اخواني واخواتي.. أقدم هذه الهديه لكل مبتعث سواء لأمريكا أو لغيرها.. وهي نصيحة جدا بسيطة لتطوير لغتك في غضون اشهر بسيطة. بعدما تصفحت في عدة موضوعات واسألة وأستفسارات من المبتعثين وجدت أن 90% أو أكثر ممن يسأل عن أي ولايه أو مدينه.. أول مايبدأ يسأل هل يوجد فيها سعوديين كثير أو لا؟؟
في ظنكم ما هو تأثير وجود السعودي أو العربي في المنطقة المقصودة..
أكيد يوجد تأثير سلبي وإيجابي..
والايجابيات معروفه لكن السلبيات نتجاهلها كثير.. وبقول بعضها واتمنى محد يزعل لأني أنا سعوديه أولا وأخير ولا أرضى بشي غلط...
أولا أقول كثرة تواجد السعوديين في منطقة يؤثر تأثير كبير على اللغة عندك.. وهذا أكبر عامل عند كثيير من شبابنا إللي يشتكون عدم تطور اللغة عندهم.. لأن أغلب الشباب يقضون النهار في المعهد أو الجامعة وبعده.. تصير الجمعات والجلسات .. طبعا الترفيه مطلوب بس بحدود.. لأنه مادرسته في النهار تنساه في الليل واللغة محتاجة ممارسة.. الصراحة بتكون حلوة ومفيدة جمعة الشباب لو كان الكلام كلة بالأنجليزي.. بتصير وناسة وفايدة..
كمان وجود السعودي يلهي عن المشاركة في كثير من الأنشطة .. فغالبا الشباب( وأقصد الجنسين) يتقاعس عن حضور كثير من الأنشطة.. والسبب زميلة مو متشجع يحضر.. مع إن هذي الأنشطة كثيير مفيدة لتطوير اللغة..
حاولوا تحتكوا في الأجانب أكثر من العرب .. صدقوني بتطور اللغة كثير عندكم.. فيه أجانب في نفس الولايه إللي أنا فيها جوا من بلدهم مايعرفون حرف إنجليزي ولا درسوا في المعهد .. واحتكوا مع الأمريكان كثيير ودايم في المكتبه وفي غضون 4 أشهر اجتازوا اختبار IBT
فمن وجهه نظري أبحث عن مكان تستطيع فيه تطوير اللغة بشكل سريع .. لا عن مكان فيه الترفيه والسياحة .. لأنها ملهيهات ومانستخدمها في صالح درستنا..
سامحوني على الأطالة واحب اشوف تعليقكم..:gr_922: