LinkBack URL
About LinkBacks
تسلم وما قصرت
بالتوفيق
7 " بالتوفيق
جامعة ويست فرجينيا....لمن لديه سؤال او طلب مساعدة!
جامعة ويست فرجينيا....لمن لديه سؤال او طلب مساعدة!
تنبيه: هذا الموضوع قديم. تم طرحه قبل 5085 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- ماقصرت اخوي الله يكثر من امثالك7 "
- والله عندي اسألة كثير7 "
اولا من ناحية السكن.. هل اقدر احصل سكن قريب من الجامعة قريب و نظيف ومرتب؟ وكم سعره
لان انا كنت متواجد هناك و السكن كان يحتاج سيارة للجامعة!!
هل اهل المدينة و الجامعة عنصريين؟!
كيف اجواء المدينة في الشتاء؟ و هل صحيح ان ماتقدر تحرك السيارة من الثلج؟! يعني حتى لو عندك كلاسات ماتقدر تروح الجماعة؟!
عدد السعوديين؟ كثير؟ قليل؟
باالنسبة للجامعة هل هي قوية في تخصصات البزنس؟
وشكرا - اي والله انك جيت بوقتك7 "
انا ابي اجي الجامعه فحبيت اسئل كيف المعهد والجامعه وعدد السعودين انا ميح بالنجليزي وهل المعهد مقفل من جهت الملحقيه لكثره الطلاب
دراستي ستكوت في تخصص هندسه كهربائيه بكالوريوس
الله يجزاك خير - دنونة الكون والمظلوم تسلمون عالمرور...شاكر لكم القراءه7 "
ابو معتز:
اول شي انا بفرض انك متزوج وعندك عايله وبجاوبك على هالاساس وبعدين بجاوبك على اساس انك اعزب...
اقرب سكن ممكن تسكن فيه مع الاهل ويعتبر مرتب اسمه skyline والاسعار تتراوح بين 600-800 غير مؤثث للغرفه الوحده(طبعا النظام الامريكي مطبخك مع الصاله والحمام تكرم مفصول عن الغرفه غالبا واهو مفصوله بغرفه بروحها مع الشقه بهالسكن) البعد عن الجامعه اقل من كيلو وبما ان تخصصك ان شاء الله بزنس فبيكون مقر كليتك اقرب لهسكن (لان نظام المدينه (مورقانتاون) ان كل كليه لها حرم بروحها)
في سكن جديد الحين بيخلص ان شاء الله البلكونه تطل على كلاسك من كثر القرب...يعني عادي تقعد تكتب نوت وانت اطالع مباراة الاهلي ولا الاتحاد عندكم...السعر اتوقع 950 واذا عندك سياره لازم تدفع للمسافط..150 دولار بالشهر والله اعلم...ماني متاكد من حجم الشقق هل تصلح لعايله ولا لا... وماعندي معلومات كثيره عنه..بس اذا بغيت اقدر اردلك خبر؟
الحين اكلمك على اساس انك اعزب ومو متزوج ...في سكن بعد دقيقه للجامعه مشي يعني تقدر تشوف الجامعه اذا طلعت برا...بس الشقق برايي صغيره وماتسوى السعر...ولكن السعر بقربك للجامعه واللي راح يساعدك حيل حزة الكلاسات...950 لغرفه واحده استوديو وعليهم كل شي وماثثه
...............................
انا برايي ابو معتز اذا انت مبتعث ففي اكثر من سكن حلو فيهم باصات وراح يكون مدفوع تكاليف الباص من الملحقيه ...وتقدر تستخدم بطاقه الطالب حق الباصات وتقدر تستخدم
PRT(personal rapid transit) للتنقل بين الكليات هذا اذا احتجت يعني وهذا نظام نفس القطار بس على اصغر (كبسوله تقريبا) تشيل 14-17 شخص للتنقل بين الكليات كما ذكر سابقا....
برايي يا ابو معتز ان اهل المدينه طيبييييييييييييييين لابعد الحدود وبحكم انها مدينه دراسه واغلب اللي فيها من ولايات ثانيه فبتلقاهم فريندلي على قولتهم...وطبعا هذا من عشرتي لهم مادري اذا اكو احد له راي ثاني بخصوص هالموضوع
.....................
بالنسبه للثلج والشتا....المدينه بارده بالشتا والثلج غبي شوي بصراحه لان المنطقه جبليه فقط...انا عندي سياره سيدان وبالشتا اركب تواير ثلج ووضعي فوق السلييييم...واذا عندك جيب دفع رباعي فوضعك تمااام التمااام...ولو تحط للجيب تواير ثلج فماعليك شر باذن الله كلش...طبعا السواقه بركاده مو بسرعه في مثل هالحالات...نادرا ماينزل ثلج يوقفون فيه الجامعه يعني ماتحتاج اداوم ونظام الجامعه بالتبليغ عن هالحالات ممتاز ...بالايميل والتلفون والتلفزيون...
-----------------------------
عدد السعوديين كثير مقارنة بمساحة المدينه الصغير ...مادري جم عدد السعوديين لان انا كويتي وماعندي شي رسمي من ملحقيتكم ولكن متاكد اكثر من 150 بالساهل على قولتكم...واذا بدور على معهد لغه هني انا مانصح جدااااااااااااااااااااااااااااااا لان الكلاس راح يكون كله سعوديين...ونادرا ما تلاقي واحد يبي يسولف انجليزي معاك من الشباب العرب بالمعهد...في طبعا جنسيات ثانيه بالمعهد غير عربيه يمكن تمشي امورك اذا احتكيت معاهم وحاولت قدر المستطاع تبعد عن العرب ولو لفترة اللغه بس.....
-----------------------------
الجامعه فوق المتوسطه بالنسبه للبزنس...
اسف على الاطاله ابو معتز بس حبيت اذكر مل اللي اقدر عليه وما انسى شي واسف اذا نسيت شي....اذا عندك استفسار ثاني تفضل وامرني....
------------------------------------------------------------------------------------
بحر الهوى:
المعهد في طلبة (سعوديين خصوصا ماشالله عليكم) كبير جدا بالنسبه للطاقه التحمليه للمعهد...وبرايي تقدر تروح معهد لغه ثاني وتاخذ قبول من جامعه وست فرجينيا بالهندسه...هذا اللي انا بسويه لو كنت مكانك بس خيارك اكيد وانت ادرى بنفسك اذا تقدر تبعد عن العرب وتعاشر جنسيات ثانيه لفترة اللغه بس ولا لا...
انا انصح يا شباب ان تزورون المدينه لمدة اسبوع على الاقل تشوفون المعهد والجامعه والمدينه بشكل عام قبل ماتقررون انكم تروحون...مو بس مورقانتاون ولكن اي ولايه او مدينه بامريكا....ومن سابق خبره والله اعلم....
اسف على الاطاله مره ثانيه ..وحبيت اقول واذكر ان كل الحجي اللي انذكر يعبر عن رايي ويمكن الناس يكون لهم راي ثاني مع الاحترام والتقدير
وشكرا... - يا هلا بأهل الكويت .. حياك بين اهلك و اخوانك يا معود P:7 "
عموما صراحة انا استفدت واجد من كلامك ..
بالنسبة للسكن الاماكن اللي قلتهم مغريين و خصوصا skyline السكن الثاني سعره غالي شوي زز انا اعزب و اتوقع باخد لي سكن لوحدي غرفة وحدة .. في سكنين في بالي و اتوقع انت اللي تعنيهم ويحتاجو باصات اللي هم: Cooper Beach او West Run
انا شفت الـ Cooper Beach و بصراحة سكن محترم وسعره حلو, بالنسبة لـ West Run فقط شفت الصور و تقريبا مشابه للأول
بالنسبة للسيارة فكرت اخد سيدان بس اتوقع ماراح تمشي في فصل الشتاء .. وانت رايك بالجيب احسن!!!
انا كنت متواجد في المدينة و بصراحة حبيتها .. طبيعتها حلوة و المدينة صغيرة بس دايما تضيعك و احس كل الشوارع مثل بعض
و يعطيك الف الف عافية اخوي - لبى قلبك وقلب هل الكويت7 "
عندي أربع اسئلة
هل لديكم ماجستير في TOESL ؟
هل الجامعة ممكن تقبل معدل أقل من ثلاث من خمسة للماستر ؟
هل الماجستير يشترط فيه إحضار جيمات وار جي ولا التوفل كفاية ؟
لاهنت والله يوفقك بدراستك - هلا وغلا بالحبيب عسى الله ييسر امرك مثل ماتعين اخوانك وخواتك الطلبه7 "
وانا اخوك ابدرس ماستر هندسه مدنيه في الجامعه
-ياليت تفيدني عن طريقة ونضام الماستر من ناحية الوحدات؟ وجم وحده اقدر اخذ بالسيميستر؟ وجم سيمستر في السنه؟ وجم سنه اخلص الماستر؟(ماينعطى وجه )
_رسوم الدراسه
-هل تنصح ادرس عزابي والا اجيب اهلي معاي؟وهل هناك مشكله مع النقاب؟
هذي المجموعه الاولى من الاسئله عساك ذخر ولا ننعدم من فضلك - الله يوفقك اخوي ان شاءالله ويسهل امرك ..7 "
ماادري كيف اوضاع السكن مع العوائل ؟؟
وكيف تخصص التسويق بالجامعة ؟
خااااااااااااالص شكري ^_^
May 25th, 2010, 09:16 PM
السلام عليكم ورحمة الله وبركاته...لا اريد الاطاله