عرض للطباعة
السلام عليكم ورحمة الله
المعهد اللي أنا جاني القبول منه أكتشفت مأخرا في موقعهم هذه العبارة
Please note that we do not offer beginning-level instruction. Our classes begin at the intermediate level.
يعني ايش المفروض إنه تكون مستوى لغتي علشان تكون متوسطة ؟
ولو أني مبتدأ وعندي بعض الكلمات البسيطة هل من الممكن إني أنظم للمعهد ؟ ولا أخاف إذا رحت هناك انكبت وقالوا لازم تغير المعهد ؟؟؟؟
وشكرا لكل من ساعدني وجزاكم الله خير
والمعهد هو ESL التابع لجامعة ويسكونسون مادسون .
UP......
up....
وش دعوى ياشباب ماحد يعرف حل لمشكلتي .... على العموم جزاكم الله خير ...
ابو كادي يالغالي على هونك يالغالي انت كتبت الموضوع امس وراد على نفسك في نفس اليوم لا والفرق ساعات . ارجوا ماتزعل مني دايم اعطي موضوع اقل تقدير يوم كامل الى يومين كأقل تقدير ودايم أنا أقول الاعضاء هنا فيهم الخير والبركه واللي يرد جزاه الله الف خير واللي مايرد مو مجبور يرد لان موقعنا مو سنترال اي تساؤل لازم اجابه. الفكره نتكاتف ونتساعد ونييسر امور بعض ونخدم شرواك من خلال خبراتنا ومن خلال خبرتي المتواضعه بشكل خاص .
نرجع لموضوعك : عشان احطك بالصوره انا يوم أُبتعثت زماااااااان كنت في اللغه جيد نوعا ما ومن الناس اللي يحب الانجليزي من ايام الدراسه وبرضه مشاهدة الافلام يعني عندي كان شي. المهم يوم رحت هناك ودخلت المعهد سويت اختبار تحديد مستوى المهم جيت المستوى الثالث بس انا رفضت وقلت ابي من اول مستوى طبعا استغربوا ليش تضيع وقت وانا والله للامانه كان اهم شي في اللغه الاساس لازم اقويه مهما يكن لان لازم تكون لغة الواحد قويه من تحت. على فكره من مستوى 1 الى 5 كل اللي اخذه في مستوى احصله في المستوى الثاني بس احصل معلومات اشمل واكثر وتشعبات وفرعيات تربط لك كل شي .
الحين نرجع لك انت كيف تشوف لغتك اذا جيده جدا مو مشكله بس اذا جيده انصحك تبدأ من المستوى الثاني كأقل تقدير.
ثق اخوي هذا مستقبلك يعني انتبه واحرص ماتفوت شي وخاصه في اللغه والاهم الاساس من اللغه انا اذكر شباب الله يوفقهم الان جو بعدي واختبروا تحديد مستوى وكان مستواهم الثالث والرابع يعلم الله إنهم ندموا انهم فوتوا فرصة تقوية اللغه اللي كانت معاهم وخاصة القواعد لانها بعدين تفيدك في الكتابه كثيرررررررررر .
أنصحك إنك تبدأ من المستوى الاول وان أحسست إنك تستحق مستوى اعلى اذهب للمستوى الثاني غير كذا مقدر أنصحك أكثر أخاف بعدين تقول الله يسامح واحد اسمه فهد وهقني هههههههه.
على فكره اذا مايسعفك الوقت تغير معهد اللغه وسفرك قريب مو مشكله انت روح وبالتوفيق واول ماتوصل هناك دور معهد غيره وحاول تبدأ من الان واذا لقيت أول ماتوصل معهدك الاول اطلب تحويل على طول وميه بالميه راح تحصل شباب سعوديين في المعهد هناك خلهم يساعدوك في اجراءات التحويل أجراءات جدا بسيطه وحقت ابو يوم بس اهم شي الملحقيه وراح اشرح لك ليش اهم شي الملحقيه في الاخير.
اذا عندك وقت باقي كثير الان وباقي ماحجزت للقيزا انصحك تبدأ في البحث في معهد اخر عشان هناك الملحقيه راح تمتحنك ليه تبي تنقل وعبي استماره نقل واكتب الاسباب وتسوي تعهد وكلام كثير فأنت اشتري دماغك من الان اذا عندك وقت ابحث عن البديل طبعا هذا اذا اقتنعت في كلامي عن رأي في تحربتي وتجربة زملاي بس اذا انت واثق من لغتك ومستواك مطمن وانك راح تشد على نفسك انسى كل كلامي وربي يوفقكك. على فكره تبي تعرف مستواك روح اي معهد هنا وقول ابي اسوي تحديد لمستواي اعتقد انها فكره جيده راح تفيدك في إصدار قرارك النهائي.
في الختام ربي يوفقكك واتمنى افدتك .
واعتذر اذا ضايقتك بالكلام اللي قلته في مقدمة ردي :)
اهم شي دعواتك اخوي.
بارك الله فيك أخوي فهد وجزاك الله خير ... وأنا رديت علشان موضوعي انتقل للصفحة الثانية بدون أي رد فأردت أن أعود بالموضوع للصفحة الأولى ... ونصيحة رائعة من أخ رائع بارك الله فيك وجزاك الله خير ...
رد عليك الاخ والله يوفقك وياه واجمعين يارب
بيض الله وجهك أخوي فهد وجعلك من أهل الجنةكلام رائع