ايهم افضل للفتاة سكن مستقل او عند عائله ؟ هل من مساعد

السلام عليكم ورحمة الله وبركاته

اخواني احتاج مشورتكم واقتراحكم وكمان مساعدتكم

انا ان الله يسر رح اسافر امريكا بشهر يوليو ان شالله

لسى ماطلعت قرار الابتعاث لكن موعد الدراسه 26-7-2010

محتاره في موضوع السكن بصراحه

انا بنت ومرافقي اصغر مني والوالده تبينا نسكن عند عايله اكثر امن خصوصا بالشهور الاولى

لان اخواني الشباب قد سافرو ياخذون كورسات برا وسكنو عند عوايل ومرتاحين مرة

اش تنصحوني خصوصا اني سمعت انه ممكن يوفرون لك عائله مكونه من امراءة واطفال فقط بدون وجود ذكور يعيقون حريتي

الشي الثاني في احد يقدر يساعدني بالحجز عند عايله

لاني حاولت استخدم الروابط اللي وضعوها الاخوان في مواضيع اخرى ولا عرفت اتصرف لا بتعبئة الابلكيشن ولا طريقة الدفع

ومكتب القبول اللي هنا عرض علي هالامر عن طريق المعهد لكن المبلغ اغلى كثير قد يصل للضعف غير نسبتهم اللي ياخذونها شهريا

على عكس المواقع اللي عرفت انهم ياخذون نسبه اول شهر فقط والباقي الدفع مناوله بينك وبين العايله نفسها مباشره بدون وسيط والسعر ارخص


الله يسعدكم انتو املي بعد الله فلاتبخلو علي بالمساعده

وعليكم السلام ورحمة الله وبركاته

استخيري الله والله يكتب لك الي فيه خير
بالتوفيق يارب

اقول جبتي القبول للدراسة من وين ؟؟

شكرا لمروركم

الاستخارة لابد منها ولكن لامانع من الاستشارة

وانا في انتظارها

أنا بنظري المستقل أكثر أمناً ..

والأكثر أمناً وطمأنينة ,. حبذا لو تحصلين طالبة تسكنين معها ..

الله يوفقك ويحفظك ..

مارح القى طالبه تسكن معي في ضل تواجد مرافقي

واذا عالاجنبيه مدري بصراحه ماحبيت الوضع مو شرط اكون متواجده بالبيت طول الوقت

ولايخلون رجل بامراه الا الشيطان ثالثهما

ومابي احط النار جنب البنزين انا اثق بمرافقي الله يحفظه بس ابليس مامات

إذا ميزانيتك جيدة
فنصيحتي أسكنوا بسكن خاص

العائلة ممكن يكون فيها رجل
وتبقين بحجابك طوال اليوم

وبخصوص العائلة فهذي مسئولية المعهد إنه يشوف لك عائلة

لو انتي لوحدك بقول لك مع عائلة
بس انتي واخوك احس زحمة .. غالبا البيوت تجي مرة صغيرة

خذوا لكم شقة لوحدكم اريح
الا اذا مرافقك مرررة صغير وانتو الاثنين ماعندكم لغة اسكنوا مع العايلة اول شهر عشان تدبير اموركم الى ماتعرفوا المنطقة كويس
بعدين تطلعوا

المعهد اعطيه الشروط اللي ببالك وانتي وحظك يلقوا لك ولا لأ .

انا شخصيا انصح بالسكن بالجامعه خاصه اول ترم وبعدين تكتشفين الطريق
العوايل حظوظ
واكثر العوايل المتهلسه هم اللي يطلبون سكن طلاب للانتفاع
والمتهلسين بالعاده من اللي شرابه مقابله طول الوقت ومن تجي 7 بالليل الا وهم رايحين سكره
صراخ وموسيقى وازعاج

أأأأم افكر بخيار السكن مع عائلة ....
وما أدري للحين ..........
الله يكتب اللى فيه الخير للجميع.......