مساعدة وين نروح كندا ولا مريكا ؟؟؟ ارجو المساعده

اشكر الججميع على المرور والرد

راح زوجي المكتب وطلب قبول جامعه بفلوريدا فحذرونا متها يقولون منطقه اعاصير

وش رايكم؟؟؟؟؟؟؟؟؟؟؟؟؟

انا انصحكم بامريكااا ماحلااا منهاااا ..

استقرينا على امريكا يا خوي

بس المشكله الحين الولايه والمدينه
اشكرك على المشاركه

http://www.mbt3th.us/vb/forum41/thread183640.html

اختي اقري موضوعي وعن الولايه والمدينه وانشالله تعجبكـ..

المدينه فيها عوئل سعووديه وتكون زيارات مابينهم ..

مفصل الموضوع تفصيل وانشالله يفيدك

بالتوفيق يارب

مثل ماقيل القبول في امريكا الماستر اسهل من كندا

اوهايو وبس انا مفكراروح اوهايو
فيها اربع مدن كبير وجوها بارد بس حسب ماسمعت انها في الصيف روعة
كليفلاند
واكرون
وكولومبس
وايظا عنك كانتون ستي










والجامعات كثيره وقوية
وشكر

السلام عليكم ورحمة الله وبركاته....
اختي الفاضله ...
انا صارلي 3 سنوات بامريكا وسافرت تفريبا لاغلب ولاياتها...الشعب طيب(رايي كسائح الحين) لان اروح ولايات ثانيه للسياحه... والاسعار حلوه مقارنة بكندا اللي ربعي يقولون انها غاليه نسبيا...
انا الحين ادرس في مدينه مورقانتاون بولايه ويست فرجينيا (بجامعه ويست فرجينيا) والمدينه جداااااااااااااااا امنه...والاسعار منخفضه مقارنة بالولايات الثانيه برايي..المدينه في عوايل كثيره يعني اعتقد تصلح لوضعكم انكم تكونون صداقات لتخفيف الغربه مع هالعوايل السعوديه والكويتيه غالبا ومن الدول العربيه الثانيه ..بس المشكله بالمدينه جبال يعني اسهل سياره للتنقل..وفي باصات اكيد ونظام تنقل حلو اسمه prt...المدينه يغلب عليها طابع الجبلي والطبيعه فيها خياليه بالصيف والخريف والشتا بارده ولكن مو لحد الموت يعني مقارنة بولايات ثانيه....تبعد ثلاث ساعات بالسياره عن واشنطن العاصمه...ووفيها مطار صغير... والمدينه صغيره ...معهد اللغه في طلبه عرب كثير فعليج الحسبه عاد ...الا اذا تقدرين توخرين عنهم قدر المستطاع وتبقين تسولفين انجليزي لفترة اللغه بس فبيكون وضع اللغه زين....

بشكل عام برايي اختي الفاضله امريكا احسن...ورايي هذا بالاخير وبالتوفيق للعائله الكريمه

وصج في شي لازم تسوونه ...اعتقد ان اغلب الناس تنسى تسوي هالشغله...

قبل ماتقررون قرار نهائي بالتسجيل بالجامعه...روحو لها لمده اسبوع على الاقل عشان تشوفون شالوضع لان بصراحه (ومابي اخوفج والله بس واقع) 80% يمكن من الطلبه اللي يروحون لامريكا ينصدمون بالمدن اللي يروحون لها وياخذون مقلب...فاذا في قدرة انكم تسافرون سياحه ومنها تشوفون وضع الولايه والمدينه اللي قررتوا تدرسون فيها ...يفضل

وشكرا

بنسلفينيا رووووووووووعه

الله يكون بعونكم ويوفقكم