي ماراح يـقـصـرون معـاكـ ..

تــحــيــاتــي العــــطــرة ،،،،،،،،،،

اقتباس:

---

المشاركة الأصلية كتبت بواسطة مقتولك

السلام عليكم
وعليكم السلام ورحمة الله وبركاته

انا على وشك ارسل اوراقي لامريكا وباذن الله تكساس لكن متخوف من شهادة الثانويه , لان عندي نقص درجتين بالمواظبة ( 98 % ) .. فهل ذا يأثر ؟
أنت تبي تسجل المرحلة السادسة صح ؟؟؟ ليش ترسل أوراقك دامك على حساب الحكومة وبكالوريا الوزارة تجيب لك قبول ... المواظبة ما تأثر
وغير كذا الحين من شروط البعثه المعتاده أن النسبة الدراسيه ما تقل عن 90% .. طيب القصد النسبه العامه لجميع المواد ؟ والا قصدهم درجات المواد العلميه ما تقل عن هالمعدل ؟ (( رياضيات - فيزياء - كيمياء - احياء - جيولوجيا .. )) ؟
لا المعدل العام ....
تكفون نبي احد يفيدنا

---

بالتوفيق .....................

اخوي اهم شيء نسبتك بالثانوي ماتنزل تحت 90 والقدرات ماتنزل تحت 70 والتحصيلي معي ناس في 60 ومشت امورهم ..

والوزاره تتكفل بقبولك ..

وخل عنك التفكير بالعثه واهتم بدراستك ..

موفقين

ما قصرتوا الله لا يهينكم

لكن المشكله مواضيع هالقسم زحمه صعبه تحصل اللي تبيه ,, يعني للحين فيه الف سؤال ,,

العاده متى يكون موعد البعثه ؟ يعني بعد المدرسه بكم شهر ؟ وهل الافضل اخذ قبول للجامعه من مكتب ؟ والا البعثه تتدبر هالشيء من نفسها على كلام الاخ اللي فوق ؟ .. وهل لو تركت كل شيء على البعثه من .. تذاكر سفر .. وقبول جامعه .. الخ .. بيتأخرون ؟؟ او اخلصها بنفسي والتحق فيهم بعدها ؟ .. وش هالغثاااااا :(

لو فيه موضوع يوضح كل شيء يسدحه لنا احد ويكسب فينا خير