ابتعاث للخارج الى امريكـــا او العسكريــه ؟؟ اتمنى المساعده

السلام عليكم

شخباركم ياخوانا الكرام

بصراحه انا ماعرفت وين انزل هلموضوع او هلاستفتاء

بس بكل جديه انا نزلته هنا في ملتقاء امريكا

وابي الافاده منكم

انا هلسنه لي اخر سنه في الثنويه العامه

يعني بعد شهر

ومب عارف وين اروح او وين اطق براسي :wallbash:

في ناس يقولون روح العسكريه بحكم انه كل شباب قطر عسكرين

وناس يقولون دامك جايب النسبه الزينه والمجموع الحلو روح ابتعاث برع على حساب الدوله

واذا راح ابتعث انا حاط في بالي السلك الدبلوماسي

بس ياريت تفيدوني بكل جديه

شلون حيات الغربه

بما اني مجربها شهر وشهرين في الصيف لاكتساب اللغه واشوفها حلوه (( :dry: ))

والعسكريه معروفه انه محبوس طول الاسبوع ماطلع اله في الويكند

وانا والله محتار ياجماعه

ابي نصيحتكم

ابي جواب على هسوؤالين

ابتعاث او عسكريه ؟؟

وليش ؟؟

وش مزايه هذي وايش مزايه العسكريه ؟؟

اتمنه تفيدوني ياجماعه

وفي انتظاركم ياجماعة الخير

وينكم ياجماعة الخير ؟

يا خي وين عايش العسكريه ماوراها خير نظام بحت وكلما قلت شي قال أنت عسكري

وايش فيها لما تاخذ شهاده علميه ولغه إنجليزيه وأخذ ثقافة وسياحه وبعدها تتوظف بأي قطاع حكومي أو خاص

اقتباس:

---

المشاركة الأصلية كتبت بواسطة عسكري سعودي

يا خي وين عايش العسكريه ماوراها خير نظام بحت وكلما قلت شي قال أنت عسكري

وايش فيها لما تاخذ شهاده علميه ولغه إنجليزيه وأخذ ثقافة وسياحه وبعدها تتوظف بأي قطاع حكومي أو خاص

---

صحيح كلامك

وفي عكس كلامك بعد ينقالي

وشلك بالابتعاث وعوار الغربه خلك هنا في بلدك ابركلك

والله مادري يالغالي وين اطق براسي

على العموم جزاك الله خير

انا بحاول اجمع قدر من المعلومات من جميع الاعضاء اللي بيساعدوني وان شاءلله اطلع بنتيجه

شف وانا اخوك كل شي له ميزه وعيب ولكن خذها نصيحة مني انت الي تقرر شف وانا اخيك جب ورقة وقلم واكتب محاسن العسكرية والابتعاث واكتب المساوي وانت قارن وقرر
بالتوفيق

اقتباس:

---

المشاركة الأصلية كتبت بواسطة ابو عبدالعزيز امريكا

شف وانا اخوك كل شي له ميزه وعيب ولكن خذها نصيحة مني انت الي تقرر شف وانا اخيك جب ورقة وقلم واكتب محاسن العسكرية والابتعاث واكتب المساوي وانت قارن وقرر
بالتوفيق

---

جزاك الله اللف خير

حلك جميل

وفي انتظار اراء الاخرين

حقيقه انت ذكرتـني بـ انا :D

كنت محتار مابين العسكريه والابتعاث ومالله كتب لي العسكريه ..

بس بوجهة نظري انو العسكريه افضل .. اول حاجه واهم حاجه انتا عند اهلك وناسك وثاني شئ ياحبيبي العسكريه مضمومنه وضيفتها

تتخرج منها وتستلم راتب من 9 وانت طالع :D

بالتوفيق ياحلوو :D

^^^

نفس حالتكم .. كنت ضامن اي سلك عسكري وضامن مقعد بالجامعه والابتعاث ..

لكن العسكريه مشكلتها الحريه مفقوده .. مجتمع سيء .. تسلط الي اكبر منك .. وتغرب في ديره بعيده عن اهلك ..

الابتعاث غربه فقط ..

الدراسه بالوطن مشكلتها الشهاده ضعيفه مقارنه بالخارج .. تدريس فاشل ..

ولكن كل واحد وطموحه وحبه وابداعه فيه .. وتذكر انك تقدر تاخذ الشهاده وترجع للعسكريه وبمميزات اقوى من غيرك بكثييييييييير ..

موفقين يآرب

اقتباس:

---

المشاركة الأصلية كتبت بواسطة CERESTY

حقيقه انت ذكرتـني بـ انا :D

كنت محتار مابين العسكريه والابتعاث ومالله كتب لي العسكريه ..

بس بوجهة نظري انو العسكريه افضل .. اول حاجه واهم حاجه انتا عند اهلك وناسك وثاني شئ ياحبيبي العسكريه مضمومنه وضيفتها

تتخرج منها وتستلم راتب من 9 وانت طالع :D

بالتوفيق ياحلوو :D

---

وانت الصاج الراتب وانت مرشح 13 اللف ريال قطري

ولي تخرجت ارتفع فوق ال20 اللف

والله يوفق الجميع

أستغرب ان فيه ناس بالقن الحادي والعشرين تفكر بالعسكرية الى الان ..

العسكرية قبل عشر سنين واكثر كان لها صيت وكان للعسكري جاه ومكانة ..

ايضا الموظف الحكومي كان يعد مدحة للشخص اذا قلت موظف حكومي .. وبالعكس اذا قلت موظف قطاع خاص ..



الان انقلبت الاية .. وتغير الوضع تماما .. القطاع الخاص هو المسيطر من ناحية الرواتب والبدلات وتطوير الموظفين والعلاوات وحتى الجاه والسمعه عند الناس ..

تقول اشتغل بأرامكوا أحسن من تقول أشتغل بوزارة الصحة او الزراعة ..



العسكرية مثل الديون .. هم بالليل .. وذل بالنهار ..
وهذا ضريبة انك ما اكملت تعليمك .. فجعلت مستقبلك ومصير بيد من هو أكبر منك منصبا ..


لكن اذا اكملت تعليمك هنا او بالخارج .. فأنت مهموم بالليل بدراستك .. وعزيز بالنهار بعلمك وتعليمك .. وجعلت مصيرك بيدك لا بيد غيرك ..


العسكرية تعطيل لنعمة العقل والتفكير التي وهبها الله لك .. انت جسد تتحرك .. وتنفذ مايأمرك به من هو أكبر منك .. فقط لا غير ..

أخي استعن بالله وأكمل دراستك .. سواء في بلدك او في الخارج .. الاهم الا تجني على نفسك واولادك وتعطل عقلك بدخول العسكرية ..


وفقك الله ويسر لك امرك ..