اقتباس:
المشاركة الأصلية كتبت بواسطة طرقي أمريكا
أنا أتوقع إنه قال هالكلمة مو بسبب هذي بنت وذاك ولد
الكلمة هذي انقالت لأنه غالباً البنت تطلع ومعها مرافق
وفي أغلب الأحيان تكون هذي البنت عملت هذا التصرف الناقص بمرأى من مرافقها !
وبعدين ليش معصبة ؟
يعني المسألة عندك مسألة .. بنت .. وولد
وذكر وأنثى ؟
أعتقد إن الموضوع ماله دخل بهذي السالفة
الشي الثاني ماعطيتينا رأيك بس في مثل هذي النماذج ؟
لأ مو عشان مرافقها معاها ، كلكم قاعدين تقولون هالكلام وانتو مو دارين مرافقيهم معاهم والا لا واولهم الاخ اللي اقتبست انا كلامه، باللهي وش دراه عن البنت اللي تتكلم عنها معها مرافق والا لا !!! ، سواء البنات اللي شفتهم بالطيارة والا اللي بتشوفهم في المعهد والا بأي مكان .
اما بالنسبة لمسألة بنت وولد ، فأنا اللي اتمنى انها ما تكون "بنت وولد" ، ولكن انتو اللي عملتوها كذا !! انتو اللي تعاملون البنت بشكل والولد بشكل..
وكيف ماله دخل !
زبدة مشاركتي في الموضوع على هالنقطة ، انه دائما دائما دائما وفي كل مكان اي شي تسويه البنت غلط تقولون الشرهة على اهلها ، ما وراها رجال يربونها ، وهذا يدل على رؤيتكم لها وكأنها ما زالت "قاصر" و "سفيهة" ولا عندها عقل ، وتحتاج لتربية مستمرة الى ان تشيخ ! وكأنها بهيمة مو آدمي !
ترى عندها عقل ، وعندها شخصية ، كونها تصرفت تصرف خاطئ هذا لا يلغي ان عندها عقل يجعلها "وحدها" مسؤولة عن تصرفاتها.
المخطئ يسوي الخطأ وهو عارف انه خطأ ولكن لشهوة في نفسه ، زي ما المدخن يدخن ، هل هو مثلاً مو عارف ان التدخين يضره هو ويقربه من القبر ؟ هل عقله غير واعي بهالمعلومة يعني ؟ هل يحتاج "ابوه" يجيه يقول يا بهيمة التدخين ضار لا تدخن ؟ عارف كل هالكلام بس مصرّ يسويه ، خطأه هذا لا ينقص من اهليته وعقله ومسؤوليته عن تصرفاته.
الخلاصة ، ان البنت اذا وصلت سن الرشد وقامت بتصرف خاطئ ، لوموها هي وكفى ! هي اللي غلطت ، هي اللي تتحمل غلطها ، بما انها عاقلة راشدة فهي المسؤولة ، شخصيتها تشكلت وانتهت ، ما عاد تحتاج تربية ، غلطت فهذي مسؤوليتها ، وخلو اهلها بحالهم ! خلو .. اهلها .. بحالهم !!
نظرتكم هذي هي اللي زادت من عنف الاهالي تجاه البنات ، لان اي تصرف تسويه يشوفون انه يشوه سمعتهم هم، كلهم ، وان وجيههم في الارض ومن هالخرط ..
اتوقع بعد كل هذا كلامي واضح جدا ولا يحتاج تفسير اكثر ..
اما بالنسبة لرأيي في الموضوع فبصراحة ما كان عندي نية ارد عالموضوع بكبره الا لما قريت المشاركات اللي اقتبستها وحسيت اني لازم ارد .. بس اذا تبغى رأيي ، فلك ذلك..
انا عني ارى ان الحجاب فريضة زيه زي اي فريضة اخرى في ديني ، وما عندي استعداد افرط فيه ، لذلك تصرفهم غير مقبول لدي ، بس بالاخير ذنبها هي بتشيله ، بينها وبين ربي . ما باهتم بتصرفها الا اذا قامت بعمل مخل للاداب والذوق العام بالنسبة للمجتمع اللي عايشه فيه ، وهو المجتمع الامريكي حاليا . لانه في هالحالة
قد يؤثر على سمعة الطلبة والطالبات السعوديين هناك .
وبصراحة اسلوبك في الكلام عنهم غير مقبول عالاقل لدي ..
اقتباس:
بعضهن في " التحرمص " وكأن الوحدة مقروصة تتلفت يمين ويسار
وبعدين تجلس تفلفل شعرها .. شوي ويطلع منه حشرات
ياخبلة المكياج ماينحط بالطريقة هذي أصلا فما بالك عاد بالنهار وفي وقت عملي !!
بصراحه الاسلوب هذا في الحكي خصوصا لما يجي من رجل لا استسيغه نهائيا . كأنه حش نسوان ! وهذا سبب تجاهلي للموضوع من البداية !
وكلمة "مقزز" ، مبالغة في غير محلها ، اللي يسمع الكلمه يقول شايف جثة متعفنة !
وان قال احدهم "ترى قاعد يوصف امرأة" ، باقول اجل شايف بنت بجسم قبيح وسمين ومتهدل ومليان سيلوليت ، ومن غير هدوم بعد !
باختصار ، "مبالغة في غير محلها"
اقتباس:
لو تشوفون مناظر الركاب من بقية الجنسيات لهذه النماذج
بعضهم نظرات شفقة .. استهزاء .. استغراب
تدرين وش يقولون ؟
يقولون يعني كل هذا كبت ؟
معناتها إنها غير مقتنعة بأن دينها صحيح !
وإن الدين يفرض عليها أشياء غصب عنها !
ما بيقولون الدين يفرض عليها اشياء غصب عنها ، وانما بيقولون المجتمع ، لانها لما راحت هناك ما غيرت دينها ، وانما تغير المجتمع اللي عايشه فيه فهو سبب تصرفها. بالتالي الكبت هذا هو كبت المجتمع اللي يجبرها انها تتمسك بالدين بحذافيره حتى لو هي ما بغت ..
تخيل ان المجتمع ينتظر من جميع الرجال "اعفاء لحاهم" ويجبرهم على ذلك كما ينتظر من النساء تمسكهن بالحجاب ويجبرهم على ذلك ، هذا امر ديني وهذا امر ديني ، هذا واجب وهذا واجب ، ما تقدر تقول انه امر اختياري وغير ملزم ، صح ؟ كيف بيكون وضع "حليقي الذقن" وقتها ؟
اذا خلعت المرأة حجابها قلتو "ويحك! هذا دينك الزمك فيه ! يا كافرة يا فاجرة .....الخ" ، طيب واللي يحلق لحيته؟ دينه ما امره بهالشي برضه !؟ الا .. بس الواقع ، لا جيتو عند هذي قلتو ايزي ، مفيش مشاكل ..
واخيرا لا تخاف ، الاجانب ما بيستهزؤون فيها ، لانهم مؤمنين بشكل اساسي بان الدين لا يجب ان يحد من حرية الفرد . وقد ترى ان تأثير الدين عندهم على حياة الفرد ضعيف جدا لدى الاغلبية. فلن ينتظروا من احد ان يقوم بما لم يقوموا هم به ! الشغلة هذي اختصاصنا احنا يالسعوديين ، تلقى الواحد افشل منه ما فيه ويقعد يتشره عالعالم !
اعتقد بعد هذا كله ان رأيي واضح ، ومقصدي واضح..