اذا الملحقيه نايمه بالعسل .. الطالب وش يسوي ؟؟ حسبي الله ونعم الوكيل

السلام عليكم و رحمة الله و بركاته

بخش على طول ماعندي مقدمات :tongue4:

حركات الموظفين بالسعوديه ماتركوها الملحقيه بامريكا الي هي تطنيش و تضييع الملفات و الللخ :tongue4:

الملحقيه ببامريكا حطتني بموقف لا احسد عليه بصراحه !!

اسمعو قصتي .... !!!!!!!!

بالبدايه انا مرافق لاختي ..

و طبعا انا رحت الملحقيه اول ماجيت لامريكا واخذو اوراقي كلها و قالو اوراقك كامله وعطوني ضمان مالي فيه اسمي واسم اختـي ..

وقالو خلاص مالك الا تنتظر وقت الدراسه

رحت المعهد وسلمتهم الضمان و جت الدراسه وبعد اسبوعين دراسه !!!!!!! جاني سبرايز غريب :dry:

ادارة المعهد تقولي ان الملحقيه ما ارسلتلهم اي شي بخصوصي وانهم يراسلون الملحقيه من 10 ايام والملحقيه ساحبه محد يرد عليهم

قلت طيب وش تبون ايش المطلوب
قالو نبي ضمان مالي خاص فيكـ ..!! وبنعطيك مهله اسبوع ....!!
راسلت الملحقيه ردو علي متأخر وبعد ماردو الي اتضح لي انهم يبون ارسل اوراقي من جديد

وش تفهموون ...... ؟؟؟؟؟ كالعاده ضيعو اوراقي :tongue4::tongue4:

يعني من جد لا تعليق الان ادارة المعهد يقولون راح الاسبوع ولا وصلنا شي يوم الاثنين لا تجي الا وانت دافع حساب الترم

يعني بضطر ادفع حساب الترم هذا وانا جاي مرافق

حسبي الله ونعم الوكيل



والله شي يقهر لمى اشوف ناس ما مرو واشنطن ولا تعبو مثلنا واخرتها عشان الواسطه مرتاحين وحنى رايحين فيها

انا مع اني اكره الواسطه بس هم واشكالهم يخلون الواحد يضطر يكلم احد وانا مالي الا كذا بكلم واحد اعرفه :dry:

لا راتب نزل وفوقها ادفع حق المعهد من جيبي

ما اقول الا حسبي الله ونعم الوكيل

موظفين اجانب وفوق هذا مطنشين الطلاب

الى متى هذا الحال ؟؟؟؟؟؟؟

يرسلون عيال الناس و ويوهقونهم :dry::dry:

لنفترض اني مو قادر ادفع المبلغ من جيبي وش اسوي ؟ انطرد من المعهد ؟؟

لا تعليق على الملحقيه بصراحه ..............!!

فعلاً مثل ماقلت يرسلون عيال الناس ويوهقونهم حسبي الله ونعم الوكيل ..

الله كريــــــم

مآآقدر الا اقول ربي ييسر آمرك ..

موفقين

تفاهم مع قاسم الحكمي ويرسل لك الضمان على إيميل مباشرة
خصوصا إذا تجاوز بقاءك أكثر من 10 أيام


بعدين هل فتحوا لك ملف وأرسلوا لك رقمك الطلابي؟؟

اقتباس:

---

المشاركة الأصلية كتبت بواسطة alhaime

تفاهم مع قاسم الحكمي ويرسل لك الضمان على إيميل مباشرة
خصوصا إذا تجاوز بقاءك أكثر من 10 أيام


بعدين هل فتحوا لك ملف وأرسلوا لك رقمك الطلابي؟؟

---

مع احترامي لقاسم حكمي, ولكنه من أسوء الموظفين السعودين بالملحقية. من أكثر الأشخاص اهمالاً وتصريفاً وتضيعين للأوراق. وبطيئ جداً في انجاز المعاملات.

تواصل مع محمد الحمدان وتتسهل أمورك بأذن الرحمن.

اقتباس:

---

المشاركة الأصلية كتبت بواسطة alhaime

تفاهم مع قاسم الحكمي ويرسل لك الضمان على إيميل مباشرة
خصوصا إذا تجاوز بقاءك أكثر من 10 أيام


بعدين هل فتحوا لك ملف وأرسلوا لك رقمك الطلابي؟؟

---

انا بجمع الطلبات الي يبونها و برسلهم على فيديكس بكرا ان شاء الله

و بكلم واحد اعرفه

مافيه الا كذا قسم بالله االملحقيه اكبر مشكلها مع الطلاب :dry:

رقم الطلابي يقولون بالضمان وبالضمان مافيه شي :dry: << طبعا يقصدون الضمان المالي القديم الي فيه اسمي مع اسم اختي

وشكلهم ما فتحو لي ملف نهائيا

اقتباس:

---

المشاركة الأصلية كتبت بواسطة sultan240

مع احترامي لقاسم حكمي, ولكنه من أسوء الموظفين السعودين بالملحقية. من أكثر الأشخاص اهمالاً وتصريفاً وتضيعين للأوراق. وبطيئ جداً في انجاز المعاملات.

تواصل مع محمد الحمدان وتتسهل أمورك بأذن الرحمن.

---

انا شكلي شكلي برسلهم كلهم بنشب بحلوقهم :jump1:

اقتباس:

---

المشاركة الأصلية كتبت بواسطة FoOoFo

فعلاً مثل ماقلت يرسلون عيال الناس ويوهقونهم حسبي الله ونعم الوكيل ..

الله كريــــــم

---

الله يكون بالعون

اقتباس:

---

المشاركة الأصلية كتبت بواسطة راشدالتميمي

مآآقدر الا اقول ربي ييسر آمرك ..

موفقين

---

امين وييسر امور جميع المسلمين

حياك

مااقول إلا الله يسير أمرك ويوفقك

اقتباس:

---

المشاركة الأصلية كتبت بواسطة hams

انا بجمع الطلبات الي يبونها و برسلهم على فيديكس بكرا ان شاء الله

و بكلم واحد اعرفه

مافيه الا كذا قسم بالله االملحقيه اكبر مشكلها مع الطلاب :dry:

رقم الطلابي يقولون بالضمان وبالضمان مافيه شي :dry: << طبعا يقصدون الضمان المالي القديم الي فيه اسمي مع اسم اختي

وشكلهم ما فتحو لي ملف نهائيا


انا شكلي شكلي برسلهم كلهم بنشب بحلوقهم :jump1:

---

المفترض يكون عندك ملف مرافق
ويكون عندك رقم طالب

اقتباس:

---

المشاركة الأصلية كتبت بواسطة alhaime

المفترض يكون عندك ملف مرافق
ويكون عندك رقم طالب

---

هذا المفروض .. وكل من سئلت قال انت لسى مالك رقم

والملحقيه مالها لا حس ولا خبر يعني لو المعهد ماطلب حقه كان رحت اقشر بصل :dry:

الله يصبرنا عليهم بس

وبكرا برسلهم الاوراق وان شاء الله مايضيعونها ثانيه