ياأهل الخير اللي راحو امريكا تكفووون ادخلو ضروري...
السلام عليكم ورحمة الله وبركاته
ككيفكم ان شاءالله بخير:119:
انا الحمدلله خلصت كل اشيائي واموري
والاسبوع الجاي انشاءالله استلام التأشيرة وتذاكر السفر ( حسب كلام الوزارة امس)
الحين ابي اعرف <<< جينا للجد
وش الاوراق المطلوبة مني اخذها معي
واي الاجراءات اللي اسويها قبل لااسافر
وهل الملحقية تستقبلني ولا انا اروح لها بنفسي
وهل الملحقية تاخذ لي حجز بفندق ولا انا احجز وادفع
ياليت اللي عنده معلومات يفيدني واذا فيه اشياء ناقصه ياليت تفيدوني ضرووووووووووووووووووري الله يسعدكم
توحياتي
رد: ياأهل اللي راحو امريكا تكفووون ادخلو ضروري...
::wwf::
مبروك الف مبورك اخوي
والعاقبة للباقيين,
اقتباس:
وش الاوراق المطلوبة مني اخذها معي
1-جواز السفر.
2-إثبات هويتك الوطنية.
3-شهاداتك الأصلية للمرحلة السابقة .
4-أي شهادات أو توصيات من اساتاذة أو اي جهة عمل سابقة.
5-القبول والآي توينتي.
اقتباس:
واي الاجراءات اللي اسويها قبل لااسافر
الأمور الطبيعية التي تقوم بها قبل أي سفرة
لو عندك وقت تروح الحرم وتزور المدينة هذة نصيحة لأنك راح تطول الغيبة
ترتب امورك وحساباتك البنكية بالمملكة
ترتب حقائبك حسب الأغراض المهمة لك ولو ناقصتك اشياء اشتري اللازم واللي مهو مرة ضروري خدة من امريكا.
اقتباس:
وهل الملحقية تستقبلني ولا انا اروح لها بنفسي
ارسل لهم فاكس بصورة التذاكر على ارقامهم تلقاها في قسم الملحقيات موضوع مثبت.
اقتباس:
وهل الملحقية تاخذ لي حجز بفندق ولا انا احجز وادفع
طبعاً انت تحجز وتدفع
لكن هم راح يستقبلوك من المطار
ويودوك على فندق بنفس مبنى الملحقية
وانت لمن توصل تجز وتسكن
الف مبروك وبالتوفيق اخوي
رد: ياأهل الخير اللي راحو امريكا تكفووون ادخلو ضروري...
الله يعطيكِ العافية مسافرة وربي ماقصرتي
انا اختك مو اخوك :D
والله يسعدك يارب دنيا وآخره
بس كيف الاجراءات البنكية يعني مو فاهمه؟؟؟
ممكن توضيح اذا مافيها ثقالة دم :)
ومشكوووورة حبيبتي
رد: ياأهل الخير اللي راحو امريكا تكفووون ادخلو ضروري...
معليش استفسار تاني
بالنسبة لنماذج الملحقية نعبيها من هنا وناخدها معانا ولا مايحتاج نعبي شي ولا هم يعطونا نماذج عندهم وكيف نفتح عندهم ملف؟؟
<<< اسئلتها كثير الله يعينكم
ومشكوووورين
رد: ياأهل الخير اللي راحو امريكا تكفووون ادخلو ضروري...
1- صورة من قرار الابتعاث
2 - استمارة فتح مبتعث جديد عادي تعبينها بالملحقية بخط اليد او تبين تطبعنها هنا وتعبينها
http://www.sacm.org/web/FileOpening.pdf هذا رابط النماذج
3 - صوره من الجواز
4 - صورة من الفيزا
5 - صوره من بطاقة الاحوال او دفتر العايله
6 - صورة من الاي توني وقبول الجامعه
7- خمس او ستة انا جبت معي 12 احتياط بس ماذكر كم خذوا صورة 4 في 6
8- صورة من الكرت الي بدبسونة لكي بالمطار
9- خلي معكي شهادات الثانوية مترجمة احتياط يمكن تراسلين جامعه شيء تنقلين بعد اللغة
توقعي يمكن لاسمح الله السواق مايجي لذلك اكتبي العنوان بورقة حق الفندق وانا انصحكي روحي الوتر قيت فندق حلو وجنب الملحقية بجدار يعني مايحتاج تطلعين الشارع بس طقين الباب وتفتح لك وحدة سمراء
معلومات الفندق
اسم الفندق
THE WATERGA TE HOTEL
العنوان
2659VIRGINIA A VE NW
20037 WASHINGTON,DC
وانصحكي تحجزين وتدفعين بالفيزا على موقعهم عشان تخففين شوية كاش معكي بعدين تجكي رساله على الايميل تطبعينها وتروحين لهم
تري تحتاجين يوم واحد بس بواشنطن مع الملحقية 9 الصبح عطيهم الاوراق 4 العصر يورنك مشرفكي ويعطونك شيك اذا فيه اكثر من 3 طلاب جاين جدد يمكن يسولكم محاضرات قبل يورنك مشرفكي قبل 4 العصر
اتمنى اكون افدتك وبالتوفيق
رد: ياأهل الخير اللي راحو امريكا تكفووون ادخلو ضروري...
هلا والله اخوي
مشكوووور والله تعبتك معايا والله يجعلها يارب في موازين حسناتكم انت ومسافرة
بس انا طالعه ماجستير يعني ماتنفع شهادات الثانوي :)
كفيت ووفيت اخوي واختي مسافرة
والله يوفقكم دنيا وآخره
تحياتي
رد: ياأهل الخير اللي راحو امريكا تكفووون ادخلو ضروري...
نسيت اقولك مبروك البعثة والله يكفيكي شرها ويعطكي خيرها
طالعه ماستر ماشاء الله خوذي وثيقة التخرج مترجمة معكي وجمعي ريكمديشن على قد ماتقدرين احتياط يمكن تغيرين جامعه شيء والله يوفقكي ويسهل دربك
مشاركة: ياأهل الخير اللي راحو امريكا تكفووون ادخلو ضروري...
ليس لدي إضافات حبيت أبارك ألف ألف مبروك والتوفيق بالدراسة إن شاء الله وعقبال البقية
رد: ياأهل الخير اللي راحو امريكا تكفووون ادخلو ضروري...
اختي معلومة لا اكثر ولا اقل اكيـــــد انتي الي حجزتــــي...لانهم يعطونك التذكرة فقط
ومايحجزولك بس الي من خارج الرياض يطلب تذكرة من المدينة الي هو فيها + طريق الرياض +
مطار واشنطن DC.
- هذا على حـــد علمي مــــو؟
رد: ياأهل الخير اللي راحو امريكا تكفووون ادخلو ضروري...
اقتباس:
المشاركة الأصلية كتبت بواسطة مبتعث-اللوجستـــي
اختي معلومة لا اكثر ولا اقل اكيـــــد انتي الي حجزتــــي...لانهم يعطونك التذكرة فقط
ومايحجزولك بس الي من خارج الرياض يطلب تذكرة من المدينة الي هو فيها + طريق الرياض +
مطار واشنطن DC.
- هذا على حـــد علمي مــــو؟
مكتب الطيار مايسولك اي شيء الى بأمر الاركاب وامر الاركاب توريهم قرار الابتعاث ويعطونك امر اركاب تعبي فيه البيانات وتكتب خط السير حقك
مكتب الطيار بالوزارة هو الي يحجزلك بس حاولوا تأخذون اي خطوط تنزل بواشنطن على طول عشان الاجراءت هناك عسل عشر دقايق وانت داخل الولايات الممتحدة نقطة ثانية لاجيتوا تحجزون علم الموظف خط سفرك مثال اذا انت على الخطوط الفرنسية
الرياض - باريس - واشنطن تقعد يوم اجرائت الملحقية و بعدين واشنطن - مدينتك الي بتروح لها
نفس الشيء الالمانية بس بدال باريس فرانكفورت
وفي بالملحقية مكتب الطيار بالدور 9 لاسمح الله الوزارة ماعطتك الى الرياض واشنطن تكمل الباقي بالملحقية ومن رأي المتواضع خلص عمرك بمكتب الطيار بالوزارة وبالتوفيق