رحلتي قريبه مره لأمريكا ولاكن صار شي ماتوقعته اااه

تخيل نفسكــ بعد خمس او عشر سنوات من الان في كل الحالتين"الوظيفة +البعثة" يعنى لو اخترت الوظيفة وين راح تكون ولو اخترت البعثة وين راح تكون وبناء عليها ابنى قراركــ ...الدراسة يبغالها جلد وصبر ونفس طووووويل بصراحة وحط في بالك الكل بيرجع معة شهادة ولغة وبصير فيه ظفره الى حدما ما يعنى مو كل من رجع بشهاده ممكن يلاقي فرصه ذهبية التوجة الآن في سوق العمل نوعي وليس كمى بمعنى مو كم الشهادات اللى معكــ هو اللى بمشيكــ بقدر ماهو نوع الشهادة وكم الخبرة اللى معكــ وما"تمتلكة من مهارات"تميز الC.Vتعبكــ عن غيركـــ ..يعنى احسبها بكل الاتجاهات واحسبها صح ...عن نفسي لو يعطونى راتب بوزن جامعات الرياض كلها ماتركت البعثة عشان وظيفة مو من شئ بس البعثة مشروع كبير ويحتاج تخطيط صح ...فكر,خطط,اعد حساباتكــ,,,وشف وين ممكن تكون والاهم الاستخــــــــــــــــــــــــــــاره والدعـــــــــااااءءءء وصلاة الثلث الاخير من الليل والله يختار لكـ الخيرة من امركــــ....ويدبركــ على احسن تدبير....
بالتووووووووفيق للجميع....

السلام عليكم ورحمة الله وبركاته .

في الحقيقة الاختيار فعلاً صعب ما بين الشيئين ،،

لكن انا رأيي من رأي الاخت شهد وأؤيد كلامها
وبقووووووه ..


والله يوفقك ان شاءالله ويسهل امرك وينير دربك ويرشدك لـِ طريق الحق والصواب ..

والله يا سيييدي يا استاذي الفاضل
انا انصحك بي البعثه
لانو شوف الوظيفه رح تاخدها تاخدها انشاءالله يارب
لكن البعثه والدراسات عامه كلها كم سنه ؟؟؟؟ 5 6 سنوات اكتر من كده اقل من كده
في ده الحدود تقريبا
بعدين لمن تخلص الدراسه
ترجع لى بلدك ومعاك شهادة قويه وانت تختار الوظيفه الى تبغاها مو الناس يختارو لك يا سييدي
وفكر انك رح تخرج خارج بلدك وتاخد خبره عن العالم التاني الى نحنا عايشينو
نصيييحتي يا سيييدي اطلع البعثه وكممممل كل دراساتك وبعدين ارجع لى الوظيفه
وربي يووووفقك يااااارب ويسعدك ياارب

عن نفسي كنت اقبل اتوظف ربي يسهل لك كل خير يارب

ماادري كيف المعلمين هل لهم زي المعيد فرصة ابتعاث او كيف ماادري

بس لو فيه بيكون شي مره حلوووو

ربي يوفقك ياااااااارب

انا رأيي انه تقبل بالوظيفه احسنلك وبخصوص الراتب راح يزيد مع الوقت
وانتا في الاخر استخير الله والله يوفقك

يارجال خلك على راي ولدينك لانك كذا تبر لهم والله يفتح ابواب الرزق اللمسلم البار لولديه

اخي الكريم اولا الله يوفقك وين مارحت سواء جلست او طلعت تكمل دراسه
لكن بقولك شي مهم كما قالوه بعض الأخوان والله مالك الا رب العالمين استخر مره مرتين ليت مايتبين لك الأمر والله يوفقك

انا عندي رأي مختلف نوعاً ما
انت غافل عن نقطه مهمه !
ماشاءالله تبارك الله تحقق لك الي يحلمون فيه كثير ناس ولا قدروا يقبلون بالأبتعاث و الي منهم هون مغصوب والي منهم حاول يروح بفلوسه و همن يلتحق ... يعني تعب صعب تخيله الله يكون بعونهم
وبنفس الوقت ماشاءالله تبارك الله جتك وضيفه ومثل ما قلت انت قعدت سنه لا شغله ولا مشغله وغيرك بالسنوات و بعد مو متيسر لهم الموضوع مع العلم انه موب نقص بالكفائات ولكنه وضع قائم يحتاج معالجه
الي ابي اوصله لك
امورك بإذن الله متيسره وبخير وش ما كان اختيارك تراك بنعمه الحمدلله وتطمن كذا ولا كذا مستقبلك ان شاءالله بيدك بعد الله
لا تفكر انه لو كملت تدريس ما راح انجح او الراتب لأن رواتب المعلمين تزيد مع زيادة سنوات الخدمه وهالشي معروف
وبعد لاتفكر انه لو رحت الابتعاث بتضيع على نفسك فرصة الوضيفه
لأنك ماتدري من هنا لين ترجع من الابتعاث وش ممكن يصير بحياتك ويمكن تلقى فرص عمل خاص لك وترجع ربي مغنيك عن الوضيفه
وهذا هو الغرض الاساسي من الابتعاث
انك ترجع تبي تنشئ عمل خاص فيك وتفتح فرص وظيفيه للي مالهم وظايف هنا
يعني بدال ما تحتري راتبك انا تحدد راتبك بنفسك
واكيد اولاً واخيراً الاستخاره هي انسب شي تسويه بهالموقف
انا ما انصحك انك تجمع بين الاثنين لأنه ما جعل الله لإمرء من قلبين في جوفه
لو جمعت بتحتار تكمل ولا ترجع
الله يوفق الجميع عالعموم وانا حبيت اوضح لك ان وش ما اخترت انت بنعمه ولله الحمد

شف أنا عسكري وفني طيران وعندي هاه لغه وراتبي 8550 مع جمبع العلاوات والبدلات
وأتمنى بس تتسنح لي الفرصه في البعثه والله لأروح لو أتسلف مصاريف أول شهر
التدريس قريب كثير من الزملاء كمل الجامعه إنتساب <لغه إنجليزيه> وراح للتدريس والتدريس هو حاله وحده
كثرة إجازات زي ما في البعثه عندك تقريبا 3 شهور في السنه ويكون قريب من الأهل
عاد إذا تزوجت بيصير مكافأه لك وللمره. والله يوفقك.
والشيء يعودلك أنت أبوها وسمها.